စားသုံးသူပြည်သူများအား ထုတ်ကုန်လုံခြုံစိတ်ချရမှုရှိစေရေး ဘေးအန္တရာယ်ရှိသော ကုန်စည်များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေပြဌာန်းချက်ပါ ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသား ဖေါ်ပြထားမှုအခြေအနေတို့နှင့် စပ်လျဉ်း၍ သက်ဆိုင်ရာ မိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့်စစ်ဆေးခြင်း လုပ်ငန်းများဆောင်ရွက်လျက်ရှိရာ ၂၀၂၅ ခုနှစ်၊ ဇွန်လ (၁) ရက်နေ့မှ (၁၅) ရက်နေ့ အတွင်းတွင် ပြည်ခရိုင်၊ ရွှေတောင်မြို့နယ်တွင် နွားမယံအုပ်စု၊ ဆင်မကြပ်ရွာ၊ ဦးထွန်းထွန်းဝင်း၏ “တူးတူးလေး” ယိုမျိုးစုံလုပ်ငန်း၊ ဆည်ကြီးကုန်းအုပ်စု၊ ညောင်ဝိုင်းရွာ ဦးပိုင်စိုးကျော်၏ “AK”သောက်ရေသန့် လုပ်ငန်းသို့လည်းကောင်း၊ ပန်းတောင်းမြို့တွင်လဲကျေးရွာရှိ ဦးသိန်းနိုင်ဦး၏ “ဘရဏီ” အမှတ် တံဆိပ် ကိတ်နှင့်မုန့်မျိုးစုံလုပ်ငန်း သို့လည်းကောင်း၊ ပေါက်ခေါင်းမြို့နယ်တွင် ဘန့်ပြင်ကျေးရွာရှိ “ဒေါ်လာ”ဆန်မရွေးလုပ်ငန်းသို့လည်းကောင်း သက်ဆိုင်ရာမြို့နယ်တာဝန်ခံ နှင့်ဝန်ထမ်းများသည် သွားရောက်၍ ဈေးကွက် မရောက်မီ ကုန်စည်များတွင် ကုန်အညွှန်း အမှတ်အသားပါ သတ်မှတ်ချက်များနှင့် ကိုက်ညီမှုရှိသော ကုန်စည်များကို တင်သွင်းရောင်းချခြင်းရှိ/ မရှိ၊ သက်ဆိုင်ရာဌာန၏ ထောက်ခံမှုရှိ/ မရှိ ဈေးကွက်စောင့်ကြည့်စစ်ဆေးခဲ့ပါကြောင်းနှင့် စောင့်ကြည့် စစ်ဆေးခဲ့သည့် ကုန်စည်များတွင် ကုန်အညွှန်းအမှတ်အသား ဖေါ်ပြချက်များနှင့် ကိုက်ညီမှုရှိပါ ကြောင်း သတင်းရရှိပါသည်။
DOCA(ပဲခူး)