ပြည်တွင်းကုန်သွယ်မှုသတင်း

 ငါန်းဇွန်မြို့နယ်သည် ၂၀၂၄-၂၀၂၅ ခုနှစ် ဖူးစားပြောင်း(မိုး)လျာထားဧက( ၂၇၄၂)ဧက၊ စိုက်ပျိုးဧက(၃၆၆၉)ဧက၊ အထွက်နှုန်း(၁၂၀၀၀)ဖူး နှင့် အထွက်ပေါင်း(၃၃၃၃၆၀၀၀)ဖူး ထွက်ရှိ ကြောင်းသိရသည်။ ဆောင်းဖူးစားပြောင်း လျာထားဧကမှာ(၂၆၂၇)ဧက၊ စိုက်ပျိုးဧကမှာ (၆၁၆၉) ဧက စိုက်ပျိုးခဲ့ပြီး အထွက်နှုန်း (၁၂၀၀၀) ဖူး နှင့် အထွက်နှုန်းပေါင်း (၇၄၀၂၈၀၀၀)ဖူး ထွက်ရှိကြောင်း သိရသည်။ စိုက်ပျိုးသောမျိုးမှာ ဒေသခေါ် သူတော်မျိုးကို အများဆုံး စိုက်ပျိုးကြကြောင်း၊ မျိုး၊သွင်းအားစုနှင့် လုပ်သားခအပါအဝင် တစ်ဧကကုန်ကျစရိတ်အနေဖြင့် (၅) သိန်းကျပ်ဝန်းကျင်ခန့် ကုန်ကျပါကြောင်း၊ ပေါ်စချိန်တွင် (၂၅၀/၃၀၀)ကျပ်ခန့် ဖောက်သည်ဈေးဖြင့် ရောင်းချရပါကြောင်း၊ မန္တလေးမြို့နှင့် ငါန်းဇွန်မြို့မဈေးသို့ ရောင်းချကြပါကြောင်း သိရှိရ သည်။ယခုနှစ် ၂၀၂၅-၂၀၂၆ ခုနှစ် ဖူးစားပြောင်း(မိုး) လျာထားဧက ( ၂၇၇၈)ဧကရှိပြီး၊ စိုက်ပျိုး ဧက(၁၃၈)ဧက စိုက်ပျိုးပြီးကြောင်း သိရသည်။ ဖူးစားပြောင်းစိုက်ပျိုးခြင်းဖြင့် နွားစာအဖြစ် ပြောင်းရိုးများကိုလည်း ပြန်လည်ရောင်းချရသည့်အတွက် တွက်ခြေကိုက်သည့် သီးနှံတစ်မျိုးဖြစ် ကြောင်း ပြောင်းစိုက်တောင်သူတစ်ဦး၏ ပြောပြချက်အရ သိရသည်။  

DOCA(မန္တလေး)   

  ညောင်ဦးမြို့နယ်တွင် မိုးသီးနှံများဖြစ်သော ပဲတီစိမ်း၊ ပဲစဉ်းငုံ၊ မြေပဲ၊ နှမ်း စသည့် သီးနှံများ ကို တောင်သူများစိုက်ပျိုးလျက်ရှိပါသည်။ ၂၀၂၅ -၂၀၂၆ ခုနှစ်တွင် စိုက်ပျိုးသီးနှံ လျာထားချက်များ အနေဖြင့်  ပဲတီစိမ်း(၁၇၀၁၂)ဧက၊ ပဲစဉ်းငုံ(၁၁၈၆၈)ဧက၊ မြေပဲ (၁၀၁၇၂၇) ဧက၊ နှမ်း (၁၈၁၃၇)ဧက လျာထားပြီး စိုက်ပျိုးပြီးစီးမှုအနေဖြင့် ပဲတီစိမ်း (၂၆၁၉)ဧက ၊ ပဲစဉ်းငုံ (၈၃၁၄)ဧက၊ မြေပဲ(၃၂၄၂၅) ဧက၊ နှမ်း(၃၂၆၀)ဧက စိုက်ပျိုးထားကြောင်း သိရှိရပါသည်။ ယခင်နှစ် အထွက်နှုန်းအနေဖြင့် ပဲတီ စိမ်း၊ တစ်ဧကလျှင် (၁၁)တင်း ၊ ပဲစဉ်းငုံတစ်ဧကလျှင် (၁၂)တင်း၊ မြေပဲ တစ်ဧကလျှင် (၄၇)တင်းနှင့် နှမ်းတစ်တင်းလျှင် (၅)တင်းခန့် ထွက်ရှိကြောင်း သိရှိရသည်။

     ယခုနှစ်တွင် မျိုးဈေးနှုန်းများအနေဖြင့် မျိုးပဲတီစိမ်း တစ်ပြည်(၈၀၀၀)ကျပ်၊ မျိုးပဲစဉ်းငုံ တစ်ပြည်(၆၀၀၀)ကျပ်၊ မြေပဲတစ်ပြည် (၁၀၀၀၀)ကျပ်နှုန်းဖြင့် ဝယ်ယူစိုက်ပျိုးလျက်ရှိပါသည်။ သီးနှံ ဈေးနှုန်းအနေဖြင့် ပဲတီစိမ်း တစ်တင်း(၁၀၄၀၀၀)ကျပ်၊ ပဲစဉ်းငုံတစ်တင်း (၆၇၂၀၀)ကျပ်၊ ပင်ထောင် မြေပဲ တစ်တင်း(၁၄၀၀၀၀)ကျပ်၊ ပင်ပြန့်မြေပဲတစ်တင်း (၁၄၄၀၀၀)ကျပ်၊ နှမ်းဖြူတစ်တင်း (၁၄၀၀၀၀)ကျပ်နှင့် နှမ်းညိုတစ်တင်း (၁၀၀၀၀၀)ကျပ်နှုန်းတို့ဖြင့် ရောင်းဝယ်လျက်ရှိကြောင်း သိရ သည်။

