ပြည်တွင်းကုန်သွယ်မှုသတင်း

    မန္တလေးပဲမျိုးစုံစျေးကွက်သို့ မန္တလေးတိုင်းဒေသကြီး၊စစ်ကိုင်းတိုင်းဒေသကြီးတို့မှ ထွက် သည့် ပဲလွန်းပြာသီးနှံများ ဝင်ရောက်လျက်ရှိကြောင်း သိရပါသည်။ ပဲလွန်းပြာမှာ ပြည်တွင်း စားသုံးမှုနှင့် ပြည်ပသို့ တင်ပို့ရောင်းချသည့်ပဲတစ်မျိုးဖြစ်ပါသည်။ မန္တလေးတိုင်းဒေသကြီးတွင် ပဲမျိုးစုံစိုက်ပျိုးမှုများပြားပြီး၊၂၀၂၄-၂၀၂၅ခုနှစ်ပဲလွန်းသီးနှံအပါအဝင်ပဲမျိုးစုံစိုက်ပျိုးမှု (၁၀၁၉၄၇၇) ဧကဖြစ်ကြောင်း သိရပါသည်။ မန္တလေးပွဲစား၊ကုန်သည်၊စက်ပိုင်များ မဟာကထိန်တော်အသင်း တွင် ၂၀၂၅ ခုနှစ်ဇူလိုင်လတတိယပတ်အတွင်း ဖြစ်ပေါ်လျက်ရှိသောပေါက်စျေးမှာ ၃တင်းဝင် တစ်အိတ်လျှင် ပဲလွန်းပြာ ၂၀၀၀၀၀ ကျပ်နှင့် ၂၀၅၀၀၀ကျပ်၊ တစ်ပိဿာပေါက်စျေးမှာ ၃၆၈၇ ကျပ်နှင့် ၃၇၇၉ ကျပ်တို့ဖြစ်ကြောင်း သိရပါသည်။ ယခင်နှစ်ကာလတူပေါက်စျေးမှာ ၃တင်း ဝင်တစ်အိတ်လျှင်ပဲလွန်းပြာ ၂၅၀၀၀၀ ကျပ်၊ တစ်ပိဿာစျေးမှာ ၄၆၀၈ ကျပ်တို့ဖြစ်ပြီး၊ ယခင်နှစ် စျေးနှင့်ယခုနှစ်နှိုင်းယှဉ်ပါက ပဲလွန်းပြာစျေးမှာ လျော့နည်းသွားကြောင်း တွေ့ရှိရပါသည်။

DOCA(မန္တလေး)

   မန္တလေးပဲမျိုးစုံစျေးကွက်သို့ မန္တလေးတိုင်းဒေသကြီး၊ စစ်ကိုင်းတိုင်းဒေသကြီးတို့မှ ထွက်သည့် ပဲလွန်းဖြူသီးနှံများ ဝင်ရောက်လျက်ရှိကြောင်းသိရပါသည်။ ပဲလွန်းဖြူမှာပြည်တွင်းစားသုံးမှုနှင့် ပြည်ပသို့ တင်ပို့ရောင်းချသည့်ပဲတစ်မျိုးဖြစ်ပါသည်။ မန္တလေးတိုင်းဒေသကြီးတွင် ပဲမျိုးစုံ စိုက်ပျိုး မှုများပြားပြီး၊ ၂၀၂၄-၂၀၂၅ ခုနှစ်ပဲလွန်းသီးနှံအပါအဝင်ပဲမျိုးစုံစိုက်ပျိုးမှု(၁၀၁၉၄၇၇)ဧက ဖြစ် ကြောင်း သိရပါသည်။ မန္တလေးပွဲစား၊ကုန်သည်၊စက်ပိုင်များမဟာကထိန်တော်အသင်းတွင် ၂၀၂၅ ခုနှစ် ဇူလိုင်လတတိယပတ်အတွင်း ဖြစ်ပေါ်လျက်ရှိသောပေါက်စျေးမှာ ၃တင်းဝင် တစ် အိတ်လျှင် ပဲလွန်းဖြူ ၂၆၀၀၀၀ ကျပ်နှင့် ၂၆၅၀၀၀ ကျပ်၊တစ်ပိဿာပေါက်စျေးမှာ  ၄၃၃၃ ကျပ်နှင့် ၄၄၁၇ ကျပ်တို့ဖြစ်ကြောင်း သိရပါသည်။ ယခင်နှစ်ကာလတူပေါက်စျေးမှာ ၃တင်း ဝင်တစ်အိတ် လျှင် ပဲလွန်းဖြူ ၂၈၀၀၀၀ကျပ်နှင့် ၂၈၅၀၀၀ကျပ်၊ တစ်ပိဿာစျေးမှာ ၄၆၆၇ကျပ်နှင့် ၄၇၅၀ကျပ် တို့ ဖြစ်ပြီး၊ ယခင်နှစ်စျေးနှင့်ယခုနှစ်နှိုင်းယှဉ်ပါက ပဲလွန်းဖြူစျေးမှာ လျော့နည်းသွားကြောင်း တွေ့ ရှိရ ပါသည်။

