သတင်းနှင့် လှုပ်ရှားမှုများ
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင်၊ မော်လမြိုင်ကျွန်းမြို့နယ် တာဝန်ခံ ဦးမင်းဇော်လတ်သည် (၈.၈.၂၀၂၂) ရက်နေ့ နံနက်(၁၁:၀၀) နာရီအချိန်က မြို့နယ် စည်ပင်သာယာရေးအဖွဲ့၊ တိုင်းရင်းဆေးပညာဦးစီးဌာနတို့နှင့် ပူးပေါင်း၍ ပုဇွန်နှစ်ကောင်တံဆိပ် စားသုံးဆီများ ဈေးအတွင်းရောင်းချနေခြင်းရှိမရှိ ကွင်းဆင်းစစ်ဆေးဆောင်ရွက်ခဲ့ပါသည်။
ကျိုက်လတ်မြို့နယ် ငါးရံ့ခြောက်ဖုတ်လုပ်ငန်းရှင်အသင်းနှင့် စားသုံးသူရေးရာဦးစီးဌာနမှ မြို့နယ်တာဝန်ခံဦးတင်စိန်တို့သည် သြဂုတ်လ (၇)ရက်နေ့ နေ့လယ် (၁၃:၀၀)နာရီအချိန်တွင် စားသုံးသူရေးရာဦးစီးဌာန၊ မြို့နယ်တာဝန်ခံရုံးတွင် တွေ့ဆုံဆွေးနွေးခဲ့ပါသည်။
ဘိုကလေးမြို့နယ် စားသုံးသူရေးရာဦးစီးဌာန၊ မြို့နယ်တာဝန်ခံနှင့်ဝန်ထမ်းတို့သည် ရွှေမင်း ပူတင်းပေါင်မုန့်လုပ်ငန်းမှ ထုတ်လုပ်သောကုန်ပစ္စည်းများ ဈေးကွက်အတွင်း ထုတ်ကုန်လုံခြုံစိတ်ချရမှု ရှိစေရေးအတွက် ၂၀၂၂ခုနှစ်၊ သြဂုတ်လ (၇)ရက်နေ့ ၊နံနက်(၁၀:၀၀)နာရီအချိန်တွင်ကွင်းဆင်းစိစစ်ခဲ့ကြောင်းသိရှိရပါသည်။
ဧရာဝတီတိုင်းဒေသကြီး၊ ဟင်္သာတခရိုင်၊ လေးမျက်နှာမြို့နယ်၊ ချင်းကုန်းကျေးရွာ၌ (၈.၈.၂၀၂၂) ရက်နေ့ နံနက်(၁၀:၀၀) နာရီအချိန်တွင် စားသုံးသူရေးရာဦးစီးဌာန၊ စိုက်ပျိုးရေးဦးစီးဌာနနှင့် ပူးပေါင်း၍ စိုက်ပျိုးရေးအရောင်းဆိုင်လုပ်ငန်းရှင် (၆) ဦးအား စားသုံးသူကာကွယ်ရေး အသိပညာပေးဟော ပြောခြင်း ကိုဆောင်ရွက်ခဲ့ သည်။
ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့နယ်၊ နိဗ္ဗာန်ကျေးရွာ၊ ဘုန်းကြီးကျောင်း ဓမ္မာရုံ၌ (၈.၈.၂၀၂၂)ရက်နေ့ နံနက်(၁၀:၀၀) နာရီအချိန်တွင် စားသုံးသူရေးရာဦးစီးဌာန၊ စိုက်ပျိုးရေးရေးဦးစီးဌာနနှင့် ပူးပေါင်း၍ စားသုံးသူပြည်သူ (၁၅၀) ဦးအား စားသုံးသူကာကွယ်ရေး အသိပညာပေး ဟောပြောခြင်းကို ဆောင်ရွက်ခဲ့သည်။