စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် (၁၈.၆.၂၀၂၅)ရက်နေ့၊ နံနက် (၀၉:၃၀)အချိန်တွင် ပခုက္ကူမြို့ပညာရေးဒီဂရီကောလိပ်မှ ဖိတ်ကြားချက်အရ မဟာသရေ စည်သူ-ဦးဘခန်းမဆောင်၌ ကျောင်းအုပ်ဆရာမကြီးနှင့် နည်းပြဆရာ၊ ဆရာမ(၂၇)ဦး၊ သင်တန်းဆရာ၊ ဆရာမများ(၄၀၀)ဦး၊ စုစုပေါင်း(၄၂၇)ဦးတို့အား စားသုံးသူကာကွယ်ရေး အသိပညာပေး ဟောပြောပွဲ ကျင်းပပြုလုပ်ခဲ့ကြောင်း သိရသည်။
ခရိုင်ဦးစီးမှူးမှ ဌာန၏သမိုင်းကြောင်းနှင့် လုပ်ငန်းဆောင်ရွက်ချက်များ၊ ဌာနမှ လက်ရှိဆောင်ရွက်နေသော လုပ်ငန်းတာဝန်များနှင့် ဆက်လက်ဆောင်ရွက်မည့် လုပ်ငန်းစဉ်များ၊ ကုန်စည်နှင့်ဝန်ဆောင်မှုများ အသုံးပြုခြင်းကြောင့် နစ်နာဆုံးရှုံးများ ဖြစ်ပေါ်လာပါက တိုင်ကြားနိုင်သည့် နည်းလမ်းများ၊ စားသုံးသူရေးရာကိစ္စများ စုံစမ်းမေးမြန်းရန်အတွက် Consumer Call Center (၁၅၃၅)အား ဖွင့်လှစ်ထားရှိကြောင်းနှင့် Online ရောင်းဝယ်ခြင်းဆိုင်ရာများနှင့် မူပိုင်ခွင့်ဥပဒေအကြောင်းသိကောင်းစရာများအကြောင်းကိုလည်းကောင်း၊ စားသုံးသူရေးရာဌာနခွဲတာဝန်ခံမှ စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသား ဖော်ပြချက်(၈)ချက်အား လည်းကောင်း အသိပညာပေးဆွေးနွေးခဲ့ပြီး ဆွေးနွေးမေးမြန်းမှုများအပေါ် ဖြေဆိုနိုင်သူများအား အမှတ်တရလက်ဆောင်ပစ္စည်းများ ပေးအပ်ခဲ့ပြီး လက်ကမ်းစာစောင်များဖြန့်ဝေခဲ့ကြောင်း သိရှိရပါသည်။
DOCA(မကွေး)