၂၀-၆-၂၀၂၅ ရက်နေ့ နေ့လယ် ၁၄:၀၀ နာရီအချိန်တွင် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံး အစည်းအဝေးခန်းမ၌ ကရင်ပြည်နယ်ဦးစီးမှူးရုံး ဦးသန်းဦးက ဦးဆောင်၍ ပြည်နယ်/ခရိုင်များမှ ဝန်ထမ်းများ ဇွန်လအတွက် ဝန်ထမ်းထုဆန္ဒဖော်ထုတ်ပွဲ ကျင်းပပြုလုပ်ခဲ့ကြောင်း သိရသည်။
အခမ်းအနားတွင် လစဉ် ဝန်ထမ်းထုဆန္ဒဖော်ထုတ်ပွဲအား အစီအစဉ် အတိုင်းကျင်းပခဲ့ရာ ရှေ့ဦးစွာ ယခင်လဆန္ဒဖော်ထုတ်ပွဲတွင် ဆွေးနွေးခဲ့သည့် ဆောင်ရွက်ရန်အချက်များနှင့် ပတ်သက်၍ ဆောင်ရွက်ပြီးစီးမှု အခြေအနေများကို ဌာနခွဲအလိုက်တာဝန်ခံများနှင့်ဝန်ထမ်းများက တင်ပြခဲ့ပြီး၊ ပြည်နယ်ဦးစီးမှူး ဦးသန်းဦးက ဆက်လက်ဆောင်ရွက်ရမည့်အချက်များနှင့် ယခုလ ဆောင်ရွက်ချက်များအား အဖွင့်အမှာစကား ပြောကြားခဲ့ပါသည်။ ဆက်လက်၍ ဝန်ထမ်းထုဆန္ဒဖော်ထုတ်ပွဲ၌ ဝန်ထမ်းတစ်ဦးချင်းစီအလိုက် အခက်အခဲများနှင့် ပြည်နယ်ရုံးလက်အောက်ရှိ ခရိုင်ရုံး၏ တင်ပြချက် အခက်အခဲများကို မေးမြန်းဆွေးနွေးဖော်ထုတ်ခဲ့ပြီး တင်ပြချက်များအပေါ် ဆောင်ရွက်ရမည်များကို ပြန်လည်လမ်းညွှန်ဖြေရှင်းပေးမှုများ ပြုလုပ်ခဲ့ပါသည်။
အခမ်းအနားတွင် ဝန်ထမ်းထုဆန္ဒဖော်ထုတ်ချက် (၈) ချက်ဖော်ထုတ်နိုင်ခဲ့ပြီး ပြည်နယ်ရုံးမှ ဝန်ထမ်း ၁၂ ဦး တက်ရောက်ခဲ့ကြောင်းနှင့် အစည်းအဝေးကို ၁၅:၃၀ နာရီအချိန်တွင် ရုတ်သိမ်းခဲ့ကြောင်း သိရသည်။
DOCA(ကရင်)