စားသုံးသူရေးရာဦီးစီးဌာနနှင့် မြန်မာနိုင်ငံဆန်စပါးအသင်းချုပ်တို့ ပူးပေါင်းဆောင်ရွက်သည့် မြန်မာ့ဆန်စပါးအွန်လိုင်း(Myanmar Rice Online_MyRO )တွင် ဆန်/စပါးသိုလှောင်မှုလုပ်ငန်း၊ သိုလှောင်မှုအခြေအနေနှင့် နိုင်ငံအနှံရှိ သိုလှောင်ရုံများကို ဒစ်ဂျစ်တယ်နည်းလမ်းဖြင့် စနစ်တကျ မှတ်ပုံတင်ပြီး ဆန်ဈေးကွက်နှင့် ဆန်ဈေးနှုန်းတည်ငြိမ်မှန်ကန်စေရေးရည်ရွယ် ဆောင်ရွက်လျက်ရှိသဖြင့် မိတ္ထီလာမြို့ရှိ စက်မှုဇုန်နှင့်တောမကျေးရွာ၊ဥယျာဉ်ကျေးရွာ၊ကျိတ်ပုလဲကျေးရွာများရှိ ဆန်စက် များ MyRO တွင် ဆန်/ စပါးသိုလှောင်ရုံ မှတ်ပုံတင်နိုင်ရေးကွင်းဆင်း ဆောင်ရွက်ခဲ့ပါသည်။
ထိုသို့ကွင်းဆင်းဆောင်ရွက်ရာတွင် ဆန်စက်လုပ်ငန်းရှင်များအား တန်တန်ချိန်(၂၅)တန်နှင့် အထက် သို့မဟုတ် စပါးတင်း(၂၅၀၀)နှင့်အထက် သိုလှောင်ရုံတစ်မျိုးပိုင်ဆိုင်သူသည် MyRO တွင် ဆန်/ စပါးသိုလှောင်ရုံမှတ်ပုံတင် ဆောင်ရွက်ရမည်ဖြစ်ကြောင်း၊ မှတ်ပုံတင်ရာတွင် www.myro.com.mm တွင်မှတ်ပုံတင်ရမည်ဖြစ်ကြောင်း၊ မှတ်ပုံတင်ရာတွင်လိုအပ်သည့်အချက်အလက်များကို ရှင်းလင်းပြော ကြားဆောင်ရွက်ခဲ့ကြောင်းသိရပါသည်။
DOCA(မန္တလေး)