DOCA(မန္တလေး)

         စစ်ကိုင်းတိုင်းဒေသကြီး၊ မုံရွာမြို့၊ ကျောက္ကာလမ်းပေါ်တွင် ဒူးရင်းသီးများ ရောင်းချလျက်ရှိ ကြောင်းသိရှိရပါသည်။ ဒူးရင်းသီးဟာ ကမ္ဘာတစ်ဝှမ်းရှိ အပူပိုင်းဒေသတွေ အပါအဝင် အရှေ့တောင်အာရှနိုင်ငံများဖြစ်တဲ့ မလေးရှား၊ အင်ဒိုနီးရှား၊ ထိုင်းနဲ့ မြန်မာ တို့မှာ အဓိကပေါက် ရောက်လေ့ရှိပါတယ်။ မြန်မာပြည်မှာဆိုရင် မြန်မာပြည်တောင်ဘက်ပိုင်း မွန်၊ ကရင်၊ တနင်္သာရီဒေသများတွင် စိုက်ပျိုးဖြစ်ထွန်းသော အသီးတစ်မျိုးဖြစ်သည်။ မြန်မာနိုင်ငံတွင် ဒူးရင်းသီးပေါ် ချိန်မှာ မေ၊ ဇွန်၊ ဇူလိုင် လတို့၌ ဒူးရင်းသီးလှိုင်လှိုင် ထွက်သောအချိန်ဖြစ်သည်။

            ဒူးရင်းသီးများကိုဒေသတွင်း စားသုံးခြင်းသာမက ရန်ကုန်၊ ပဲခူး၊ မန္တလေးနှင့် မြန်မာနိုင်ငံ အလယ်ပိုင်းဒေသသို့ တင်ပို့ရောင်းချခြင်းဖြင့် ဒူးရင်းစိုက်ပျိုးသော တောင်သူများ ဝင်ငွေတိုးတက် လျက်ရှိပြီး အသီးသီးပေါက်ဈေးရှိကြောင်းသိရှိရပါသည်။

           ယခုဇူလိုင်လတွင် ဒူးရင်းသီးများလှိုင်လှိုင် ထွက်ပေါ်နေပြီဖြစ်ရာ ဈေးနှုန်းများမှာ  အလုံးကြီး (၃၅၀၀၀)ကျပ်၊ အလတ် (၁၆၅၀၀)ကျပ်၊ အသေး (၇၅၀၀)ကျပ် ရှိကြောင်း သိရှိရပါသည်။

DOCA(စစ်ကိုင်း)

