စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်ဦးစီးမှူးရုံးမှ ဝန်ထမ်းများသည် တိုင်းဒေသကြီးဦးစီးမှူးနှင့် ခရိုင်ဦးစီးမှူးတို့၏လမ်းညွှန်ချက်ဖြင့် (၂၀.၆.၂၀၂၅)ရက်နေ့၊ နံနက်(၁၁:၃၀) အချိန်တွင် မိတ်ဖက်ဌာနများဖြစ်သည့် မြို့နယ်စည်ပင်သာယာရေးအဖွဲ့၊ ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာန၊ မြို့နယ်ကျန်းမာရေးဦးစီးဌာနတို့နှင့်ပူးပေါင်း၍ သရက်မြို့၊ ရုံးရပ်ကွက်နှင့် ပြည်တော်အေးရပ်ကွက်တို့ရှိ စားသောက်ဆိုင်များအား ဝန်ဆောင်မှုနှင့်စပ်လျဥ်း၍ ကွင်းဆင်း အသိပညာပေးခြင်းများ ဆောင်ရွက်ခဲ့ကြောင်း သိရသည်။
ထိုသို့ကွင်းဆင်းရာတွင် စားသောက်ဆိုင်များအား အစားအသောက်များရောင်းချသည့်နေရာနှင့် ချက်ပြုတ်ရာတွင် သန့်ရှင်းမှုရှိစေရန်၊ ကျန်းမာရေးနှင့်ညီညွတ်သည့် အစားအသောက်များရောင်းချစေရန်၊ ဝန်ဆောင်မှု ပေးသူများ၏ တကိုယ်ရေသန့်ရှင်းမှုရှိစေရန်၊ သင့်တင့်မျှတသည့်တန်ဖိုးနှင့်အညီ အစားအသောက်များကို ရောင်းချစေရန်၊ စားသုံးသူနှင့်ရောင်းချသူ အဆင်ပြေစေရန် မိမိဆိုင်မှ ဝန်ဆောင်မှုပေးသည့် သတင်းအချက်အလက်များကို စားသုံးသူများအသုံးမပြုမီ အတိအကျပေးနိုင်ရန်အတွက် သိသာထင်ရှားစွာ လေဘယ်/ ဆိုင်းဘုတ်များ ချိတ်ဆွဲထားရှိရန် အသိပညာပေးပြော ကြားခဲ့ကြောင်း သိရှိရသည်။
DOCA(မကွေး)