မကွေးတိုင်းဒေသကြီး၊ မကွေးခရိုင်၊ မြို့သစ်မြို့နယ်၊ ကန်သာလေးကျေးရွာ၊ အခြေခံပညာမူလတန်းလွန်ကျောင်း၌ (၂၀.၁၁.၂၀၂၃)ရက်နေ့၊ နံနက်(၀၉း၃၀)အချိန်တွင် စားသောက်ကုန်ပစ္စည်းများ ဝယ်ယူရာတွင် သတိပြုရမည့်ကုန်အညွှန်းအမှတ်အသားများနှင့် စားသုံးရန်မသင့်သည့်စားသောက်ကုန်များအကြောင်း အသိပညာပေးဆွေးနွေးဟောပြောခဲ့ပါသည်။
ထိုသို့ အသိပညာပေးရာတွင် မြို့သစ်မြို့နယ်တာဝန်ခံ (ဒုတိယဦးစီးမှူး)ဦးဆယ်မောင်က စားသုံး သူကာကွယ်ရေးဥပဒေအခန်း(၁၈)ပါ ကုန်စည်များတွင်ဖော်ပြရမည့် ကုန်အညွှန်းအမှတ်အသားများကို နမူနာပစ္စည်းများပြသ၍ ကျယ်ကျယ်ပြန့်ပြန့်ရှင်းလင်းပြီး ကုန်အညွှန်းအမှတ်အသားများ ပြည့်စုံစွာမပါလျှင် ဝယ်ယူစားသောက်ရောင်းချခြင်းမပြုစေလိုကြောင်း၊ ကုန်အညွှန်းအမှတ်အသားပြည့်စုံမှသာလျှင် ဝယ်ယူသုံးစွဲစေလိုကြောင်း၊ ဘေးအန္တရာယ်ကင်းရှင်းမှုမှာ အလွန်အရေးကြီးသောကြောင့် ကုန် အညွှန်းအမှတ်အသားဖော်ပြချက်များနှင့် ကိုက်ညီသည့်ကုန်စည်များအား စိစစ်ရွေးချယ်ဝယ်ယူစေလိုကြောင်းနှင့် စားသုံးရန်မသင့်တားမြစ်ထားသော စားသောက်ကုန်များအကြောင်းကို အသေးစိတ်အသိပညာပေးရှင်းလင်းဆွေးနွေးပြောကြားခဲ့ကြောင်း သိရှိရပါသည်။
DOCA(မကွေး)