စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်ဦးစီးမှူးရုံးမှ ဒုတိယခရိုင် ဦးစီးမှူးဦးဆောင်သော ဝန်ထမ်းများသည် (၁၃.၆.၂၀၂၅)ရက်နေ့၊ နေ့လယ်(၁၄း၀၀)နာရီအချိန်တွင် သရက်မြို့၊ အနောက်ရပ်တောင်ပိုင်းရပ်ကွက်၊ အောင်သီရိ(၄)လမ်းရှိ ဇာမဏီအမှတ်တံဆိပ်ဖြင့် ထုတ်လုပ်ရောင်းချနေသော ပဲကြော်လုပ်ငန်းအလုပ်ရုံသို့ သွားရောက်၍ ထုတ်လုပ်နေသည့် ပဲနှစ်ပြန် ကြော်တွင် ကုန်အညွှန်းအမှတ်အသား ပြည့်စုံစွာဖော်ပြစေရေးအတွက် တွေ့ဆုံဆွေးနွေးခဲ့ကြောင်း သိရသည်။
ထိုသို့တွေ့ဆုံဆွေးနွေးရာတွင် ဒုတိယခရိုင်ဦးစီးမှူးက စားသုံးသူကာကွယ်ရေးဥပဒေ (၂၀၁၉) အခန်း(၁၈)ပုဒ်မ(၄၁)အရ ဖော်ပြရမည့် ကုန်အညွှန်းအမှတ်အသားများကိုလည်းကောင်း၊ စားသုံးသူကာကွယ်ရေးကော်မရှင်မှထုတ်ပြန်ထားသည့် ညွှန်ကြားချက်အမှတ် (၂/၂၀၁၉)အရ မြန်မာဘာသာဖြင့် ဖော်ပြရမည့်အချက်များနှင့် ကိုက်ညီမှုရှိစေရန်လည်းကောင်း အသေးစိတ်ရှင်းလင်း ပြောကြားခဲ့ပြီး လုပ်ငန်းရှင်မှကုန်အမှတ်တံဆိပ်များ ပြည့်စုံမှုရှိ/မရှိတင်ပြလာခြင်းအားစိစစ်၍ တိုင်းဒေသကြီး ဦးစီးမှူးရုံးသို့ ထပ်ဆင့်တင်ပြခြင်းလုပ်ငန်းများ ဆောင်ရွက်ခဲ့ကြောင်း သိရသည်။
DOCA(မကွေး)