ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်မှုဖြင့် (၂၃.၆.၂၀၂၅) ရက်နေ့၊ နံနက်ပိုင်းတွင် စားသုံးသူရေးရာဦးစီးဌာန၊ ထုတ်ကုန်လုံခြုံစိတ်ချရမှု ဌာနခွဲတာဝန်ခံ ဦးဆောင်၍ မြို့နယ်အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်ရဲတပ်ဖွဲ့တို့နှင့်ပူးပေါင်း၍ ပဲခူးမြို့ပေါ်ရှိ အစားအသောက်ရောင်းချသည့်ဆိုင်များသို့ အစားအသောက် အမျိုးအစားအလိုက် ဈေးနှုန်းများ ဖော်ပြထားခြင်းရှိ/ မရှိ၊ အစားအသောက်များချက်ပြုတ်ရောင်းချရာတွင် သန့်ရှင်းလတ်ဆတ်မှုရှိ/ မရှိ၊ အခြားဌာနဆိုင်ရာများကို ထောက်ခံချက်များရှိ / မရှိ တို့ကို ကွင်းဆင်း စစ်ဆေးခဲ့ပါသည်။ ထိုသို့ စစ်ဆေးခဲ့ပြီး ထုတ်ကုန်လုံခြုံစိတ်ချရမှု ဌာနခွဲတာဝန်ခံမှ ရောင်းချသည့် အစားအသောက် အမျိုးအမည်နှင့် ဈေးနှုန်းများအား စားသုံးသူများသိရှိ၊ မြင်သာအောင် ဆောင်ရွက် ထားရန်နှင့် အစားအသောက် ဝန်ဆောင်မှုပေးသည့်သူများမှလည်း တစ်ကိုယ်ရည်သန့်ရှင်းမှုကို အလေးထားဆောင်ရွက်ရန်၊ စားသုံးသူများ ဘေးအန္တရာယ်ကင်းရှင်းရေးကို ဦးစားပေးလုပ်ဆောင်ရန်နှင့် အမှိုက်(၄)မျိုးကို စနစ်တကျ စွန့်ပစ်ရန်၊ ယခုအခါသည် မိုးဦးကာလဖြစ်သည့်အတွက် ဖုံး ၊ သွန် ၊ လဲ ၊ စစ် ဟူသော အချက်များကိုလည်း အထူးဂရုပြုဆောင်ရွက်ရန် လိုအပ်ပါကြောင်း အသိပညာပေး ပြောကြားခဲ့ကြောင်း သိရှိရပါသည်။
DOCA(ပဲခူး)