ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်ရှိ ရပ်ကွက်၊ ကျေးရွာအုပ်စုများ တွင် Seeder နှင့် စံပြကွက်စိုက်ပျိုးသည့် စိုက်ဧကများအပေါ် ခွဲတမ်းရရှိသည့် ဓါတ်မြေဩဇာ အိတ်များ ရပ်ကွက်/ကျေးရွာအုပ်စုများရှိ တောင်သူများထံသို့ ၂၀.၆.၂၀၂၅ ရက်နေ့တွင် ဖြန့်ဝေမှု ပြီးစီးခဲ့ကြောင်း သိရှိရသည်။
ထိုသို့ ရပ်ကွက်၊ ကျေးရွာအုပ်စုများသို့ ကွင်းဆင်းဖြန့်ဖြူးပေးခဲ့ရာတွင် ကော့မှူးမြို့နယ်အနေဖြင့် ၂၀၂၅-၂၀၂၆ ဘဏ္ဍာရေးနှစ်၊ မိုးစပါး(Seeder) စိုက်နှင့် စံပြကွက်စိုက်ပျိုးသည့် ရရှိသော ယူရီးယားဓါတ်မြေဩဇာ(၁၆၈၆)အိတ်အား တောင်သူများ လက်ဝယ်သို့ ရောက်ရှိ အသုံးပြုနိုင်ရေးအမြန်ဆုံး ဖြန့်ဝေပေးနိုင်ရန်အတွက် မြို့နယ်ယူရီးယားဓါတ်မြေဩဇာဖြန့်ဖြူးရေးကော်မတီမှ ဌာနဆိုင်ရာ အကြီးအကဲများအား ကြီးကြပ်ရေးအဖွဲ့(၅)ဖွဲ့ ဖွဲ့စည်းတာဝန်ပေးအပ်ပြီး ရပ်ကွက်၊ ကျေးရွာအုပ်စုများရှိ တောင်သူများလက်ဝယ်စိုက်ဧကအပေါ် ခွဲတမ်းရရှိသည့် ဓါတ်မြေဩဇာအိတ်များအား မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ၊ အတွင်းရေးမှူးများ ဦးဆောင်သော အဖွဲ့များသည် ၁၅.၆.၂၀၂၅ ရက်နေ့မှစ၍ ရပ်ကွက်၊ ကျေးရွာအုပ်စုများအရောက် ဖြန့်ဝေပေးခဲ့ရာ ၂၀.၆.၂၀၂၅ ရက်နေ့တွင် ကော့မှူးမြို့နယ်လုံးအတိုင်းအတာအနေဖြင့် ဖြန့်ဝေပြီးစီးခဲ့ပါကြောင်း သိရှိရပါသည်။
DOCA (ရန်ကုန်)