Main menu

သရက်ခရိုင်၊ ကံမမြို့နယ်၌ ပဲကြော်လုပ်ငန်းရှင်အား ကုန်အညွှန်းအမှတ်အသားပြည့်စုံစွာ ထည့်သွင်းဖော်ပြစေရေး အသိပညာပေးဆွေးနွေး

Powered by Drupal

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ခရိုင်ဦးစီးမှူးတို့၏လမ်းညွှန်မှုဖြင့် သရက်ခရိုင်ဦးစီးမှူးရုံးမှ ကံမမြို့နယ်တာဝန်ခံ ဒေါ်နွဲ့ယဉ်ဝင်း(ဒု-ဦးစီးမှူး)နှင့် ဝန်ထမ်းများသည် စီးပွားရေးလုပ်ငန်းရှင်များ၏တာဝန်၊ စီးပွားရေးကျင့်ဝတ်နှင့်အညီ လုပ်ကိုင်ဆောင်ရွက်လာစေရန်ရည်ရွယ်၍ (၂၀-၅-၂၀၂၃)ရက်နေ့၊ နံနက် (၁၁:၃၀)နာရီအချိန်တွင် ကံမမြို့နယ်၊ ထန်းကောက်ကျေးရွာရှိ “တိုးတက်ဝေ” အဆင့်မြင့်ပဲကြော်လုပ်ငန်းရှင် ဦးလှနိုင်အား ကုန်အညွှန်းအမှတ်အသားပြည့်စုံစွာဖော်ပြနိုင်စေရေးအတွက် သွားရောက်၍ အသိပညာပေးဆွေးနွေးခဲ့ပါသည်။

     ထို့သို့ အသိပညာပေးဆွေးနွေးရာတွင် ကံမမြို့နယ်တာဝန်ခံ ဒေါ်နွဲ့ယဉ်ဝင်းက စီးပွားရေးလုပ်ငန်းရှင်အား စားသုံးသူကာကွယ်ရေးဥပဒေ (၂၀၁၉)၊ အခန်း(၁၈)ပါ ကုန်အညွှန်းအမှတ်အသားများပြည့်စုံစွာဖော်ပြခြင်းဖြင့် ဈေးကွက်အတွင်းရှိ မိမိထုတ်လုပ်သောထုတ်ကုန်များသည် စားသုံးသူများအတွက် ဘေးအန္တရာယ်ကင်းရှင်းစေပြီး သတင်းအချက်အလက်များပြည့်စုံစွာထည့်သွင်းခြင်းတို့ကြောင့် စားသုံးသူများက ထုတ်လုပ်သူများအပေါ်ယုံကြည်လာပြီး စီးပွားရေးအကျိုးအမြတ်များ ပိုမိုဖြစ်ထွန်းလာမည်ဖြစ်ပါကြောင်း၊ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်(၂/၂၀၁၉)ပါ ကုန်စည်အုပ်စု(၈)အုပ်စုတွင် ပါဝင်ရမည့်အချက်များနှင့် ပါဝင်သောကုန်စည်များရောင်းချရန်၊ စီးပွားရေးလုပ်ငန်းရှင်က ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ပြည့်စုံမှန်ကန်မှုရှိ/မရှိကို မိမိတို့တိုင်းဒေသကြီးဦးစီးမှူးရုံးသို့ တင်ပြစိစစ်လျောက်ထားနိုင်ပါကြောင်း၊ ကုန်အမှတ်တံဆိပ်စိစစ်ခွင့်ပြုချက်များပြုလုပ်ဆောင်ရွက်ထားရှိရန်၊ ကုန်အညွှန်းအမှတ်အသားမရှိသည့်ကုန်စည်များကို ဈေးကွက်အတွင်းတွေ့ရှိပါက အရေးယူဆောင်ရွက်မှုများရှိလာမည်ဖြစ်ပါကြောင်း အသေးစိတ်အသိပညာပေးဆွေးနွေးပြီး ကုန်အမှတ်တံဆိပ်နမူနာ(၄)ခုအား ရယူခဲ့ပြီး မိမိတို့ဌာနမှလိုအပ်သည်များကို ကူညီဆောင်ရွက် ပေးသွားမည်ဖြစ်ပါကြောင်း အသိပညာပေးရှင်းလင်းပြောကြားခဲ့ပါသည်။

DOCA(မကွေး)