ရက်စွဲ၊ ၂၀.၃.၂၀၂၅
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကျွန်းလှမြို့နယ် တာဝန် ခံရုံးသည့် ဌာန၏မျှော်မှန်းချက်ဖြစ်သည့် “ပြည်တွင်းကုန်သွယ်မှုဖွံဖြိုးရေးနှင့် စားသုံးသူ ကာကွယ်ရေး လုပ်ငန်း များဖြင့် နိုင်ငံ့စီးပွားဖွံ့ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ပြည်တွင်းကုန်သွယ်မှု ဖွံ့ဖြိုး တိုးတက် ရေးလုပ်ငန်းများအပြင် စားသုံးသူကာကွယ်ရေး လုပ်ငန်းများ ကိုလည်း ဆောင်ရွက်လျက် ရှိပါသည်။
ကျွန်းလှမြို့နယ်တာဝန်ခံရုံးအနေဖြင့် မတ်လအတွင်း စားသုံးသူအကာအကွယ် ပေးရေး အသိပညာပေးဟောပြောဆောင်ရွက်ခြင်း(၁)ကြိမ် နှင့် အွန်လိုင်း ရောင်းချသူများအတွက် အသိပညာပေးခြင်း (၁)ကြိမ်ဆောင်ရွက်ခဲ့ရာ ကျွန်းလှမြို့နယ်တာဝန်ခံသည် ၂၀၂၅ ခုနှစ် ၊ မတ်လ(၅)ရက်နေ့ နံနက်(၀၈;၃၀)နာရီ အချိန်တွင် စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့၊ အခြေခံပညာအထက်တန်းကျောင်းတွင် စားသုံးသူအကာအကွယ် ပေးရေးအသိ ပညာပေး ဟောပြောပွဲကျင်းပပြုလုပ်ခြင်း ဆောင်ရွက်ခဲ့ပြီး ၂၀၂၅ ခုနှစ် မတ်လ(၁၈)ရက်နေ့ နံနက် (၉၀;၃၀)နာရီ အချိန်တွင် ကျွန်းလှမြို့၊ မြန်မာ့စီးပွားရေးဘဏ်ရှိ စားသုံးသူ ပြည်သူများအား စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့၊ အခြေခံပညာအထက်တန်း ကျောင်း တွင် စားသုံးသူအခွင့်အရေး များနေ့ဖြစ်ပေါ်လာပုံ၊ စားသုံးသူကာကွယ်ရေးဥပဒေပါ စားသုံးသူ ကာကွယ်ရေး၏ အဓိပါယ်ဖွင့်ဆိုချက်၊ စားသုံးသူ၏ အဓိပါယ်ဖွင့်ဆိုချက်များ၊ စားသုံးသူများအနေနဲ့ စားသုံးသူအခွင့်အရေး(၈) ချက်၊ စားသုံးသူများ လိုက်နာဆောင်ရွက်ရမည့် တာဝန်(၄)ချက်၊ စားသုံးသူအကာကွယ်ပေးရေးဥပဒေ အခန်း (၁၈)ပါ ကုန်အညွှန်း အမှတ်အသား ဖေါ်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက် အမှတ်(၂/၂၀၁၉)နှင့်အညီ ကုန်စည်အမျိုး အစားအလိုက် သတ်မှတ်ချက်နှင့်အညီ သိသာ ထင်ရှားစွာ ဖော်ပြရမည့် အသေးစိတ်စိစစ်ချက်များကို မြန်မာ ဘာသာဖြင့် ပြည့်စုံစွာ ထည့်သွင်းဖော်ပြ၍ ထုတ်လုပ် ဖြန့်ဖြူးသည့် ကုန်ပစ္စည်းများကိုသာဝယ်ယူ စားသောက် အသုံးပြုတတ်ရန် နှင့် စားသုံးသူ နစ်နာဆုံးရှုံးမှုရှိလျှင် တိုင်ကြား နိုင်ကြောင်း ၊ တိုင်ကြားနိုင်သည့် နေရာများအား အကျယ်တဝင့် ရှင်းလင်း ပြေားကြားခဲ့ပြီး မိမိတို့ ဌာနမှဆောင် ရွက်နေသော လုပ်ငန်းများကို သိရှိလိုပါက ရုံးဖွင့်ရက် ရုံးချိန်အတွင်း Consumer Call Center No - 1535 သို့ဆက်သွယ် မေးမြန်းနိုင်သည့်အကြောင်းများ အသိပညာပေး ဟောပြောခဲ့ပြီး Online Sale လုပ်ငန်းများ မှတ်ပုံတင် လျှောက်ထားခြင်း နှင့်ပတ်သက်၍ ရှင်းလင်း ပြောကြား ဆွေးနွေးခဲ့ရာ အွန်လိုင်းစနစ်ဖြင့် ရောင်းချခြင်းလုပ်ငန်းကို အရေးကြီးဝန်ဆောင်မှုလုပ်ငန်းအဖြစ် သတ်မှတ် သည့် အမိန့် အကြောင်း ၊ ကုန်စည် နှင့်ဝန်ဆောင်မှု လုပ်ငန်းကို အွန်လိုင်းစနစ်ဖြင့် အရောင်းအဝယ် လုပ်ကိုင် နေသူ မည်သူမဆို မှတ်ပုံတင် လျှောက်ထားရရှိပြီးမှသာ လုပ်ကိုင်ရမည်ဖြစ်ကြောင်း၊ အွန်လိုင်းစနစ်ဖြင့် ရောင်းချခြင်း လုပ်ငန်းကို ဆောင် ရွက်လိုသူများအနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေး ဦးစီးဌာနက သတ်မှတ်ထားသော လျှောက်လွှာပုံစံများတွင် ဖြည့်သွင်းပြီး အွန်လိုင်း(Online) စနစ်ဖြင့် ဦးစီးဌာနသို့ လျှောက် ထားရမည်ဖြစ်ကြောင်း၊ အွန်လိုင်း(Online) မှတ်ပုံတင်လျှောက် ထားရာတွင် အမျိုးအစား (၂)မျိုးရှိပြီး အမျိုး အစား(၁)ကုမ္ပဏီ (သို့မဟုတ်)စီးပွားရေး အဖွဲ့အစည်း အတွက်ဖြစ်ပြီး၊ အမျိုးအစား(၂)မှာ လူပုဂ္ဂိုလ်တစ်ဦးချင်း အတွက်ဖြစ်ကြောင်း၊ မှတ်ပုံတင် လျှောက်ထားရာတွင် ပေးသွင်းရမည့် မှတ်ပုံတင်ကြေးများ၊ လိုအပ်သည့် အချက်အလက်များ၊ လိုက်နာဆောင်ရွက်ရမည့် စည်းကမ်းချက်များ၊ သက်တမ်းတိုးကြေးများ၊ ပြင်ဆင်ချက် တစ်ချက်ပြင်ဆင်လိုလျှင် သတ်မှတ်ထားသည့် ပြင်ဆင်ကြေးများ အကြောင်းနှင့် မှတ်ပုံတင် လက်မှတ် ရရှိထားပြီး ရောင်းချနေသူများအတွက် ရရှိနိုင်မည့်အခွင့်အရေးများ အကြောင်းတို့ကို အမိန့်ကြော်ငြာ စာအမှတ် (၂/၂၀၁၉)ပါ ကုန်အညွှန်း အမှတ်အသား နှင့်ပတ်သက်သည့် အသေးစိတ်စိစစ်ချက်များပါရှိသည့် လက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိပါ သည်။
DOCA(စစ်ကိုင်း)