ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်စည်ပင်သာယာမြို့မဈေးအတွင်း ရောင်းချလျက်ရှိသော ဆန်၊ စားသုံးဆီနှင့် ငါးအမျိုးမျိုး ရောင်းချသော ဆိုင်များသို့ ကုန်ဈေးနှုန်းများ၊ ဈေးကွက်ဆိုင်ရာအခြေအနေများနှင့်စပ်လျဉ်း၍ စစ်ဆေးခြင်းအား ၂၅.၆.၂၀၂၅ ရက်နေ့၊ နံနက်(၁၀:၀၀)နာရီအချိန်တွင် စားသုံးသူရေးရာဦးစီးဌာန၊ မြို့နယ်စည်ပင်သာယာရေးအဖွဲ့တို့ ပူးပေါင်း၍ ကွင်းဆင်းစစ်ဆေးခဲ့ကြောင်း သိရသည်။
အဆိုပါ ကွင်းဆင်းစစ်ဆေးရာတွင် ဆန်ကြမ်း၊ ဆန်ချောရောင်းချသောဆိုင်များသို့ ဆန်ဈေးနှုန်းများ တည်ငြိမ်ရေး၊ ဈေးနှုန်းများမြှင့်တင်ရောင်းချမှုမရှိစေရေး၊ ဈေးကစားရန် ရည်ရွယ်ချက်ဖြင့် သိုလှောင်ထားခြင်း မပြုလုပ်ကြရန် အသိပညာပေးခြင်း၊ ဆန်ဈေးနှုန်းစာရင်းများ ကောက်ယူခြင်း၊ ကုန်မျိုးစုံရောင်းချသော ဆိုင်များသို့ စားသုံးဆီများအား ဈေးနှုန်းမြှင့်တင်ရောင်းချခြင်းမပြုလုပ်ရန်၊ ဝယ်ယူရောင်းချသည့် ဈေးနှုန်း၊ ဈေးကွက်အခြေအနေများအား မေးမြန်းစုံစမ်းစာရင်းကောက်ယူခဲ့ပါသည်။ ထို့ပြင် ငါးအမျိုးမျိုး ရောင်းချသောဆိုင်များသို့ ဝယ်ယူရောင်းချမှုအခြေအနေနှင့် ဈေးနှုန်းဈေးကွက်အခြေအနေများအား စာရင်းကောက်ယူခြင်းနှင့် ဈေးနှုန်းများ အဆမတန်မြှင့်တင်ရောင်းချမှုမပြုလုပ်ကြရန် အသိပညာပေးကွင်းဆင်းစစ်ဆေးခဲ့ကြောင်း သိရှိရပါသည်။
DOCA (ရန်ကုန်)