ခရီးသွားလုပ်ငန်းများဆောင်ရွက်ရာတွင် အရေးကြီးသည့်ဟိုတယ်များနှင့် စားသောက်ဆိုင်များ၌ တည်းခိုနေထိုင်ခြင်း၊ စားသောက်ခြင်းနှင့် ပတ်သက်၍ အစားအသောက်များ ကောင်းမွန်စေရေး၊ ရောင်းချသည့်အစားအစာများ အာဟာရဖြစ်ပြီး ကျန်းမာရေးနှင့်ညီညွတ်သည့် အစားအစာများ ဖြစ်စေရေး၊ သန့်ရှင်းသပ်ရပ်မှုရှိစေရေးအတွက် ဟိုတယ်နှင့်ခရီးသွားညွှန်ကြားမှုဦးစီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာန၊ ကျန်းမာရေးဦးစီးဌာန၊ စည်ပင်သာယာရေးအဖွဲ့နှင့် စားသုံးသူရေးရာ ဦးစီးဌာနတို့ ပူးပေါင်းကွင်းဆင်းစစ်ဆေး အသိပညာပေးခြင်းတို့ ဆောင်ရွက်ခဲ့ကြောင်း သိရှိရပါသည်။
(၆.၅.၂၀၂၄)ရက်နေ့၊ နံနက်(၁၀:၀၀)နာရီအချိန်တွင် ကောင်းကောင်း၊ ပုလဲရွှေရည်ဟိုတယ် (၃)ခု၊ ရိုးရှင်းစားသောက်ဆိုင်နှင့် (၇.၅.၂၀၂၄)ရက်နေ့၊ နံနက်(၁၀:၃၀)နာရီအချိန်တွင် My Riever View၊ နန်းထိုက်သူ၊ ထိန်ထိန်သာ၊ ဖန်ခါးမြေ၊ Win Hotel (၄)ခုနှင့် လက်ရွေးစင် စားသောက် ဆိုင်တို့အား သက်ဆိုင်ရာဌာနအလိုက် ဥပဒေ၊ နည်းဥပဒေ၊ အမိန့်နှင့် ညွှန်ကြားချက်တို့အား ရှင်းလင်းဆွေးနွေးခဲ့ပြီး စားသုံးသူရေးရာဦးစီးဌာန၊ မကွေး/ချောက်ခရိုင်ဦးစီးမှူး ဒေါ်တင်တင်လှမှ စားသုံးသူကာကွယ်ရေး ဥပဒေ-၂၀၁၉ ပါ စီးပွားရေးလုပ်ငန်းရှင်၏ တာဝန်များ၊ ဝန်ဆောင်မှုနှင့် စပ်လျဉ်း၍ အာမခံချက်များ၊ ကုန်စည် သို့မဟုတ် ဝန်ဆောင်မှုလုံခြုံစိတ်ချရမှု၊ ဘေးအန္တရာယ်ရှိ သောဝန်ဆောင်မှုကို တားမြစ်ခြင်းနှင့် ဝန်ဆောင်မှုအပေါ် တာဝန်ရှိမှုတို့အား အသေးစိတ်ရှင်းလင်း ဆွေးနွေးခဲ့ကြောင်း သိရှိရပါသည်။
DOCA(မကွေး)