စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်မှ ဒုတိယဦးစီးမှူး ဒေါ်မြင့်မြင့်သန်းနှင့် ဒေါ်တင်မာရီတို့သည် တိုင်းဒေသကြီးဦးစီးမှူး၏ လမ်းညွှန်မှု၊ ခရိုင်ဦးစီးမှူး၏ အနီးကပ်ကြီးကြပ်မှုဖြင့် ဆိပ်ဖြူမြို့နယ် အတွင်းရှိ စားသုံးသူပြည်သူများ စားအုန်းဆီများကို သက်သာသောဈေးနှုန်းများဖြင့် ဝယ်ယူစားသုံးနိုင်ရေးအတွက် မြို့နယ်စီမံအုပ်ချုပ်ရေးအဖွဲ့၏ စီမံဆောင်ရွက်မှုဖြင့် စားအုန်းဆီများ ဖြန့်ဖြူးရောင်းချပေးလျက်ရှိပါသည်။ စားအုန်းဆီများရောင်းချရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကော်မတီမှ ထုတ်ပြန်ပေးလျက်ရှိသော ရည်ညွှန်းဈေးအပေါ်အခြေခံ၍ အိမ်ထောင်စုတစ်စုလျှင် တစ်ပိဿာနှုန်းဖြင့် ရောင်းချပေးလျက်ရှိပါသည်။
ဆိပ်ဖြူမြို့နယ်အတွင်း ရောင်းချရာ၌ (၂၇.၁၀.၂၀၂၃)ရက်နေ့တွင် အလယ်ပိုင်းရပ်ကွက်ရှိ အိမ်ထောင်စု(၄၅၀)စုအတွက် စားအုန်းဆီပိဿာ(၄၅၀)ပိဿာ၊ (၂၈.၁၀.၂၀၂၃)ရက်နေ့တွင် ယောဝရပ်ကွက်ရှိ အိမ်ထောင်စု(၄၅၀)စုအတွက် စားအုန်းဆီပိဿာ(၄၅၀)ပိဿာ၊ (၃၁.၁၀.၂၀၂၃)ရက်နေ့တွင် ရွာသစ်ရပ်ကွက်ရှိ အိမ်ထောင်စု(၆၀၀)စုအတွက် စားအုန်းဆီပိဿာ(၆၀၀)ပိဿာ၊ (၁.၁၁.၂၀၂၃)ရက်နေ့တွင် ဌာနဆိုင်ရာဝန်ထမ်း(၈၀၀)ဦးအတွက် စားအုန်းဆီပိဿာ(၈၀၀)ပိဿာ၊ ချင်တောင်ကျေးရွာရှိ အိမ်ထောင်စု(၄၅၀)စုအတွက် စားအုန်းဆီပိဿာ(၄၅၀)ပိဿာ၊ စုစုပေါင်း အိမ်ထောင်စု(၂၇၅၀)စုအတွက် စားအုန်းဆီပိဿာ(၂၇၅၀)ပိဿာအား အိမ်ထောင်စုတစ်စုလျှင် စားအုန်းဆီ(၁)ပိဿာနှုန်းဖြင့် နေ့စဉ် နံနက်(၀၈:၀၀)နာရီနှင့် နေ့လယ်(၁၃:၀၀)နာရီအချိန်အထိ ဆီတစ်ပိဿာလျှင် ကျပ် (၅၂၀၀)ဈေးနှုန်းဖြင့် စားသုံးသူပြည်သူများအား အလှည့်ကျတန်းစီစနစ်ဖြင့် ရောင်းချပေးမှုအခြေအနေကို ကွင်းဆင်းစိစစ်ကြပ်မတ်ဆောင်ရွက်ခြင်းများ ပြုလုပ်ခဲ့ကြောင်း သိရှိရပါသည်။
DOCA(မကွေး)