စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူး၊ ဦးအောင်တင်စိုး နှင့် ဝန်ထမ်းများသည် ၄.၄.၂၀၂၅ ရက်နေ့ နံနက်(၁၁:၀၀)နာရီအချိန်တွင် မြန်မာနိုင်ငံဆန်စပါး အသင်းချုပ်မှ အဖွဲ့ဝင် ဦးကိုလတ်နှင့် အင်းစိန်ဈေးမှ ဈေးတာဝန်ခံ ဦးလှသူတို့ပူးပေါင်းပါဝင်၍ အင်းစိန်မြို့နယ်၊ အင်းစိန်ဈေးအတွင်းရှိ ဆန်ရောင်းချမှုအခြေအနေများကို ကွင်းဆင်းစစ်ဆေး အသိပညာပေးမှုများ ဆောင်ရွက်ခဲ့ပါသည်။
ထိုသို့ ကွင်းဆင်းအသိပညာပေးရာတွင် ဆန်ဆိုင်များရှိ ရောင်းချနေသောဆန်များသည် သတ်မှတ်ရည်ညွှန်းဈေးနှုန်းများဖြင့် ရောင်းချမှုရှိစေရန် ဈေးနှုန်းမြှင့်တင်ရောင်းချရန်အတွက် သိုလှောင်မှု မရှိစေရေး၊ ဆန်လက်ကျန်အခြေအနေများ စစ်ဆေးခဲ့ပြီး လိုက်နာမှု မရှိသော လုပ်ငန်းရှင် များကို အရေးကြီးကုန်စည်နှင့်ဝန်ဆောင်မှုဥပဒေအရ အရေးယူခံရမည်ဖြစ်ကြောင်း ကွင်းဆင်း စစ်ဆေးအသိပညာပေးမှုများ ဆောင်ရွက်ခဲ့ပါသည်။
DOCA(ရန်ကုန်)