ဧရာဝတီတိုင်းဒေသကြီး ၊ စားသုံးသူရေးရာဦးစီးဌာန ၊ ဒုတိုင်းဦးစီးမှူး ဦးထွန်းထွန်း သည် ဧပြီလ (၂၇) ရက်နေ့ ၊ နံနက်ပိုင်းတွင် ငပုတောမြို့နယ် ၊ စားသုံးသူရေးရာဦးစီးဌာနရုံး၌ မြို့နယ် တာဝန်ခံ ဒေါ်မြင့်မြင့်စန်းနှင့်အတူ ငပုတောမြို့နယ်ရှိ စားအုန်းဆီဖြန့်ခွဲရောင်းချသူ ဆီထုတ် ကိုယ်စားလှယ်များနှင့်တွေ့ဆုံ၍ သတ်မှတ်ရည်ညွှန်းဈေးဖြင့် ရောင်းချ၍ နေ့အလိုက် သတ်မှတ် ထားသော ရည်ညွှန်းဈေးအား အများမြင်သာအောင် ဆိုင်းဘုတ်တင်ထားရန် ၊ ပြည်သူများအတွက် ထုတ်ပေးထားသော ဆီစာအုပ်များအား စနစ်တကျရောင်းချရန် လက်လီအရောင်းဆိုင်များ တွင်လည်း မိမိတို့ရောင်းချရမည့် ဆီအရေအတွက် ဈေးနှုန်းများ ရက်အလိုက် ဆိုင်းဘုတ်တင်ရန် ပြောကြား၍ စားအုန်းဆီ လက္ကားဆိုင် လက်လီဆိုင်များအား ကွင်းဆင်းစစ်ဆေးခဲ့ပါသည်။
ဆက်လက်၍ ငပုတောမြို့နယ်အတွင်းရှိ အိမ်ဆောက်ပစ္စည်းများ ရောင်းဝယ်လျက်ရှိသော ဆိုင်များသို့ သွားရောက်၍ ဘိလပ်မြေဈေးနှုနးများမြင့်တင်ရောင်းချမှု မရှိစေရေးနှင့် ဝယ်ဈေး ၊ ရောင်းဈေး အခြေအနေတို့အား မေးမြန်း၍ ကြက်ဥ ၊ ဘဲဥအရောင်းဆိုင်များသို့ သွားရောက်၍ လည်း လက်လီ ၊ လက်ကားဈေးနှုန်းအခြေအနေ ၊ ဈေးနှုန်းကြီးမြင့်မှုမရှိစေရေးနှင့် အများပြည်သူ စားသုံးနိုင်ရန် သင့်တင်မျှတသော ဈေးနှုန်းဖြင့် ရောင်းချရန် ပြောကြားခဲ့ပါသည်။
DOCA(ဧရာဝတီ)