၁၂-၁-၂၀၂၁ ရက်နေ့တွင် ကချင်ပြည်နယ် ၊ မြစ်ကြီးနားခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ဝန်ထမ်းများသည် မြစ်ကြီးနားမြို့နယ် ၊ နောင်နန်းကျေးရွာရှိ အုပ်ချုပ်ရေးမှူးရုံး၌ လက်လီ/လက်ကားရောင်းချနေသော ကုန်စုံဆိုင်လုပ်ငန်းပိုင်ရှင်များအား စားသုံးသူကာကွယ်ရေးဥပဒေပါ အချက်များရှင်းလင်းဆွေးနွေးခြင်းကို ကျန်းမာရေးနှင့်အားကစားဝန်ကြီးဌာနမှ ချမှတ်ထားသော Covid-19 လမ်းညွှန်ချက်များနှင့်အညီဆောင်ရွက်ခဲ့ပါသည်။
အဆိုပါ ရှင်းလင်းဆွေးနွေးပွဲတွင် ခရိုင်ဦးစီးမှူးက စားသုံးသူကာကွယ်ရေးဥပဒေပါအချက်များဖြစ်သော စားသုံးသူအခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်စည်/ဝန်ဆောင်မှုနှင့်စပ်လျဉ်း၍ အာမခံပေးခြင်း၊ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ ကုန်စည်များတွင်မြန်မာဘာသာနှင့်ဖြစ်စေ၊ မြန်မာဘာသာနှင့်အခြားဘာသာ တစ်ခုသို့မဟုတ် တစ်ခုထက်ပို၍တွဲလျက်ဖြစ်စေ ဖော်ပြရာတွင် စီးပွားရေးလုပ်ငန်းရှင်များလိုက်နာဆောင်ရွက်ရမည့်အချက်များ ၊ စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေအခန်း(၂၃)ပါ တားမြစ်ချက်တစ်ရပ်ရပ်ကို ဖျောက်ဖျက်ကျူးလွန်ပါက အခန်း(၂၆)ပါ ပြစ်မှုပြစ်ဒဏ်များချမှတ်အရေးယူခံမည့်အကြောင်းတို့ကို အကျယ်တဝင့် ရှင်းလင်းဆွေးနွေးအသိပညာပေးခဲ့ပါသည်။ ထို့အပြင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ COVID-19ကာကွယ်၊ထိန်းချုပ်၊ ကုသရေးဆိုင်ရာကျန်းမာရေးအထောက်အကူပစ္စည်းများ၊ ဆေးဝါးများနှင့် စားသောက်ကုန်ပစ္စည်းများ ကို အရေးကြီးကုန်စည်(၃)မျိုးအဖြစ် သတ်မှတ်သည့် အမိန့်ကြော်ငြာစာအမှတ်၊ ၂၁/၂၀၂၀အရ ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်းနှင့် ဈေးကစားရန်သိုလှောင်ခြင်းတို့ကို ပြုလုပ်ပါက အရေးကြီးကုန်စည်ပုဒ်မ(၅)အရ အရေးယူခံရမည်ဖြစ်ကြောင်း၊ စားသုံးသူရေးရာဦးစီးဌာန၏ Website ဖြစ်သော doca.gov.mm သို့ ဝင်ရောက်ကြည့်ရှု၍ တိုင်ကြားမှုများ ပြုလုပ်နိုင်ကြောင်းနှင့် မိမိတို့ဌာနအနေဖြင့် စားသုံးသူပြည်သူများ၏ နစ်နာဆုံးရှုံးမှုများအား ဖြေရှင်းဆောင်ရွက်လျက်ပေးခဲ့သော တိုင်ကြားမှုများ၏ အခြေအနေများကိုလည်းရှင်းလင်းဆွေးနွေးခဲ့ပါသည်။
စားသုံးသူရေးရာဦးစီးဌာန
ကချင်ပြည်နယ်