ကျွန်းလှမြို့၊ ပိတောက်မြိုင်ဈေးတွင် အသား/ငါး၊ ဥမျိုးစုံနှင့် အခြားစားသောက် ကုန်ပစ္စည်းများ၊ လူသုံးကုန်ပစ္စည်းများကို ရောင်းချလျက်ရှိရာ ကြက်ဥ၊ ဘဲဥ နှင့် ငုံးဥ များကို မိမိတို့ဒေသထွက် ကြက်ခြံ၊ ဘဲခြံများ နှင့် မန္တလေးမြို့တို့မှ ဝယ်ယူရောင်းချလျက်ရှိပါသည်။
၂၀၂၅ ခုနှစ်၊ ဩဂုတ်လ ပထမပတ် ကျွန်းလှမြို့ ဈေးကွက်အတွင်း၌ ရောင်းချနေသည့် ကြက်ဥ၊ ဘဲဥ နှင့် ငုံးဥ ဈေးနှုန်းများမှာ ကြက်ဥ အကြီး(၁)လုံးလျှင်(၅၂၀)ကျပ်၊ ကြက်ဥ အသေး (၁)လုံးလျှင်(၄၅၀)ကျပ် နှင့် ဘဲဥ(၁)လုံးလျှင်(၇၀၀)ကျပ် နှင့် ငုံးဥ(၁)လုံးလျှင်(၁၀၀)ကျပ် ငုံးဥ(၁၀)လုံး လျှင်(၁၀၀၀)ကျပ် ဈေးနှုန်းတို့ဖြင့်ရောင်းချလျက်ရှိခဲ့ပြီး ယခု ဩဂုတ်လ ဒုတိယပတ် ကျွန်းလှမြို့ ဈေးကွက်အတွင်း၌ ရောင်းချနေသည့် ကြက်ဥ၊ ဘဲဥ နှင့် ငုံးဥ ဈေးနှုန်းများမှာ ကြက်ဥ အကြီး (၁)လုံး လျှင်(၆၅၀/၆၈၀)ကျပ်၊ အသေး(၁)လုံးလျှင်(၅၅၀/၆၀၀)ကျပ် နှင့် ဘဲဥ(၁)လုံးလျှင် (၇၅၀)ကျပ် နှင့် ငုံးဥ(၁)လုံးလျှင်(၁၁၀)ကျပ် ငုံးဥ(၁၀)လုံးလျှင်(၁၁၀၀)ကျပ် ဈေးနှုန်းတို့ဖြင့် အရောင်းအဝယ် ဖြစ်လျက် ရှိကြောင်း ယခင်အပတ်နှင့် နှိုင်းယှဉ်ကြည့်မည်ဆိုပါက ကားလမ်းများ ခေတ္တ ပိတ်ဆို့နေသည့်အတွက် ယခင်အပတ်ထက် ကြက်ဥ၊ ဘဲဥ၊ ငုံးဥ ဈေးအနည်းငယ် မြင့်တက်ပြီး အရောင်းအဝယ် ဖြစ်လျက် ရှိကြောင်း သိရပါ သည်။
DOCA(စစ်ကိုင်း)