ဖျာပုံမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံနှင့်ဝန်ထမ်းတို့သည် ဌာနဆိုင်ရာများနှင့်ပူးပေါင်း၍ ၂၀၂၃ခုနှစ်၊ အောက်တိုဘာလ (၂၃) ရက်နေ့၊ နံနက်(၁၀:၀၀)နာရီအချိန်တွင် ဖျာပုံမြို့၊ အမှတ်(၁၇)ရပ်ကွက်၊ ပုလဲလမ်းရှိ တစ်နိုင်တစ်ပိုင်မုန့်များထုတ်လုပ်ရောင်းချနေသည့် လင်းလင်းဇော် ပဲမုန့်လုပ်ငန်းသို့သွားရောက်၍ ကွင်းဆင်းစိစစ်ခဲ့ကြပါသည်။
အဆိုပါ ကွင်းဆင်းစိစစ်ရာတွင် လင်းလင်းဇော် ပဲမုန့်လုပ်ငန်းမှ ပဲမုန့်နှင့် အခြားဆီကြော်မုန့်များ တစ်နိုင်တစ်ပိုင်ထုတ်လုပ်ရောင်းချနေမှုကို ကွင်းဆင်းလေ့လာစိစစ်ခဲ့ပါသည်။ ပဲမုန့်ထုတ်လုပ်ရာတွင် ပါဝင်ပစ္စည်းများအနေဖြင့် (သကြား၊ ဂျုံ၊ ပဲ၊ ကြက်ဥ၊ ဆီ၊ ရေသန့်)ဖြစ်ပြီး တစ်ရက်ထုတ်လုပ်မှုဘူးအရေအတွက်မှာ (၇၀၀) ဘူးခန့်ဖြစ်ပြီး ဈေးကွက်အတွင်း ရောင်းဝယ်မှုအခြေအနေပေါ်မူတည်၍ နေ့စဉ် ထုတ်လုပ်ရောင်းချလျက်ရှိပါသည်။ ဈေးကွက်အခြေအနေပေါ် မူတည်၍ ဒေသအတွင်းနှင့် ကျိုက်လတ်၊ ဘိုကလေး၊ ဒေးဒရဲမြို့နယ်များသို့ ဖြန့်ဖြူးရောင်းချပေးလျက်ရှိပါသည်။
ထို့နောက် တာဝန်ခံက ထုတ်လုပ်သည့်ကုန်စည်များနှင့်ပတ်သက်၍ စားသုံးသူများဘေးအန္တရာယ်ကင်းရှင်းစေရေး၊ ထုတ်ကုန်လုံခြုံစိတ်ချရမှုရှိစေရေးနှင့် မြန်မာဘာသာဖြင့်ဖော်ပြထားသော ကုန်အညွှန်းအမှတ်အသားဖော်ပြချက်များကိုလည်း ကုန်စည်ထုပ်ပိုးမှုအပေါ်တွင် စနစ်တကျထည့်သွင်းဖော်ပြရန် ရှင်းလင်းဆွေးနွေးခဲ့ကြောင်း သတင်းရရှိပါသည်။
DOCA(ဧရာဝတီ)