မွန်ပြည်နယ်၊ ဘီးလင်းမြို့နယ်၌ စုပေါင်းသစ်ပင်စိုက်ပျိုးခြင်းကို ၂၇.၅.၂၀၂၅ ရက်နေ့ နံနက် (၈:၃၀) နာရီအချိန်က ဘီးလင်းမြို့၊ အ.မ.က (ဆင်စု) ကျောင်းဝန်းအတွင်း၌ ကျင်းပပြုလုပ်ခဲ့သည်။
ရှေးဦးစွာ ဘီးလင်းမြို့နယ် သစ်တောဦးစီးဌာနမှ မြို့နယ်သစ်တောဦးစီးမှူး ဦးခိုင်မွန်က မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးစည်သူအောင်နှင့် မြို့နယ်စီမံကော်မတီအဖွဲ့ဝင်များ မြို့နယ်ကြက်ခြေနီအသင်းဥက္ကဌ၊ မြို့နယ်အမျိုးသမီးရေးရာအဖွဲ့နှင့် မြို့နယ်မိခင်နှင့်ကလေး စောင့်ရှောက်ရေးအသင်းများထံသို့ ပျိုးပင်များလွှဲပြောင်းပေးအပ်ခဲ့သည်။
ထို့နောက် သစ်ပင်စိုက်ပျိုးပွဲကို ကျင်းပပြုလုပ်ခဲ့ရာ မြို့နယ်စီမံအုပ်ချုပ်ရေးအဖွဲ့ဥက္ကဌ ဦးစည်သူအောင်နှင့်အဖွဲ့ဝင်များ ဌာနဆိုင်ရာများ၊ မြို့နယ်ကြက်ခြေနီတပ်ဖွဲ့ဝင်များ၊ မြို့နယ် အမျိုးသမီးရေးအဖွဲ့၊ မြို့နယ်မိခင်နှင့်ကလေးစောင့်ရှောက်ရေးအသင်းနှင့် ဆရာ၊ ဆရာမများ စုစုပေါင်းအင်အား (၃၅၉) ဦးတို့က မန်ဂျန်ရှား (၂၇၀) ပင်၊ မဟော်ဂနီ (၂၇၀) ပင် စုစုပေါင်း ပျိုးပင် (၅၄၀) ပင်တို့အား အ.မ.က(ဆင်စု)ကျောင်းဝန်းအတွင်း၌ အေးချမ်းပျော်ရွှင်စွာ စိုက်ပျိုးခဲ့ကြောင်း သိရသည်။
DOCA (မွန်)