ပြည်တွင်းကုန်သွယ်မှုသတင်းများ
တောင်ငူမြို့တွင် ဥစားကြက်မွေးမြူရေးခြံများ၊ ဘဲမွေးမြူရေးခြံများမှ ကြက်ဥ၊ ဘဲဥများရောင်းရသကဲ့သို့ တောင်ကြီး၊ ပြင်ဦးလွင်ဒေသများမှလည်း ကြက်ဥများဝင်ရောက်လျက်ရှိပါသည်။ ကြက်ဥမှာ တစ်လုံးလျှင် အသေး ၂၄၀ကျပ်၊ အလတ် ၂၆၀ကျပ်နှင့် အကြီး ၂၈၀ကျပ်ဖြင့် ယခင်လဝက်ခန့်အတိုင်း ဈေးနှုန်းတည်ငြိမ်နေပါသည်။
တောင်ငူမြို့ ၊ သစ်သီးဆိုင်များတွင် ပန်းသီးများမှာ တစ်လုံးလျှင် ၁၅၀၀ကျပ်မှ ၂၅၀၀ကျပ်အထိဖြင့် ယခင်လအတိုင်း ဈေးနှုန်းတည်ငြိမ်နေပြီး ပန်းသစ်တော်သီးမှာ တစ်လုံးလျှင် ၂၅၀၀ကျပ်မှ ၃၀၀၀ကျပ်အထိဖြင့် ဈေးနှုန်းအနည်းငယ်မြင့်တက်လာခဲ့ပါသည်။ သခွားမွှေးသီးမှာ တစ်လုံးလျှင် ၃၀၀၀ကျပ်မှ ၃၅၀၀ကျပ်အထိရှိပြီး တည်သီးမှာ တစ်လုံးလျှင် ၃၅၀၀ကျပ်ရှိပါသည်။
ပဲခူးတိုင်းဒေသကြီးအစိုးရအဖွဲ့၏ လမ်းညွှန်ချက်အရ တောင်ငူမြို့၊ ဘုရင့်နောင်ဈေးအနီးတွင် ကိုယ်တိုင်စိုက်ပျိုးမွေးမြူထုတ်လုပ်သူများတိုက်ရိုက်အရောင်းဈေးဖွင့်လှစ်၍ သားငါးနှင့် ဟင်းသီးဟင်းရွက်များကို သင့်တင့်သောဈေးနှုန်းဖြင့် ရောင်းချပေးလျက်ရှိရာ မည်သူမဆို လွတ်လပ်စွာလာရောက်ဝယ်ယူနိုင်ပါသည်။
တောင်ငူမြို့တွင် ယခု၂၀၂၃ခုနှစ်၊ ဒီဇင်ဘာလ ဒုတိယပတ်တွင် ရွှေဘိုပေါ်ဆန်းတစ်အိတ်လျှင် ၁၆၀၀၀၀ကျပ်ဖြင့်ဈေးနှုန်းတည်ငြိမ်နေပြီး ဖျာပုံပေါ်ဆန်းတစ်အိတ်လျှင် ၁၄၅၀၀၀ကျပ်၊ ဒေသပေါ်ဆန်းတစ်အိတ်လျှင် ၁၃၅၀၀၀ကျပ်၊ ဧည့်မထဆန်သစ်မှာ တစ်အိတ်လျှင် ၆၂၀၀၀ကျပ်မှ ၆၅၀၀၀ကျပ်အထိ ဈေးနှုန်းအသီးသီးရှိပါသည်။
တောင်ငူမြို့၊ ညောင်ပင်လေးဈေးရှိ ဟင်းသီးဟင်းရွက်ဈေး၌ ယခု၂၀၂၃ခုနှစ်၊ ဒီဇင်ဘာလ ဒုတိယပတ်တွင် ငရုတ်သီးစိမ်း (မိုးထောင်သီး)မှာ တစ်ပိဿာလျှင် ၃၀၀၀ကျပ်မှ ၃၅၀၀ကျပ်၊ ငရုတ်သီးစိမ်း(ကုလားအော်သီးမှာ) တစ်ပိဿာလျှင် ၆၀၀၀ကျပ်မှ ၆၅၀၀ကျပ်ဖြင့် ဈေးနှုန်းအနည်းငယ်တက်နေပြီး ငရုပ်သီးစိမ်း (ကျောက်စိမ်း)မှာ တစ်ပိဿာလျှင် ၂၅၀၀ကျပ်မှ ၃၀၀၀ကျပ်ဖြင့် ဈေး
