ပြည်ပကုန်သွယ်မှုသတင်းများ

China–ASEAN Free Trade Area (CAFTA) 3.0 သဘောတူညီမှုကို ASEAN နှင့် တရုတ် နိုင်ငံတို့သည် မေလ ၂၁ ရက်နေ့တွင် အတည်ပြုပြီးစီးခဲ့ကြောင်း Reuters သတင်းအရ သိရှိရပါတယ်။ CAFTA 3.0 သည် ယခင်ထက်ပိုမိုခေတ်မီသည့် ဒစ်ဂျစ်တယ်စီးပွားရေး၊ အစိမ်းရောင်စီးပွားရေးနှင့် Supply-chain connectivity ကို အဓိကထားသည့် မဟာဗျူဟာတစ်ခုဖြစ်ပြီး အဆိုပါသဘောတူညီမှုသည် ဒေသတွင်းကုန်သွယ်မှုနှင့် ရင်းနှီးမြှုပ်နှံမှုများကို တိုးမြှင့်ပေးနိုင်မည်ဟု ခန့်မှန်းနေကြပါတယ်။ ထို့အပြင် AI, E-commerce, Clean Energy, Logistics စနစ်များကဲ့သို့သော ကဏ္ဍများတွင် နည်းပညာ အပြန်အလှန်နှင့် လုပ်ငန်းကွန်ယက်ပေါင်း ပူးပေါင်းမှုများလည်း ရှိလာနိုင်ပါတယ်။

အာဆီယံအဖွဲ့သည် ဇွန် ၂၄ ရက်တွင် ဂျကာတာမြို့၌ ညှိနှိုင်းအစည်းဝေးတစ်ခုပြုလုပ်ကာ ၂၀၂၆ မှ ၂၀၃၀ အတွင်း အသုံးချမည့် သစ်လွင်သော စီးပွားရေး မဟာဗျူဟာအစီအမံ ကို တရားဝင် မိတ်ဆက် ခဲ့ကြောင်း သိရှိရပါတယ်။ အဆိုပါ မဟာဗျူဟာသည် အာဆီယံဒေသကို ကမ္ဘာ့စတုတ္ထအကြီးဆုံး စီးပွားရေး ဒေသ ဖြစ်လာစေရန် ရည်ရွယ်ချက်ဖြင့် ရေးဆွဲထားခြင်း ဖြစ်ပြီး မဟာဗျူဟာထဲတွင် ဒေသတွင်းကုန်သွယ်မှု အားမြှင့်တင်ခြင်း၊ အထွေထွေစီးပွားရေးဖွံ့ဖြိုးတိုးတက်ရေးအတွက် ညှိနှိုင်းပူးပေါင်းဆောင်ရွက်မှုများ တိုးမြှင့်ခြင်း၊ နည်းပညာ၊ ဒီဂျစ်တယ်စီးပွားရေးနှင့် စွမ်းအင်စီးပွားရေးကဏ္ဍများကို အထူးအာရုံစိုက်ထား ခြင်းများ ပါဝင်ကြောင်း သိရှိရပါတယ်။ DOCA(ဧရာဝတီ)