ကုန်သွယ်မှုသတင်းများ
စားသုံးသူရေးရာဦးစီးဌာန ၊ မန္တလေးတိုင်းဒေသကြီး ၊ မိတ္ထီလာခရိုင်မှ ဝန်ထမ်းများသည် ခရိုင်ဦးစီးမှူး၏ ကြီးကြပ်မှုဖြင့် (၆-၆-၂၀၂၃) ရက်နေ့ ၊နံနက် (၁၀:၃၀) ချိန်တွင် ထမုန်ကန်အုပ်စု စက်ပစ်တောင်ကျေးရွာနှင့် ကွက်ငယ်အုပ်စု ဇီးချိုကုန်းကျေးရွာ စပါးစိုက်ခင်းများတွင် နိုင်ငံ့စီးပွားမြင့်တင်ရေး ရန်ပုံငွေဖြင့် စိုက်ပျိုးထားသော နွေးစပါးစိုက်တောင်သူများနှင့် ကွင်းဆင်းတွေ့ဆုံဆွေးနွေးခဲ့ပါသည်။
ဗုဒ္ဓဘာသာဝင်မြန်မာလူမျိုးများသည် နေ့စဉ် နံနက်မိုးလင်းသည်နှင့်တစ်ပြိုင်နက် ဘုရားဝေယျာဝေစ္စဖြစ်သည့် မျက်နှာသစ်တော်ရေ၊ သောက်တော်ရေချမ်း၊ ပန်း၊ ဆီမီးနှင့် ဆွမ်းတော်၊ အမွှေးတိုင်တို့ကို ယုံကြည်မှုသဒ္ဓါတရားနှင့်အညီ ကပ်လှူပူဇော်ခြင်းဖြင့် ကုသိုလ်ယူလေ့ရှိကြပါသည်။ ထိုသို့ ကုသိုလ်ယူကြရာ ဘုရားပန်းတင်သည့်အခါတွင် အောင်သပြေပန်းမှာ မပါမဖြစ်ကပ်လှူလေ့ရှိသည့်ပန်းဖြစ်ပါသည်။
တောင်ငူခရိုင်၊ ဖြူးမြို့တွင် ရွှေဘိုပေါ်ဆန်းတစ်အိတ်လျှင် ၁၀၅၀၀၀ကျပ်၊ ဧည့်မထ (မိုး) တစ်အိတ်လျှင် ၇၂၀၀၀ကျပ်၊ ဧည့်မထ (နွေ) တစ်အိတ်လျှင် ၆၀၀၀၀ကျပ်ဖြင့် ယခင်အပတ်အတိုင်း ဈေးနှုန်းတည်ငြိမ်နေပါသည်။
မြေပဲဆီမှာ ယခင်အပတ်တွင် တစ်ပိဿာလျှင် ၁၅၀၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၁၅၅၀၀ကျပ်ဖြင့် ဈေးနှုန်းအနည်းငယ်တက်လာခဲ့ပြီး စားအုန်းဆီမှာ တစ်ပိဿာလျှင် ၆၅၀၀ကျပ်ဖြင့် ဈေးနှုန်းတည်ငြိမ်နေပါသည်။
တောင်ငူမြို့၊ ညောင်ပင်ဈေးရှိ သားငါးဆိုင်များတွင် ကြက်သား (အိမ်မွေးကြက်) အကောင်လိုက်ဈေးတစ်ပိဿာလျှင် ၂၀၀၀၀ကျပ်၊ ရင်အုပ်သီးသန့်တစ်ပိဿာလျှင် ၂၅၀၀၀ကျပ်ဖြင့် ဈေးနှုန်းတည်ငြိမ်နေပြီး စီပီကြက်အခြမ်းလိုက်ဈေးမှာ ယခင်အပတ်တွင် တစ်ပိဿာလျှင် ၁၀၀၀၀ကျပ်မှ ၂၀၂၃ခုနှစ်၊ ဇွန်လ၊ ဒုတိယအပတ်တွင် ၁၂၀၀၀ကျပ်၊ အသားသီးသန့်မှာ ယခင်အပတ်တွင် တစ်ပိဿာလျှင် ၁၂၀၀၀ကျပ်မှ ယခုအပတ်တွင် တစ်ပိဿာလျှင် ၁၄၀၀၀ကျပ်ဖြင့် ယခင်အပတ်အတိုင်း ဈေးအနည်းငယ်တက်နေပါသည်။
တောင်ငူမြို့တွင် ၂၀၂၃ခုနှစ်၊ ဇွန်လ၊ ပထမပတ်အတွင်း ရွှေဘိုပေါ်ဆန်းတစ်အိတ်လျှင် ၁၁၀၀၀၀ကျပ်၊ ဖျာပုံပေါ်ဆန်းတစ်အိတ်လျှင် ၁၀၃၀၀၀ကျပ်၊ ဒေသပေါ်ဆန်းတစ်အိတ်လျှင် ၉၈၀၀၀ကျပ်၊ ဧည့်မထ (မိုး) တစ်အိတ်လျှင် ၇၂၀၀၀ကျပ်၊ ဧည့်မထ (နွေ) တစ်အိတ်လျှင် ၅၈၀၀၀ကျပ်၊ မိုးစပါးတင်း၁၀၀လျှင် ၂၁၀၀၀၀၀ကျပ်နှင့် နွေစပါးတင်း၁၀၀လျှင် ၁၆၅၀၀၀၀ကျပ်တို့ဖြင့် မေလကုန်ပိုင်းအတိုင်း ဈေးနှုန်းတည်ငြိမ်နေပါသည်။
