သတင်းနှင့် လှုပ်ရှားမှုများ
စားသုံးသူရေးရာဦးစီးဌာန၊ ဘိုကလေးမြို့နယ်တာဝန်ခံနှင့် ဝန်ထမ်းတို့သည် စက်မှုကြီးကြပ် ဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာနတို့နှင့် ပူးပေါင်း၍ ၂၀၂၅ ခုနှစ်၊ မေလ (၂၁) ရက်နေ့၊ နံနက် (၁၀:၃၀) နာရီအချိန်တွင် (၆) ရပ်ကွက်ရှိ မနောမယိဒ္ဓိ ဆန်စက်သို့ ထုတ်ကုန်လုံခြုံစိတ်ချရမှု MSMEs လုပ်ငန်းဖွံ့ဖြိုးတိုးတက်ရေးကွင်းဆင်းစစ်ဆေးခဲ့ကြပါသည်။
၂၅.၄.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ သထုံခရိုင်၊ ပေါင်မြို့နယ်တာဝန်ခံ ဦးအောင်မျိုးဦးသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ပေါင်မြို့ပေါ် ရှိ ရပ်ကွက်စတိုးဆိုင်များတွင် သောက်ရေသန့်အမျိုးမျိုးနှင့်စပ်လျဉ်း၍ ဈေးကွက်ကွင်းဆင်း စစ်ဆေးခဲ့ကြောင်း သိရှိရပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ်ခရိုင် ငပုတောမြို့နယ် တာဝန်ခံ ဒေါ်မြင့်မြင့်စန်းနှင့်ဝန်ထမ်းများသည် (၂၁.၅.၂၀၂၅)ရက်နေ့ မွန်းလွဲ(၁:၀၀)အချိန်တွင် ငပုတောမြို့နယ်၊ ဝက်ဆူကျေးရွာရှိ အုပ်ချုပ်ရေးမှူးရုံးတွင် ရပ်ကွက်အုပ်ချုပ်ရေးမှူးနှင့်ပူးပေါင်း၍ စားသုံးသူပြည်သူ များအား စားသုံးဆီထုတ်ယူရန်အတွက် ဆီစာအုပ်များပြုလုပ်ဆောင်ရွက်ပေးခဲ့ပါသည်။
၃၀.၄.၂၀၂၅ ရက်နေ့၌ ပေါင်မြို့နယ် ကဒါရပ်ကွက်၊ မင်္ဂလာဈေး၌ စားသုံးသူ ပြည်သူများ အဆင်ပြေစွာ စားသုံးနိုင်ရေးအတွက် ပြည်သူတစ်ဦးလျှင် စားသုံးဆီ (၁) ပိဿာ ဖြင့်ဈေးနှုန်း (၇၅၁၀) ကျပ်ဖြင့် ရောင်းချပေးခဲ့ပါသည်။
ထို့ပြင် အခြားစားသောက်ကုန်များဖြစ်သော အသား၊ ငါး၊ ဟင်းသီးဟင်းရွက်နှင့် ကြက်ဥ၊ ဘဲဥများကိုလည်း သက်သာသောဈေးနှုန်းဖြင့် ရောင်းချပေးခဲ့ကြောင်း သိရှိရပါသည်။
DOCA(မွန်)
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန ပုသိမ်ခရိုင် ငပုတောမြို့နယ် တာဝန်ခံ ဒေါ်မြင့်မြင့်စန်းနှင့်ဝန်ထမ်းများသည် (၂၁.၅.၂၀၂၅) ရက်နေ့ နံနက် (၁၁:၀၀)နာရီအချိန်တွင် ငပုတောမြို့နယ် အုန်းပင်စုကျေးရွာရှိ မြရတနာဆန်စက်လုပ်ငန်းရှင်နှင့်တွေဆုံ၍ ဈေးနှုန်းဈေးကွက် နှင့် ဆန်/စပါး သိုလှောင်ထားရှိမှုအား ကွင်းဆင်းစစ်ဆေးခဲ့ပါသည်။
