စားသုံးသူရေးရာဦးစီးဌာန၊ တောင်ငူခရိုင်၊ ရေတာရှည်မြို့နယ်တာဝန်ခံ ဦးဇော်ဇော်ထွေးသည် ရေတာရှည်မြို့နယ်၊ မြို့နယ်စီမံအုပ်ချုပ်ရေးအဖွဲ့ဝင်(၁) ဗိုလ်မှူးသန့်ဇင်ဝေဦးဆောင်၍ အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့မှူးရုံး၊ ပြည်တွင်းအခွန်များဦးစီးဌာန၊ မီးသတ်ဦးစီးဌာနနှင့် မြို့နယ်စည်ပင်သာယာရေးအဖွဲ့တို့မှ တာဝန်ရှိသူများပါဝင်သော ပူးပေါင်းအဖွဲ့ဝင်များနှင့်အတူ ၂၀၂၃ခုနှစ်၊ ဒီဇင်ဘာလ ၁၃ရက်နေ့၊ နံနက်ပိုင်းအချိန်တွင် ရေတာရှည်မြို့နယ်ရှိ စက်သုံးဆီအရောင်းဆိုင်များသို့သွားရောက်၍ ရောင်းချမှုနှင့် လက်ကျန်အခြေအနေများကို ကြည့်ရှု စစ်ဆေးခဲ့ပါသည်။
ထိုသို့စစ်ဆေးရာတွင် သက်ဆိုင်ရာဌာနဆိုင်ရာများက စက်သုံးဆီတင်သွင်း/သိုလှောင်/ဖြန့်ဖြူးခြင်းလုပ်ငန်းကြီးကြပ်ရေးကော်မတီကထုတ်ပြန်ပေးသည့် ရည်ညွှန်းလက်ကားဈေးနှုန်းများနှင့်အညီ ရောင်းချရေး၊ ဈေးကစားရန်ရည်ရွယ်ချက်ဖြင့် သိုလှောင်ထားခြင်းမပြုစေရေး လုပ်ငန်းရှင်များ၊ ဆိုင်မန်နေဂျာများအား မှာကြားခဲ့ပါသည်။
စားသုံးသူရေးရာဦးစီးဌာန မြို့နယ်တာဝန်ခံက ကြေညာထားသောဈေးနှုန်းများအတိုင်း ရောင်းချစေရေး၊ စားသုံးသူလိုအပ်ချက်ရှိသောအမျိုးအစားကို မှန်ကန်စွာရောင်းချစေရေး၊ အချင်အတွယ်မှန်ကန်စေရေး၊ စားသုံးသူစိတ်ကျေနပ်မှုရှိစေရန် ဝန်ဆောင်မှုပေးနိုင်ရေးတို့ကို ဆွေးနွေးခဲ့ကြောင်းသိရပါသည်။
DOCA(ပဲခူး)