“ သုံးခွမြို့နယ်တွင်စည်သွပ်အစားအစာအမျိုးမျိုးရောင်းချသောဆိုင်များသို့ ဈေးကွက်စောင့်ကြည့်စစ်ဆေးခြင်း”

     ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်၏ စည်ပင်သာယာဈေး အတွင်း/အပြင်ရှိ စည်သွပ်အစားအစာ အမျိုးမျိုးရောင်းချသော ကုန်မျိုးစုံနှင့် ကုန်ခြောက်ဆိုင်များသို့ ပြည်တွင်း/ ပြည်ပမှ ထုတ်လုပ်တင်သွင်းလာသော ကုန်စည်များနှင့် စပ်လျဉ်း၍ ဘေးအန္တရာယ်ရှိ/မရှိ စောင့် ကြည့်စစ်ဆေးခြင်း နှင့်ကုန်စည်ပေါ်ရှိ ကုန်အညွှန်းအမှတ်အသား ဖော်ပြရမည့် အချက်များပါဝင်မှု ရှိ/မရှိ ဈေးကွက်စောင့်ကြည့် စစ်ဆေးခြင်းအား ဧပြီလ(၃)ရက်နေ့၊ နေ့လယ် (၁၄:၁၅)နာရီအချိန်တွင် စားသုံးသူရေးရာဦးစီးဌာနနှင့် မြို့နယ်စည်ပင်သာယာရေးအဖွဲ့တို့ ပူးပေါင်း၍ ကွင်းဆင်းစစ်ဆေး ခဲ့ကြောင်း သိရသည်။

   ထိုသို့ ကွင်းဆင်းစစ်ဆေးရာတွင် မြို့မဈေးအတွင်း/အပြင်ရှိ ကုန်မျိုးစုံ၊ ကုန်ခြောက်ဆိုင် များတွင် ရောင်းချနေသော စည်သွပ်အစားအစာအမျိုးမျိုးတို့နှင့် စပ်လျဉ်း၍ ဘေးအန္တရာယ် ကင်းရှင်းစေရန်နှင့် ကုန်စည်ပေါ်တွင် ကုန်အညွှန်းအမှတ်အသားများအား မြန်မာဘာသာဖြင့် သော် လည်းကောင်း၊ မြန်မာဘာသာနှင့် အခြားဘာသာတစ်ခု (သို့မဟုတ်)တစ်ခုထက်ပို၍ တွဲလျက်ဖြစ်စေ၊ မဖြစ်မနေဖော်ပြရမည့်အချက်များ ပါဝင်မှုရှိ/မရှိ၊ ဈေးကွက်စောင့်ကြည့်စစ်ဆေးခြင်းနှင့် ဈေးကွက် အတွင်း ကုန်အညွှန်းအမှတ်အသား ပြည့်စုံစွာ ဖော်ပြထားခြင်းမရှိသည့် စည်သွပ်အစားအစာ အမျိုးမျိုးအပါအဝင် အခြားကုန်စည်များအား ရောင်းချခြင်းမပြုလုပ်ကြရန်နှင့် ပြုလုပ်ပါက စားသုံး သူကာကွယ်ရေးဥပဒေနှင့်အညီ အရေးယူဆောင်ရွက် သွားမည်ဖြစ်ကြောင်း ဈေးဆိုင်လုပ်ငန်းရှင်များအား အသိပညာပေးကွင်းဆင်း၍ ဈေးကွက်စောင့်ကြည့်စစ် ဆေးခဲ့ကြောင်း သိရသည်။

DOCA(ရန်ကုန်)