နိုင်ငံပေါင်း ၅၀ ကျော်သည် အမေရိကန်နိုင်ငံသို့ တင်ပို့သောကုန်ပစ္စည်းများအား အခွန်ကောက်ခံခြင်းအပေါ် ဖြေလျော့ပေးရန် သမ္မတ Donald Trump နှင့် ဆွေးနွေးတိုင်ပင်ရန် ကြိုးပမ်းခဲ့ကြောင်း အိမ်ဖြူတော်မှ ဧပြီလ ၆ ရက်နေ့တွင် ပြောကြားခဲ့ပါသည်။ Republican ပါတီသည် ဧပြီလ ၂ ရက်နေ့တွင် ကမ္ဘာတစ်ဝှမ်းရှိ နိုင်ငံများ သို့ အခွန်စည်းကြပ်မှုကို ထုတ်ပြန်လိုက်ပြီးနောက် စျေးကွက်များတွင် ထိန်းမရသိမ်းမရ အခြေအနေ ဖြစ်ပွားနေသော်လည်း ၎င်း၏ မူဝါဒများကို ပြောင်းလဲမည်မဟုတ်ဟု အခိုင်အမာ ပြောဆိုခဲ့ပါသည်။ အိမ်ဖြူတော် အမျိုးသား စီးပွားရေးကောင်စီ အကြီးအကဲ Kevin Hasset က နိုင်ငံပေါင်း ၅၀ကျော်သည် အမေရိကန် သမ္မတ Donald Trump နှင့် စေ့စပ်ညှိနှိုင်းမှုများ ပြုလုပ်ရန် ချဥ်းကပ်နေပြီဖြစ်ကြောင်း ပြောခဲ့ပါသည်။ ဘဏ္ဍာရေးဝန်ကြီး Scott Bessent က နိုင်ငံ ၅၀ကျော် နှင့် ညှိနှုင်းဆွေးနွေးမှု ပြုလုပ်ခြင်းသည် Trump ၏ ဆုံးဖြတ်ချက်သာ ဖြစ်သည် ဟု ထင်မြင်ကြောင်းပြောခဲ့ပါသည်။ Trump က အမေရိကန်သို့ ကုန်ပစ္စည်းများ ရောင်းချသည့် ကမ္ဘာ တစ်ဝှမ်းမှ နိုင်ငံများသည် အမေရိကန်ပြည်သူများအား နှပ်ချနေခြင်းဖြစ်ကြောင်း အချိန်အတော်အကြာ အခိုင်အမာ ပြောဆိုခဲ့ပြီး ၎င်းအနေဖြင့် အခွန်တင်း ကြပ်ကောက်ခံခြင်းသည် မှန်ကန်သောနည်းလမ်းတစ်ခုဖြစ်ကြောင်း ပြောကြားခဲ့ပါသည်။ သို့ရာတွင် စီးပွားရေး သမားများက အခွန်များကို စားသုံးသူများ မှကောက်ခံရမည်ဖြစ်ကြောင်း နှင့် ထိုလုပ်ဆောင် ချက်ကြောင်း အိမ်အသုံးစရိတ်မြှင့်တက်လာနိုင်ကြောင်း သတိပေးခဲ့ပါသည်။ တစ်ချိန်တည်းမှာပင် ကုန်သွယ်ရေး နှင့် ကုန်ထုတ်လုပ်မှုဆိုင်ရာ မသေချာမှုများက ကမ္ဘာ့စျေးကွက်များတွင် ရက် အတော်ကြာထိတ်လန့်မှုများ ဖြစ်ပွားစေခဲ့ကြောင်း သိရပါသည်။
The Daily Star
DOCA(ရန်ကုန်)