ကုန်သွယ်မှုသတင်းများ

ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့နယ် ပဲဈေးကွက်အနေဖြင့် ဇူလိုင်လ ဒုတိယပတ်တွင် မတ်ပဲ (၂၀)ပိဿာတစ်တင်းကို (၉၅၀၀၀/)ကျပ်ရှိခဲ့ပြီး၊ ပဲယင်း(၂၀)ပိဿာ တစ်တင်းကို( ၇၇၀၀၀/)ကျပ်၊ ဘိုကိတ် တစ်ပြည်ကို(၇၀၀၀/)ကျပ်၊ပဲနီစေ့တစ်ပြည်လျှင် (၁၀၀၀၀/) ကျပ်၊ပဲဖြူလေးတစ်ပြည်ကို (၈၀၀၀/) ကျပ်၊ပဲထောပတ်တစ်ပြည်လျှင် (၁၀၀၀၀/)ကျပ်၊ ကုလားပဲတစ်ပြည်(၉၀၀၀/)ကျပ်၊စားတော်ပဲတစ်ပိဿာကို (၈၅၀၀/)ကျပ်ဖြင့် ဈေးကွက် အတွင်း အရောင်းအဝယ်ဖြစ်နေကြောင်း ပဲကုန်သည် တစ်ဦး ထံမှသိရှိရပါသည်။ DOCA(ပဲခူး)

မကွေးတိုင်းဒေသကြီး၊ မကွေးခရိုင်၊ မကွေးမြို့နယ်ရှိ ဘုရားပြို၊ ဝက်သိုက်၊ နွားကူး၊ သန်းတောကုန်း၊ မကြီးကန်၊ ဆားတိုင်ကန်စသည့်ကျေးရွာများသည် စိုက်ပျိုးရေးကိုအဓိကထား လုပ်ကိုင် ပြီး မြေပဲ၊ နှမ်း၊ ပဲစဉ်းငုံနှင့် အခြားစားဖိုဆောင်သုံးသီးနှံများကို ရာသီအလိုက်စိုက်ပျိုးကြကြောင်း၊ ဆားတိုင်ကန်ကျေးရွာ၌ မိုးနှမ်းကို ၂၀၂၅ခုနှစ်၊ မေလဆန်းမှစတင်၍ စိုက်ပျိုးထားကြောင်း သိရှိရသည်။