ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊မြောက်ပိုင်းခရိုင်ရုံးမှ ဝန်ထမ်းများသည် ၅.၁၂.၂၀၂၃ ရက်နေ့ နံနက် (၁၀:၅၀) မှစ၍ စက်သုံးဆီအရောင်းဆိုင်များသို့ ဆီပြတ်လပ်မှုရှိ/မရှိအား ကွင်းဆင်းစစ်ဆေးခဲ့ပါသည်။
ထိုသို့စစ်ဆေးခဲ့ရာတွင် မြောက်ပိုင်းခရိုင်အတွင်းရှိ မြို့နယ်များဖြစ်သော မင်္ဂလာဒုံ၊ လှိုင်သာယာ၊ တိုက်ကြီး၊ ဥက္ကံ၊ လှည်းကူး၊ မှော်ဘီနှင့် ထန်းတပင်မြို့နယ်များရှိ စက်သုံးဆီဆိုင် (၁၅) ဆိုင်တွင် ရောင်းချလျက်ရှိသော 92, 95, HSD နှင့် PHSD ဆီပြတ်လပ်မှု ရှိ/မရှိကို မေးမြန်းခဲ့ပြီး ဆိုင်နာမည်ပါသောပုံ၊ ဆီထည့်ရန်ကားများတန်းစီနေပုံ၊ ဘောင်ချာစာရွက် နှင့်ဈေးနှုန်းဆိုင်းဘုတ်များကို ဓါတ်ပုံရိုက်ယူခဲ့ပြီး ဆီပြတ်လပ်မှုရှိလျှင် ဆီလက်ကျန် တိုင်းသည့်ပုံများကိုပါဓါတ်ပုံရိုက်ယူခဲ့၍ တိုင်းဒေသကြီးဦးစီးမှူးရုံးသို့ နေ့စဉ်ပေးပို့လျက် ရှိပါသည်။ ဆီဆိုင်များမှ မန်နေဂျာများကလည်း ဆီပြတ်လပ်မှု ရက်ကြန့်ကြာခြင်းမရှိရန် မနက်ပိုင်းပြတ်လျှင် ညပိုင်းဆီကားများအဝင်ရှိပါကြောင်းနှင့် လိုအပ်သည့် အချက်များလည်း အကြံပေးနိုင်ပါကြောင်း မိမိတို့ဌာနမှလည်း ကွင်းဆင်းရန် လိုအပ်သည့်အခါ အချိန်နှင့်တပြေးညီ ပူးပေါင်းဆောင်ရွက်ပေးစေလိုပါကြောင်း ပြောကြားခဲ့ပါသည်။
DOCA(ရန်ကုန်)