မန္တလေးတိုင်းဒေသကြီး၊ ညောင်ဦးခရိုင်၊ ညောင်ဦးမြို့တွင် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း၏ အစီအစဉ်ဖြင့် စားသုံးဆီများကို ညောင်ဦးခရိုင် ဆီကုန်သည်နှင့် ဆီလုပ်ငန်းရှင်များအသင်းမှ အထိုင်ရောင်းစနစ်ဖြင့်(၅.၉.၂၀၂၃)ရက်နေ့မှစ၍ ရောင်းချပေးလျက်ရှိပါသည်။
အဆိုပါစားသုံးဆီအထိုင်ရောင်းချပေးမှုကို ညောင်ဦးမြို့ပေါ်ရှိ ရွှေပြည်ဝင်းဆီဆိုင်၊ ဆန်းရွှေဝါ ဆီဆိုင်၊ မြမြင့်မိုရ်ဆေးဆိုင်၊ BT Restuant ၊ ပြည်တော်အေး(၂)လမ်းအရောင်းဆိုင်နှင့် ပုဂံမြို့သစ်ရှိ ဒေါ်ရှင်(ကုန်စုံဆိုင်)၊ စုစုပေါင်း(၆)နေရာတွင် စားသုံးဆီတစ်ပိဿာလျှင်(၄၅၅၀)ကျပ်နှုန်းဖြင့် နံနက် ၀၉:၀၀ နာရီမှ ၁၆:၀၀ နာရီအထိ ရောင်းချပေးခဲ့ပါသည်။ စားသုံးဆီရောင်းချပေးသည့်နေရာများသို့ မြို့ပေါ်ရပ်ကွက်နေပြည်သူများသာမက ကျေးရွာနေပြည်သူများလည်း လာရောက်ဝယ်ယူကြ ပါသည်။
ညောင်ဦးခရိုင်ဆီကုန်သည်နှင့် ဆီလုပ်ငန်းရှင်များအသင်းအနေဖြင့် သင့်တင့်မျှတသောဈေးနှုန်းဖြင့် စားသုံးဆီများကို မော်တော်ယာဉ်ဖြင့်(မိုဘိုင်း)လှည့်လည်၍ ရောင်းချပေးခြင်းသာမက အထိုင်ရောင်းစနစ်ဖြင့်ပါ ရောင်းချပေးမှုကြောင့် အများပြည်သူများ ပျော်ရွှင်စွာလာရောက်ဝယ်ယူခဲ့ကြပါသည်။ စားသုံးဆီရောင်းချပေးခဲ့မှုအနေဖြင့် (၅.၉.၂၀၂၃ မှ ၈.၉.၂၀၂၃) ရက်နေ့ထိ ပိဿာချိန် (၉၉၀၀)ပိဿာ ရောင်းချပေးနိုင်ခဲ့ပြီး ဆက်လက်၍လည်း ရောင်းချပေးသွားမည်ဖြစ်ကြောင်း သိရှိရပါသည်။
DOCA(မန္တလေး)