စားသုံးသူရေးရာဦးစီးဌာန၊ မကွေးတိုင်းဒေသကြီး၊ အောင်လံ/သရက်ခရိုင်၊ အောင်လံမြို့နယ် တာဝန်ခံသည် မြို့နယ်ပညာရေးဦးစီးဌာန၊ ကျန်းမာရေးဦးစီးဌာနတို့နှင့် ပူးပေါင်း၍ (၁၇-၆-၂၀၂၅)ရက်နေ့၊ နံနက်(၁၀း၃၀)အချိန်တွင် အောင်လံမြို့၊ မန်ကျည်းကုန်းရပ်ကွက်၊ အမှတ်(၂) အခြေခံပညာအထက်တန်းကျောင်းသို့ သွားရောက်၍ ဆရာ၊ ဆရာမ(၁၀)ဦးနှင့် ကျောင်းသား၊ ကျောင်းသူ(၁၄၀)ဦးတို့အား စားသုံးသူကာကွယ်ရေး အသိပညာပေးဟောပြောပွဲ ဆောင်ရွက်ခဲ့ကြောင်း သိရသည်။
အောင်လံမြို့နယ်တာဝန်ခံမှ ဆွေးနွေးရာတွင် ဌာန၏ လုပ်ငန်းဆောင်ရွက်ချက်များနှင့် စားသုံးသူအခွင့်အရေးနှင့်တာဝန်များအကြောင်း၊ ကုန်အညွှန်းအမှတ်အသားအကြောင်း၊ စားသုံးသူ ပြည်သူများအတွက် ကုန်စည်(သို့မဟုတ်)ဝန်ဆောင်မှုနှင့်စပ်လျဉ်း၍ ဘေးအန္တရာယ်ကင်းရှင်း စေရေး၊ ထုတ်ကုန်များလုံခြုံစိတ်ချရမှုရှိစေရေးတို့ကို ဆောင်ရွက်နေရုံသာမက စားသုံးသူ နစ်နာ ဆုံးရှုံးမှုများအတွက် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC)အား ဖွင့်လှစ်ထားရှိကြောင်း၊ နစ်နာဆုံးရှုံးမှုများဖြစ်ပေါ်ပါက ဌာနသို့တိုင်ကြားစေခြင်းဖြင့် ကုစားခွင့်များရရှိမည်ဖြစ်ကြောင်း၊ တိုင်ကြားနိုင်သည့်ပုဂ္ဂိုလ်များနှင့် တိုင်ကြားနိုင်သည့် နေရာများအား အသေးစိတ်ဆွေးနွေးခဲ့ကြောင်း သိရသည်။
DOCA(မကွေး)