တနင်္သာရီတိုင်းဒေသကြီး၊ မြိတ်မြိုတွင် စားသုံးသူရေးရာဦးစီးဌာနမှ ဝန်ထမ်းများနှင့်အတူ မြို့နယ်အထွေထွေအုပ်ချုပ်ရေးဦးစီးဌာန၊ ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာန၊ ပြည်သူ့ကျန်းမာရေးဦးစီးဌာနနှင့် မြို့နယ်စည်ပင်သာယာရေးအဖွဲ့ စသောဌာနဆိုင်ရာများ ပူးပေါင်း အဖွဲ့များဖြင့် ၂၀၂၅ခုနှစ်၊ ဇူလိုင်လ(၁)ရက်နေ့၊ နံနက်(၁၀း၀၀)နာရီအချိန်တွင် အစားအသောက် ဝန်ဆောင်မှုနှင့်ပတ်သက်၍ ကန်ဖျားလမ်း၊ ကြံတောရပ်ရှိ ရွှေနှင်းဆီစားသောက်ဆိုင်အား ကွင်းဆင်း စစ်ဆေးခဲ့ကြောင်း သိရှိရပါသည်။
ကွင်းဆင်းစစ်ဆေးရာတွင် ရွှေနှင်းဆီစားသောက်ဆိုင်ရှိ အစားအသောက်များချက်ပြုတ် ဆောင်ရွက်နေသည့် မီးဖိုချောင်များစစ်ဆေးခြင်း၊ ကိုင်တွယ်ချက်ပြုတ်သူများ၊ ဝန်ဆောင်မှုပေးသူ များ၏ တစ်ကိုယ်ရည် သန့်ရှင်းမှု ရှိ/မရှိ စစ်ဆေးခြင်း၊ လတ်ဆတ်သော ဟင်းသီးဟင်းရွက်နှင့် သန့်ရှင်းသောရေကိုသုံးစွဲမှု ရှိ/မရှိ စစ်ဆေးခြင်း၊ ကျန်းမာရေးဆိုင်ရာဘေးထွက်ဆိုးကျိုး ရှိ/မရှိ စစ်ဆေးခြင်း၊ စားသုံးသူများအား ဝန်ဆောင်မှုနှင့်စပ်လျဥ်း၍ လုံလောက်သည့် သတင်းအချက် အလက်များအား ကြိုတင်အသိပေး ပြောကြားမှု ရှိ/မရှိ နှင့် စားသောက်ဖွယ်ရာများ၏အမျိုးအစား၊ အရွယ်အစား၊ ပမာဏအလိုက်စျေးနှုန်းအား ကြိုတင်အသိပေးဖော်ပြထားခြင်း ရှိ/မရှိ စစ်ဆေးခဲ့ပြီး သန့်ရှင်းလတ်ဆတ်သောအစားအသောက်များကိုသာရောင်းချကြရန်၊ စီးပွားရေးလုပ်ငန်းရှင်များ၏ တာဝန်များအကြောင်းနှင့် စားသုံးသူနစ်နာမှုဖြစ်ခဲ့ပါက စားသုံးသူ ကာကွယ်ရေးဥပဒေအရပြစ်မှု၊ ပြစ်ဒဏ်များအကြောင်း ရှင်းလင်းပြောကြားခြင်းများ ဆောင်ရွက်ခဲ့ကြောင်း သိရှိရပါသည်။
DOCA(တနင်္သာရီ)
မြိတ်မြို့ရှိ စားသောက်ဆိုင်ကြီးများသို့ အစားအသောက် ဝန်ဆောင်မှုနှင့် ပတ်သက်၍ ကွင်းဆင်းစစ်ဆေး
Powered by Drupal