ဘိုကလေးမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံနှင့် ဝန်ထမ်းများသည် ၂၀၂၄ခုနှစ်၊ မတ်လ(၈)ရက်နေ့၊ နေ့လယ် (၁၅:၃၀) နာရီအချိန်တွင် အမှတ် (၁) ရပ်ကွက်၊ စက်မှုမြေလမ်းရှိ YYL (ရိုးရိုးလေး) သောက်ရေသန့်စက်ရုံသို့သွားရောက်၍ ထုတ်ကုန်လုံခြုံစိတ်ချရမှုရှိစေရေးနှင့် MSMEs လုပ်ငန်းများဖွံ့ဖြိုးရေးအတွက် ကွင်းဆင်းစိစစ်ဆောင်ရွက်ခဲ့ကြပါသည်။
ထိုသို့ကွင်းဆင်းစိစစ်ရာတွင် YYL သောက်ရေသန့်စက်ရုံမှ တစ်နေ့ထုတ်လုပ်မှုမှာ (၅၀၀) ဘူးခန့်ရှိပြီး ဈေးကွက်ထဲသို့ ယခုအချိန်၌ ဘူးကြီး (၄၀၀)ဘူးခန့်သာဖြန့်ဖြူးရောင်းချပေးလျက်ရှိပါသည်။ ဈေးနှုန်းဈေးကွက်အနေဖြင့် ဘူးကြီးတစ်ဘူးလျှင် လက်ကား (၈၀၀)ကျပ်၊ လက်လီ (၁၀၀၀)ကျပ်ဖြင့် ရောင်းချပေးလျက်ရှိပါသည်။လုပ်သားတစ်ဦး၏ လုပ်ခလစာအနေဖြင့် တစ်လလျှင် ကျပ်တစ်သိန်းခွဲမှ ကျပ်နှစ်သိန်းအထိရှိပြီး လုပ်သားဦးရေ (၁၃)ဦးခန့်ထားပါသည်။ ဈေးကွက်အနေဖြင့် မြို့နယ်အတွင်း၌သာ ဖြန့်ဖြူးရောင်းချပေးလျက်ရှိပါသည်။
ထို့နောက် မြို့နယ်တာဝန်ခံကလည်း ထုတ်လုပ်သောကုန်စည်နှင့်ပတ်သက်၍ စားသုံးသူများလုံခြုံစိတ်ချရမှုရှိစေရေးနှင့် ထုတ်ကုန်များလုံခြုံစိတ်ချရမှုရှိစေရေးတို့အတွက် ကုန်အညွှန်းအမှတ်အသားပြည့်စုံစွာထည့်သွင်းဖော်ပြရန်နှင့် စက်ရုံမှထွက်ရှိသော စွန့်ပစ်ပစ္စည်းများကို စနစ်တကျစွန့်ပစ်ရန် အသိပညာပေးကွင်းဆင်းစစ်ဆေးခဲ့ကြောင်း သတင်းရရှိပါသည်။
DOCA(ဧရာဝတီ)