Main menu

စိန်ခေါ်မှုများရှိသောလည်း ဖိလစ်ပိုင်နိုင်ငံ၏ အသေးစား၊ အငယ်စား၊ အလတ်စားလုပ်ငန်းများ တိုးတက်ရန် တိုးအားပေးနေ

Powered by Drupal

     ဖိလစ်ပိုင် အသေးစား၊ အငယ်စား၊ အလတ်စားလုပ်ငန်းများ (MSMEs) ၏ ၇၀ ရာခိုင်နှုန်း ကျော်သည် ယခုနှစ်အတွင်းတွင် စွမ်းဆောင်ရည်များ ပိုမိုကောင်းမွန်ရန် မျှော်မှန်းထားသော်လည်း ဘဏ္ဍငွေရရှိရေးတွင် စိန်ခေါ်မှုများနှင့် ရင်ဆိုင်နေရကြောင်း ကမ္ညာလုံးဆိုင်ရာ အတိုင်ပင်ခံ ကုမ္ပဏီ Boston Consulting Group (BCG) ၏ လေ့လာမှုတစ်ခုအရ သိရပါသည်။ ဇူလိုင်လ ၁၅ ရက်နေ့ တွင်ပြုလုပ်သော MSME Bayanihan Caravan ၂၀၂၅ ပွဲ၌ BCG ဥက္ကဌ Jamie Bawalan က ကုန်သွယ်ရေးနှင့် စက်မှုလက်မှုဌာန(DTI) တို့နှင့်ပူးပေါင်းဆောင်ရွက်ခဲ့သည့် လေ့လာမှုတစ်ခုအရ ဖိလစ်ပိုင် MSMEs များ၏ ၇၃ ရာခိုင်နှုန်းသည် အားကောင်းသော လုပ်ဆောင်ချက်များ ရှိလာနိုင် ကြောင်း ပြောကြားခဲ့ပါသည်။ အဆိုပါလေ့လာမှုတွင် ထုတ်လုပ်ရေး၊လက်လီ၊ အစားအသောက် နှင့် တစ်ခြားသော ဝန်ဆောင်မှုများကဲ့သို့ အဓိက လုပ်ငန်းများဖြစ်သော MSMEs ၃၀၉၈ ခု ရှိနေပြီ ဖြစ်ကြောင်း သိရပါသည်။ Bawalan က ဖိလစ်ပိုင်နိုင်ငံရှိMSMEsများသည် ဖွံဖြိုးတိုးတက်မှု လမ်း‌ကြောင်းတွင် အာရုံစိုက်နေပြီဖြစ်ပြီး အချိန်တိုအတွင်း ၎င်းတို့၏ ထုတ်ကုန်များ နှင့် ဝန်‌ဆောင် မှုများအား မြင့်တင်နေကြောင်း နှင့် စားသုံးသူများလည်း ပိုမိုရရှိလာကြောင်း သိရပါသည်။ MSMEs များသည် ယခင်နှစ်ထက် ယခုနှစ်တွင် ပိုမိုကောင်းမွန်အောင်ဆောင်ရွက်ရန် မျှော်မှန်းထားသော် လည်း လေ့လာတွေ့ရှိချက်များအရ ဘဏ္ဍာငွေရရှိရေးသည် ဖွံဖြိုးတိုးတက်မှုအတွက် အရေးပါ သော လမ်းကြောင်းတစ်ခုဖြစ်ကြောင်း သိရပါသည်။ Bawalan က MSMEs များ၏ ၃၃ ရာခိုင်နှုန်း သည် ချေးငွေများရရှိရန် မျှော်မှန်းနေကြပြီး ထက်ဝက် (သို့မဟုတ်) ၅၅ ရာခိုင်နှုန်းသည် အကြွေး တင်ပြီး အတိုးနှုန်းများမြင့်မားစွာပေးဆောင်ရမည်ကို စိုးရိမ်သဖြင့် ဘဏ်များမှ ချေးငွေများ လျှောက်ထားခြင်း မရှိကြောင်း သိရပါသည်။ လေ့လာတွေ့ရှိချက်များအရ MSMEs ၏ ၇၇ ရာခိုင် နှုန်းသည် ဒစ်ဂျစ်တယ်ကိရိယာများကို ပိုမိုအသုံးပြုရန် ရည်မှန်းထားသော်လည်း ၂၀ ရာခိုင်နှုန်း သော MSMEs များသာ ဒစ်ဂျစ်တယ်ကိရိယာအသုံးပြုမှုကို တိုးမြှင့်နိုင်ခဲ့ကြောင်း သိရပါသည်။ MSMEs များသည် ၎င်းတို့ကိုယ်ကို သေးငယ်သော လုပ်ငန်းများအဖြစ် ယူဆနေသောကြောင့် ဒစ်ဂျစ်တယ်ကိရိယာများ အသုံးပြုခြင်း နည်းပါးနေ

ခြင်းဖြစ်ကြောင်း သိရပါသည်။ Bawalan က ဘဏ္ဍာရေးထောက်ပံ့ခြင်းသည်သာလျှင် MSMEs များတိုတက်မှုအတွက် အထောက်အကူ ပြုနိုင်ကြောင်း နှင့် MSMEs များ၏ လိုအပ်ချက်ဖြစ်သော ဘဏ္ဍာငွေရရှိရေးကို ဖြေရှင်းရန် လိုအပ်‌‌ကြောင်း ပြောကြားခဲ့ပါသည်။

  DOCA(ရန်ကုန်)