စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးရုံးအနေဖြင့် မြင်းခြံမြို့ရှိ MSME လုပ်ငန်းများ ဖွံ့ဖြိုးတိုးတက်ရေး၊ ကုန်စည်များဈေးကွက်သို့မရောက်မီ ထုတ်ကုန်များလုံခြုံစိတ်ချရမှုရှိစေရန်၊ ဥပ ဒေများနှင့်အညီ ထုတ်လုပ်နိုင်စေရေးအတွက် ဈေးကွက်စောင့်ကြည့်စစ်ဆေးခြင်းများကို စဉ်ဆက် မပြတ်ဆောင်ရွက်ရှိရာ ( ၁၉.၆၂၀၂၅ ) ရက်နေ့၊ နံနက် ( ၁၀:၃၀ ) နာရီအချိန်တွင် ခရိုင်ဦးစီးမှူး ဦးသန်းစိုးနှင့် ဝန်ထမ်းများသည် မြင်းခြံမြို့၊ အမှတ်(၆)ရပ်ကွက်ရှိ SPK ကိတ်မုန့် လုပ်ငန်းခွင်သို့ ကွင်းဆင်းဆောင်ရွက်ခဲ့ကြောင်း သိရသည်။
SPK ကိတ်မုန့်လုပ်ငန်းသည် တစ်ရက်လျှင် ဂျုံ (၂၅)ပိဿာပါ (၁)အိတ်(သို့) အိတ်ဝက်ခန့် အသုံးပြုရပါကြောင်း၊ သကြား(၁၀/၁၅)ပိဿာ ခန့်နှင့် ကြက်ဥ အလုံး (၁၅၀) သုံးစွဲရပါကြောင်း၊ ဆီအချိန် ပိဿာ(၁၀)ခန့် ကုန်ကျပါကြောင်း၊ ဂျုံတစ်အိတ်လျှင် (၁၆၈၀၀၀)ကျပ်၊ သကြားတစ်အိတ် လျှင် (၁၆၀၀၀)ကျပ်နှင့် ကြက်ဥတစ်ပိဿာလျှင် (၁၀၅၀၀) ကျပ်ဝယ်ယူရပါကြောင်း၊ လုပ်သားအနေ ဖြင့် ကျား(၉)ဦး ကို တစ်ဦးလျှင် (၁၄၀၀၀)ကျပ်ဖြင့် နေ့စဉ် လုပ်ကိုင်ရပါကြောင်း သိရှိရသည်။ ဖြန့်ဖြူးမှုအနေဖြင့် ဒေသတွင်းသာရောင်းချမှုရှိပါကြောင်း သိရသည်။ ခရိုင်ဦးစီးမှူးမှ MSME လုပ်ငန်းများဖွံ့ဖြိုးတိုးတက်ရေးကို အားပေးဆောင်ရွက်လျက်ရှိပါကြောင်း၊ လုပ်ငန်းရှင်များအနေ ဖြင့် မိမိတို့ထုတ်လုပ်သော ကုန်ပစ္စည်းများကို သန့်ရှင်းသပ်ရပ်စွာဖြင့်ထုတ်လုပ်၍ ကျန်းမာရေးနှင့်ညီ ညွတ်ရန် အထူးအလေးထားလုပ်ဆောင်ရမည်ဖြစ်ပါကြောင်း၊ စက်မှုလုပ်ငန်းသုံးဆီများကိုလည်း လုပ်ငန်းခွင်များတွင် အမှန်တကယ်အသုံးပြုမှုရှိစေရေး၊ ဥပဒေပါစီးပွားရေးလုပ်ငန်းရှင်၏တာဝန်များ၊ စားသုံးသူများ ဘေးအန္တရာယ်ကင်းရှင်းစွာ စားသုံးနိုင်စေရေးနှင့် သက်ဆိုင်ရာဌာနများ၏ ပြဌာန်း ချက်များကိုလည်း လိုက်နာဆောင်ရွက်ရန်လိုအပ်ပါကြောင်း အသိပညာပေး၍ ဈေးကွက်စောင့် ကြည့် စစ်ဆေးခြင်းများ ဆောင်ရွက်ခဲ့ကြောင်း သိရသည်။
DOCA(မန္တလေး)