“ကွမ်းခြံကုန်းမြို့နယ်ဈေးကွက်အတွင်း Sprite အချိုရည်ဘူးများ ရောင်းချနေခြင်းနှင့်စပ်လျဉ်း ၍ဈေးကွက်စောင့်ကြည့်စစ်ဆေးခြင်း”

    ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် ဈေးကွက်အတွင်း ရောင်းချလျက်ရှိသော ကုန်စည်များ အား ဈေးကွက်စောင့်ကြည့် စစ်ဆေးခြင်းများကို   ရန်ကုန်တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့်အညီ အပတ်စဉ် လစဉ်ဆောင်ရွက်လျက်ရှိရာ ဇွန်လ (၂)ရက်နေ့၊ နေ့လည် (၁၃:၀၀)နာရီအချိန်တွင်  ဈေးကွက်အတွင်း ရောင်းချသော Sprite အချိုရည် ဘူးများအား ပူးပေါင်းအဖွဲ့ဖြင့် ကွင်းဆင်းစိစစ်ခဲ့ကြောင်း သိရသည်။

     ထိုသို့ ကွင်းဆင်းစိစစ်ဆောင်ရွက်ခဲ့ရာတွင် ကွမ်းခြံကုန်းမြို့နယ် ကျန်းမာရေးဦးစီးဌာနမှ အမျိုးသမီး ကျန်းမာရေးဆရာမ ဒေါ်သန်းသန်းစိုး၊ မြို့နယ်စည်ပင်သာယာရေးအဖွဲ့မှ ဈေးတာ ဝန်ခံ ကျန်းမာရေးမှူး(၃) ဦးထွန်းထွန်း၊ မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးနှင့် ဌာနခွဲစာရေး ဦးတင်ထွန်းဦးတို့ ပူးပေါင်းအဖွဲ့ဖြင့် ကွမ်းခြံကုန်း မြို့နယ် ဈေးကွက်အတွင်း Sprite အချိုရည်ဘူးများ ရောင်းချသော ဆိုင်များဖြစ်သည့် ဈေးပိုင်းရပ်ကွက် အတွင်းရှိ စိတ်တိုင်းကျ (ရေသန့်၊ အချိုရည်နှင့် ကုန်မျိုးစုံရောင်းဝယ်ရေး)ဆိုင်၊ အောင်ချမ်းသာ (အဖျော်ယာမကာနှင့် အချိုရည်) လက်လီလက်ကားအရောင်းဆိုင်၊ ခေတ်သစ်မုန့်တိုက် (မုန့်မျိုးစုံရောင်းဝယ်ရေး)ဆိုင်တို့တွင် ရောင်းချသော Sprite အချိုရည်ဘူးများအား ကုန်အညွှန်း အမှတ်အသား ပြည့်စုံမှုရှိ/မရှိ စစ်ဆေးခဲ့ကြသည်။

      ထို့နောက် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးက စားသုံးသူ များ ဘေးအန္တရာယ်ကင်းရှင်းစေရန် ထုတ်ကုန်များ လုံခြုံစိတ်ချရမှု ရှိစေရန် ယခုကဲ့သို့ လာရောက် ကွင်းဆင်းစိစစ်ရခြင်းဖြစ်ကြောင်းနှင့် ကုန်အညွှန်းအမှတ်အသား ပြည့်စုံမှုရှိသော ကုန်စည်များကို ရွေးချယ်ဝယ်ယူရောင်းချကြရန် လုပ်ငန်းရှင်များအား တွေ့ဆုံဆွေးနွေး ကွင်းဆင်း စစ်ဆေးခဲ့ကြောင်း သိရှိရပါသည်။

DOCA(ရန်ကုန်)