စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်အတွင်းရှိ ကျေးရွာများ နှင့် ကျွန်းလှမြို့ ပေါ်ရပ်ကွက်များရှိ ဈေးဝယ်/ဈေးသည်များနှင့် စည်ကားသိုက်မြိုက်လျက်ရှိသည့် ကျွန်းလှမြို့၊ သစ်ရာမြိုင်ဈေးတွင် ကျွန်းလှမြို့နယ်၊ မန်ကျီးအင်းကျေးရွာ ချောင်းရိုးတစ်လျှောက် နှင့် မြစ်ချောင်း အင်းအိုင် များတည်ရှိသည့် ဒေသများမှ ပိတ်စွယ်များကို ခူးဆွတ်ပြီး ကျွန်းလှမြို့၊ သစ်ရာမြိုင်ဈေးသို့ လာရောက် ရောင်းချကြကြောင်း သိရှိရပါသည်။
ပိတ်စွယ်သည် မြစ်၊ ချောင်း၊ အင်း၊ အိုင်များနှင့် မူးကမ်းရိုးများတွင် သဘာဝအတိုင်းအလေ့ကျ ပေါက်ရောက်သော အပင်တစ်မျိုးဖြစ်ပါသည်။ ပိတ်စွယ်သည် ယခုလိုမိုးဦးကျကာလများတွင်သာ လှိုင်လှိုင်ပေါက်ရောက်လေ့ရှိပြီး အသားနုညံ့ပြီး အရမ်းချိုကာ စားကောင်းသော အပင်တစ်မျိုး ဖြစ် ပါသည်။ ပတ်စွယ်ကို မုန့်ဟင်းခါး၊ ကြာဆံဟင်းခါးများထဲတွင့် ထည့်ချက်သလို ရိုးရိုးဟင်းချိုချက်ရာ တွင်လည်း အသုံးပြုကြပြီး စိမ်းညှင်းအူကဲ့သို့ ထုပြားပြီး သီးနှံအစုံနှင့်ရောနှောချက်စားရာတွင်လည်း အသုံးပြုစားသောက်ကြပါသည်။
ယခု ၂၀၂၅ ခုနှစ်၊ မေလ တတိယပတ်အတွင်း ဖြစ်ပေါ်နေသော ကန့်ဘလူမြို့၏ ပိတ်စွယ် ဈေးနှုန်းများမှာ ပိတ်စွယ် အပင်အကြီး အသေးပေါ်မူတည်၍(၅/၇)ချောင်းပါ တစ်စည်းလျှင် (၁၀၀၀)ကျပ်၊ (၁၀)စည်း တစ်ထုံးလျှင်(၈၀၀၀)ကျပ်ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း ကျွန်းလှမြို့၊ သစ်ရာမြိုင်ဈေး၌ ကုန်စိမ်းသီးနှံမျိုးစုံ ရောင်းချနေသော ဈေးသည်တစ်ဦးထံမှ သိရသည်။
DOCA(စစ်ကိုင်း)