Main menu

စားသုံးသူကာကွယ်ရေးအသိပညာပေးရေးဆိုင်ရာ Online (Talk Show) ကျင်းပမှု

Powered by Drupal

Covid-19 ကူးစက်ရောဂါကာလအတွင်း၌ စားသုံးသူတို့၏ အခွင့်အရေးများ အပြည့်အဝရရှိစေရန်နှင့် အကျိုးစီးပွားများကို ကာကွယ်ရန် စားသုံးသူအသိပညာပေးလုပ်ငန်းများကို တိုင်းဒေသကြီး/ပြည်နယ်အတွင်းရှိ စားသုံးသူရေးရာဦးစီးဌာနနှင့် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်း၍ Online Media မှတစ်ဆင့် စားသုံးသူကာကွယ်ရေးအသိပညာပေး Talk Show ဆွေးနွေးပွဲများကို ကျင်းပခဲ့ကြပါသည်။ အဆိုပါဆွေးနွေးပွဲများတွင် စားသုံးသူကာကွယ်ရေးပေါ်ပေါက်လာပုံ၊ စားသုံးသူရေးရာဦးစီးဌာန၏ သမိုင်း၊ စားသုံးသူကာကွယ်ရေးဥပဒေ(၂၀၁၉) ပြဋ္ဌာန်းချက်ပါ စားသုံးသူအခွင့်အရေးနှင့်တာဝန်များ၊ စားသုံးသူနစ်နာဆုံးရှုံးမှုအတွက် တိုင်ကြားနိုင်သည့် နည်းလမ်းများနှင့် ဖြေရှင်းဆောင်ရွက်ပေးနေမှု၊ စားသုံးသူကာကွယ်ရေးဥပဒေပါ အခန်း(၁၈) ကုန်အညွှန်းအမှတ်အသားဖော်ပြခြင်းနှင့်စပ်လျဉ်းသည့် သိကောင်းစရာများ၊ စားသုံးသူကာကွယ်ရေးဥပဒေပါ တားမြစ်ချက်များနှင့် ပြစ်မှုပြစ်ဒဏ်များ၊ အရေးကြီးကုန်စည်နှင့်ဝန်ဆောင်မှုဥပဒေများနှင့်ပတ်သက်သည့် အမိန့်ညွှန်ကြားချက်များနှင့် လိုက်နာဆောင်ရွက်ရမည့် အချက်များ၊ Digital Online စနစ်ဖြင့် ဆောင်ရွက်နေသော ငွေကြေးဝန်ဆောင်မှုလုပ်ငန်းများတွင် စားသုံးသူနစ်နာဆုံးရှုံးမှုများ မဖြစ်ပေါ်စေရေးအတွက် ငွေကြေးဝန်ဆောင်မှုဆိုင်ရာ လုပ်ငန်းစဉ်များကို လိုက်နာဆောင်ရွက်ရန်အချက်များ၊ Online Shopping လုပ်ငန်းများ ကျယ်ပြန့်စွာ ဆောင်ရွက်လာနိုင်သည်နှင့်အမျှ စားသုံးသူများ၏ လေ့လာမှုအားနည်းချက်အပေါ် အခွင့်ကောင်းယူ၍ Online မှတစ်ဆင့် စီးပွားရေးလုပ်ငန်းရှင်အချို့၏ လိမ်လည်မှုများကြောင့် နစ်နာဆုံးရှုံးမှု မရှိစေရေးအတွက် ဆောင်ရန်၊ ရှောင်ရန်အချက်များ၊ အချို့ Online Shopping Page များသည် ကုန်ပစ္စည်းပို့ဆောင်ရေး ဝန်ဆောင်မှုလုပ်ငန်းများ၏ ပစ္စည်းလက်ခံပြေစာများကို အတုအပပြုလုပ်၍ မမှန်မကန်ဆောင်ရွက်နေသည့်အတွက် စားသုံးသူများနစ်နာဆုံးရှုံးမှုမရှိစေရေး လိုက်နာဆောင်ရွက်ရန်အချက်များကို အသေးစိတ်ဆွေးနွေးခဲ့ကြကြောင်း သိရှိရပါသည်။