ကုန်သွယ်မှုသတင်းများ

    တောင်ငူမြို့ရှိ အခြေခံလူတန်းစားများ သက်သာသောနှုန်းထားဖြင့် စားအုန်းဆီများ ဝယ်ယူရရှိနိုင်ရန်အတွက် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း၏ အစီအစဉ်ဖြင့် ပဲခူးခရိုင်ဆီကုန်သည်အသင်းမှ ဆီအရောင်းဈေးကားသည် တောင်ငူမြို့သို့လာရောက်၍ အခြေခံ လူတန်းစားများရာ ရပ်ကွက်များနှင့် အခြေခံလူတန်းစားများအများစုရှိရာ ဈေးများတွင် စားသုံးဆီများကို သက်သာသောဈေးနှုန်းဖြင့် ရောင်းချပေးလျက်ရှိပါသည်။

      ပဲခူးတိုင်းဒေသကြီး၊ တောင်ငူခရိုင်၊ တောင်ငူမြို့နယ်တွင် ဥစားကြက်မွေးမြူရေး၊ အသား တိုးကြက်မွေးမြူရေး၊ ငုံးမွေးမြူရေး၊ ဘဲမွေးမြူရေး၊ ဒေသကျွဲ၊ ဒေသနွား၊ နို့စားနွား မွေးမြူရေးလုပ်ငန်းများရှိကြပါသည်။ ဒေသနွားမွေးမြူရေးအနေဖြင့် ယခင်က ခိုင်းစေရန်နှင့် ဒေသတွင်းစားသုံး ရန် မွေးမြူကြသော်လည်း ယခုအခါ ပြည်ပသို့တင်ပို့ခြင်းလုပ်ငန်းများ ဆောင်ရွက်လာသဖြင့် မျိုးကောင်းမျိုးသန့် နွားများကို ခြံလှောင်စနစ်ဖြင့် မွေးမြူလာကြပါသည်။