မကွေးတိုင်းဒေသကြီး၊ သရက်ခရိုင်၊ သရက်မြို့နယ်တာဝန်ခံနှင့် ဝန်ထမ်းများသည် (၄-၄-၂၀၂၅)ရက်နေ့၊ နံနက်(၁၀း၀၀)နာရီအချိန်တွင် မြို့နယ်စည်ပင်သာယာရေးအဖွဲ့၊ အစားအသောက် နှင့်ဆေးဝါးကွပ်ကဲရေးဦးစီးဌာနတို့နှင့်အတူ သရက်မြို့၊ မြောက်မင်းတည်းရပ်ကွက်၊ လမ်းမတော် လမ်းရှိ ရွှေကိန္ဒရီမလိုင်လုပ်ငန်းအလုပ်ရုံသို့ သွားရောက်၍ ကုန်အညွှန်းအမှတ်အသားများ ဖော်ပြ ပါရှိစေရေး ဈေးကွက်စောင့်ကြည့်စစ်ဆေးခဲ့ကြောင်း သိရသည်။
ထိုသို့ကွင်းဆင်းစစ်ဆေးရာတွင် ထုတ်လုပ်နေသည့် စားသောက်ကုန်များဖြစ်သည့် မလိုင်ခဲ၊ မလိုင်လုံး အစို၊ မလိုင်လုံးအခြောက်စသည့် စားသောက်ကုန်များ ထုတ်ပိုးရောင်းချရာတွင် ကုန် အညွှန်းအမှတ်အသားဖော်ပြမှုနှင့် စပ်လျဉ်း၍ ပြည့်စုံစွာထည့်သွင်းဖော်ပြပါရှိကြောင်း စစ်ဆေးတွေ့ရှိ ရပြီး လုပ်ငန်းရှင်အား စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များ၊ တားမြစ် ချက်နှင့် ပြစ်မှုပြစ်ဒဏ်များကို အသေးစိတ်ရှင်းလင်းဆွေးနွေးခဲ့ကြောင်း သိရှိရပါသည်။
DOCA (မကွေး)