မြင်းခြံမြို့နယ်အတွင်းရှိ မွေးမြူရေးကြက်များကို ဒေသတွင်း တစ်ပိုင်တစ်နိုင် မွေးမြူကြကြောင်းနှင့် လိုအပ်သောမွေးမြူရေးကြက်ဥများကို မန္တလေးမြို့နှင့် ပခုက္ကူမြို့တို့မှ ဝယ်ယူရောင်းချ ကြောင်း သိရှိရသည်။ အေးမြသီတာဈေးတွင် ၂၀၂၅ခုနှစ်၊ ဇူလိုင် တတိယပတ်တွင် ရောင်းချနေသော ကြက်ဥလက်လီတစ်လုံးလျှင် (၄၈၀-၅၀၀)ပေါက်ဈေးများရှိကြောင်း၊ နေ့စဉ်ကြက်ဥ(၁၅-၂၀)ပိဿာ ခန့်အရောင်းအဝယ်ဖြစ်လျက်ရှိကြောင်း၊ ကြက်ဥအကြီးအသေးနှင့် အရွယ်အစားပေါ်မူတည်ပြီး ဈေးနှုန်းကွာခြားကြောင်းသိရှိရသည်။ ဒေသတွင်း ဟင်းလျာအဖြစ်နှင့် စားသောက်ကုန် လုပ်ငန်းများ က အများဆုံးဝယ်ယူသောကြောင့် အရောင်းအဝယ်ဖြစ်လျက်ရှိကြောင်း ကြက်ဥလက်လီလက်ကား ရောင်းချသူတစ်ဦး၏ ပြောပြချက်အရသိရှိရသည်။ အမျိုးသမီးများ ကျန်းမာရေးအနေဖြင့် မီးယက် သွေးဆုံးပြီးနောက် ခန္ဓာကိုယ်၌ ဟော်မုန်း အီစထြိုဂျင် မထုတ်ပေးနိုင်သောကြောင့် အရိုးပါးခြင်း၊ အရိုးပွခြင်းဖြစ်လာသောကြောင့် ဗီတာမင်ဒီ၊ ကယ်လ်ဆီယမ်နှင့် ပရိုတိန်းဓာတ်တွေပါဝင်သော ကြက်ဥကို နေ့စဉ် (၁-၂)လုံးခန့် စားပေးခြင်းဖြင့် အရိုးတွေကို သန်မာစေကြောင်း သိရှိရသည်။
DOCA(မန္တလေး)