သတင်းနှင့် လှုပ်ရှားမှုများ
၂၉.၄.၂၀၂၅ ရက်နေ့ နံနက်ပိုင်းတွင် ပေါင်မြို့နယ်၊ စားသုံးသူရေးရာဦးစီးဌာန၊ မြို့နယ် တာဝန်ခံ ဦးအောင်မျိုးဦးသည် သက်ဆိုင်ရာ အဖွဲ့များဖြစ်သည့် အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ စည်ပင်သာယာအဖွဲ့၊ မြို့နယ်အခွန်ဦးစီးဌာန၊ လမ်းဦးစီဌာန တို့နှင့် ပူးပေါင်း၍ အိမ်ဆောက်ပစ္စည်းအမျိုးမျိုး ရောင်းချနေသည့် မင်္ဂလာစျေးရှိ ကုန်မာဆိုင်များတွင် ဘိလပ်မြေနှင့်သံချောင်းများ စျေးနှုန်းမြှင့်တင်ရောင်းချခြင်း ရှိ/မရှိ ကွင်းဆင်းစစ်ဆေး ဆောင်ရွက်ခဲ့ကြောင်း သိရပါသည်။
ဧရာဝတီတိုင်းဒေသကြီး၊ ဖျာပုံခရိုင် ၊ ကျိုက်လတ်မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ မေလ (၂၂) ရက်နေ့၊ နံနက် (၁၀:၀၀) နာရီအချိန်တွင် ၊ လှည်းဆိပ်ကျေးရွာ “အောင်သုခ” ဆန်စက်သို့ MSMEs လုပ်ငန်းဖွံ့ဖြိုးတိုးတက်ရေး ကွင်းဆင်းစိစစ် ဆောင်ရွက်ခဲ့ကြ ပါသည်။
၂၀၂၅ ခုနှစ်၊ ဧပြီလ ၂၅ ရက်နေ့၊ နေ့လယ် ၁၄း၀၀ နာရီအချိန်တွင် တနင်္သာရီတိုင်းဒေသကြီး စီးပွားရေးရာဝန်ကြီးဦးဆောင်၍ တိုင်းဒေသကြီးအစိုးရအဖွဲ့ရုံးအစည်းအဝေးခန်းမ(၂) တွင် ကျင်းပပြု လုပ်သော တိုင်းဒေသကြီးကုန်စျေးနှုန်းတည်ငြိမ်ရေးလုပ်ငန်းအဖွဲ့အစည်းအဝေး(၁/၂၀၂၅)အား တိုင်းဒေသကြီးဦးစီးမှူးမှ တက်ရောက်ခဲ့ပါသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ပခုက္ကူခရိုင် ဦးစီးမှုးရုံးမှ ခရိုင်ဦးစီးမှုးရုံး၏လမ်းညွန်ချက်ဖြင့် မူဝါဒလေ့လာရေးနှင့်စီမံကိန်းစာရင်းအင်းဌာန(ပြည်တွင်း) ဌာနခွဲတာဝန်ခံနှင့် ဝန်ထမ်းများသည် (၂၉.၄.၂၀၂၅)ရက်နေ့၊ နံနက်(၁၁:၃၀)အချိန်တွင် ပခုက္ကူမြို့ ပေါ်ရှိ မြေပဲပွဲရုံများသို့ မြေပဲဈေးနှုန်းမြင့်တက်ခြင်းရှိ/မရှိ ကွင်းဆင်းလေ့လာခဲ့ကြောင်း သိရသည်။
ဓနုဖြူမြို့နယ်၊ သပြုကျေးရွာအုပ်စု အုပ်ချုပ်ရေးမှူးရုံးတွင် မြို့နယ် ဌာနဆိုင်ရာအဖွဲ့များနှင့်အတူ သပြုကျေးရွာအုပ်စုနှင့် ရေလဲကျေးရွာအုပ်စုတို့ရှိ အုပ်ချုပ်ရေးမှူး၊ စာရေးနှင့် အုပ်ချုပ်ရေးအဖွဲ့များ၊ နှင့် တွေ့ဆုံ၍ စားသုံးသူအခွင့်အရေး ထိခိုင်နစ်နာမှုရှိပါက အလွယ်တကူတိုင်ကြားလို့ရသော ၁၅၃၅ call center အကြောင်း အများပြည်သူ သိရှိစေရန် အတွက် လက်တွေ့ဆက်သွယ်ဆောင်ရွက်ခြင်း ဥပမာပေးခြင်း ဟောပြောဆွေးနွေးမှုကို ၂၀-၅-၂၀၂၅ ရက်နေ့ နေ့လည်(၁၄၀၀)နာရီက ကျင်းပပြုလုပ်ခဲ့သည်။