      ၂၀၂၅ ခုနှစ်ဇူလိုင်လတတိယပတ်အတွင်း ဖြစ်ပေါ်လျက်ရှိသည့် အမျိုးအစားအလိုက်ပေါက်စျေးများမှာ ၃တင်းဝင်တစ်အိတ်လျှင်ကုလားပဲ(V-2)၂၆၂၀၀၀ ကျပ်၊ ကုလားပဲ(V-7) ၂၆၃၀၀၀ ကျပ်နှင့် ၂၆၅၀၀၀ ကျပ်၊ ကုလားပဲ (ထိုင်ဝမ်) ၂၄၃၀၀၀ကျပ်  နှင့်၂၄၅၀၀၀ကျပ်၊ ကုလားပဲ(929) ၂၅၅၀၀၀ ကျပ်၊ တစ်ပိဿာပေါက်စျေးမှာ ကုလားပဲ(V-2)၄၅၇၆ကျပ်၊ ကုလားပဲ(V-7) ၄၅၉၄ ကျပ်နှင့် ၄၆၂၉ကျပ်၊ ကုလားပဲ (ထိုင်ဝမ်) ၄၃၂၀ကျပ်နှင့်၄၃၅၆ကျပ်၊ ကုလားပဲ(929) ၄၅၃၃ ကျပ်တို့ဖြစ်ပြီး၊ ယခင်နှစ် ကာလတူတစ်ပိဿာစျေးမှာ ကုလားပဲ(V-2) ၄၂၄၅ ကျပ်နှင့် ၄၂၈၀ကျပ်၊ကုလားပဲ (V-7)  ၄၃၃၂ ကျပ်၊ ကုလားပဲ(ထိုင်ဝမ်)၄၁၄၂ကျပ်နှင့် ၄၁၇၈ ကျပ်၊ကုလားပဲ(929)၄၂၃၁ ကျပ်နှင့် ၄၂၆၇ကျပ် စျေးတို့ဖြစ်သည့်အတွက် ကာလတူပေါက်စျေးနှိုင်းယှဉ်ပါက ကုလားပဲ စျေးပိုမိုရရှိကြောင်း သိရပါ သည်။   

DOCA(မန္တလေး)                                                                                      

   ပြည်တွင်းစားသုံးမှုနှင့်ပြည်ပသို့တင်ပို့သည့်ပဲတီစိမ်းမှာ စျေးကောင်းရသည့် ပဲအမျိုးအစားဖြစ်ပါသည်။ မန္တလေးပဲမျိုးစုံစျေးကွက်သို့ ပဲတီစိမ်းဝင်ရောက်မှုအနေဖြင့် မန္တလေးတိုင်း ဒေသကြီး၊ စစ်ကိုင်းတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီးနှင့် ရှမ်းပြည်နယ်တို့မှ ဝင် ရောက်ကြောင်း သိရပါသည်။ မန္တလေးတိုင်းဒေသကြီးအတွင်း၂၀၂၄-၂၀၂၅ ခုနှစ် ပဲတီစိမ်းစိုက်ပျိုး မှု (၂၇၀၉၅၈)ဧက၊ ရိတ်သိမ်း(၂၅၃၄၄၁)ဧက၊ အထွက်နှုန်း(၁၁.၆၄)တင်းနှင့် အထွက် (၂၉၄၉၀၁၇) တင်း ဖြစ်ကြောင်း သိရပါသည်။ မန္တလေးပွဲစား၊ကုန်သည်၊စက်ပိုင်များမဟာကထိန်တော်အသင်း တွင်၂၀၂၅ခုနှစ်ဇူလိုင်လတတိယပတ်အတွင်း ဖြစ်ပေါ်လျက်ရှိသောစျေးမှာ ၃တင်းဝင်တစ်အိတ် လျှင် ပဲတီစိမ်းအညာ ၃၀၀၀၀၀ ကျပ်နှင့် ၄၀၀၀၀၀ ကျပ်၊ပဲတီရွှေဝါ(ပဲခွဲ)၂၂၀၀၀၀ ကျပ်နှင့် ၂၅၀၀၀၀ ကျပ်၊ တစ်ပိဿာစျေးမှာပဲတီစိမ်းအညာ ၅၃၃၃ကျပ်နှင့် ၇၁၁၁ကျပ်၊ ပဲတီရွှေဝါ(ပဲခွဲ) ၃၉၁၁ ကျပ် နှင့် ၄၄၄၄ ကျပ်တို့ဖြစ်ကြောင်း သိရပါသည်။ ယခင်နှစ်ကာလတူ တစ်ပိဿာစျေးမှာ ပဲတီစိမ်း (အညာ) ၃၀၂၂ ကျပ်နှင့် ၃၅၅၆ ကျပ်၊ပဲတီစိမ်း(ပဲခွဲ)၂၄၈၉ ကျပ်ဖြစ်ပေါ်ခဲ့ပြီး၊ ကာလတူ စျေးနှိုင်းယှဉ်ပါက ပဲတီစိမ်းအညာမှာ တစ်ပိဿာလျှင် ၃၅၅၅ ကျပ်စျေးပိုမိုရရှိ ကြောင်း သိရပါ သည်။

DOCA(မန္တလေး)