(၁၈.၆.၂၀၂၅)ရက်နေ့ နံနက်(၁၀:၄၀) နာရီအချိန်တွင် အမှတ်(၁၉၇/၁၉၈/၁၉၉)၊ ၁၀ လမ်း၊ ဇေကမ္ဘာဝင်း၊ ရန်ကုန်စက်မှုဇုန်၊ မင်္ဂလာဒုံမြို့နယ်တွင် အွန်လိုင်းစနစ်ဖြင့် ရောင်းချခြင်းလုပ်ငန်းနှင့် စပ်လျဉ်း၍ အသိပညာဆွေးနွေးကျင်းပခဲ့ပါသည်။
ထိုသို့ကျင်းပခဲ့ရာတွင် စားသုံးသူရေးရာဉီးစီးဌာနမှ ဒေါ်နီလာဝင်း၊ ဉီးစီးမှူးက အွန်လိုင်းစနစ် ဖြင့် ရောင်းချခြင်းလုပ်ငန်း၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဉီးစီးဌာနမှ မှတ်ပုံတင်လက်မှတ်ရရှိသူ၊ ဒီဂျစ်တယ်ငွေပေးချေမှုတို့၏ အဓိပ္ပါယ်များကိုလည်းကောင်း၊ မှတ်ပုံတင်လျှောက်ထားခြင်းတွင် ပါဝင်သော အချက်များကိုလည်းကောင်း၊ မှတ်ပုံတင်လက်မှတ်လျှောက် ထားရာတွင် ပူးတွဲတင်ပြရမည့်အချက်များကိုလည်းကောင်း၊ အကျယ်တဝင့်ရှင်းလင်းတင်ပြပြီး အွန်လိုင်းမှဝယ်ယူရာတွင်လည်း မှတ်ပုံတင်လက်မှတ်ရှိသော အရောင်းကိုယ်စားလှယ်များမှ ဝယ်ယူ ကြရန် အသိပညာပေးဆွေးနွေးခဲ့ပြီး ဆွေးနွေးပွဲသို့ စားသုံးသူပြည်သူ(၁၀)ဉီးတက်ရောက်ခဲ့ပြီး (၁၁:၀၀)နာရီအချိန်တွင် ရုပ်သိမ်းခဲ့ကြောင်း သိရှိရပါသည်။
DOCA (ရန်ကုန်)