DOCA(မန္တလေး)

     စစ်ကိုင်းတိုင်းဒေသကြီး၊ ကန့်ဘလူမြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များတွင် ဒေသအတွင်းမှထွက်ရှိသည့် သဘာဝမျှစ်များ၊ စိုက်မျှစ်များကို မျှစ်စိမ်းနှင့် မျှစ်ပြုတ်အဖြစ်ရောင်းချသလို မျှစ်ချဉ်သိပ်၍ သိုလှောင်ထားကြပြီး ဈေးကွက်အတွင်းသို့ ရောင်းချလျက်ရှိကြောင်း သိရသည်။

     ၂၀၂၅ ခုနှစ်၊ ဇူလိုင်လ စတုတ္ထပတ်အတွင်း ကန့်ဘလူမြို့မဈေး၌ ဖြစ်ပေါ်နေသော မျှစ်စိမ်းနှင့် မျှစ်ချဉ်ဈေးနှုန်းမှာ မျှစ်စိမ်းတစ်ပိဿာလျှင်(၇၀၀၀)ကျပ်၊ (၅၀)ကျပ်သားလျှင်(၃၅၀၀)ကျပ်နှင့် မျှစ်ချဉ် တစ်ပိဿာလျှင်(၅၃၀၀)ကျပ်၊ (၅၀)ကျပ်သားလျှင်(၂၇၀၀)ကျပ်နှင့် (၁၀)ကျပ်သားလျှင်(၅၅၀)ကျပ်ဖြင့် ရောင်းချလျက်ရှိကြောင်း၊ ယခုလိုမိုးရာသီတွင် မျှစ်များလှိုင်လှိုင်ပေါ်နေသောကြောင့် နောက်နှစ်အတွက် မျှစ်ခြောက်လှန်းရန်အတွက် ဝယ်ယူကြသလို၊ မျှစ်ချဉ်ပြုလုပ်ရန်အတွက် ဝယ်ယူကြသည့်အတွက် မျှဉ်စိမ်းများ အရောင်းအဝယ်သွက်လျက်ရှိကြောင်း၊ မျှစ်ချဉ်သည် မျှစ်စိမ်းရှားပါးလာသည့်အချိန်၌သာ အရောင်းသွက်လေ့ရှိကြောင်း မျှစ်စိမ်း၊ မျှစ်ခြောက်နှင့် မျှစ်ချဉ်ရောင်းချသည့် လုပ်ငန်းရှင်များထံမှ  သတင်းရရှိပါသည်။

DOCA(စစ်ကိုင်း)

    ကျွန်းလှမြို့နယ်အတွင်းရှိ ကျေးရွာများ နှင့် ကျွန်းလှမြို့ပေါ်ရပ်ကွက်များတွင် စိုက်ပျိုးရေး လုပ်ငန်းများကို လုပ်ကိုင်စားသောက်ကြရာမှာ နှစ်ရှည်သီးနှံ ဖြစ်သည့် သရက်သီးပင်၊ နဂါးမောက်သီးပင်၊ ပိန္နဲသီးပင်၊ အုန်းသီးပင်၊ မန်ကျည်းသီးပင် နှင့် မာလကာသီးပင်များကိုလည်း မိမိတို့ နေအိမ် ခြံစည်းရိုး များနှင့် တောင်ယာများထဲတွင် တစ်ပိုင်တစ်နိုင် စိုက်ပျိုးလျက်ရှိပြီး အုန်းသီးများကို ကျွန်းလှမြို့နယ် အတွင်းရှိကျေးရွာများနှင့် မြို့ပေါ်ရပ်ကွက်များမှ ကျွန်းလှမြို့ပေါ်ရပ်ကွက်ဈေးများနှင့် မိမိတို့ကျေးရွာများ တွင်  ရောင်းချလျက်ရှိကြောင်းသိရသည်။

     ၂၀၂၅ ခုနှစ်၊ ဇူလိုင်လ စတုတ္ထပတ်အတွင်း ဖြစ်ပေါ်နေသော ကျွန်းလှမြို့၏ အုန်းသီး ဈေးနှုန်းများမှာ အုန်းသီးစိမ်း တစ်လုံးလျှင်(၃၅၀၀)ကျပ်၊ အုန်းသီးအရင့် အလုံး အကြီး အသေးပေါ် မူတည်၍ တစ်လုံးလျှင်(၃၅၀၀ မှ ၅၀၀၀)အထိ ဈေးနှုန်းအသီးသီတို့ဖြင့် အရောင်းအဝယ် ဖြစ်လျက်ရှိ ကြောင်း သစ်ရာမြိုင်ဈေး၌ အုန်းသီး  ရောင်းချနေသောဈေးသည်ထံမှ သိရသည်။

DOCA(စစ်ကိုင်း)

    ကျွန်းလှမြို့၊ သစ်ရာမြိုင်ဈေးတွင် အသား/ငါးနှင့် အခြားစား‌သောက် ကုန်ပစ္စည်းများ၊ လူသုံးကုန် ပစ္စည်းများရောင်းချသည့်အနက်မှ အသား/ငါး ဈေးနှုန်းများထဲမှ ဝက်သားဈေးနှုန်းသည်လည်း မြင့်တက် လျက်ရှိပါသည်။

    ကျွန်းလှမြို့ ဇူလိုင်လ စတုတ္ထပတ်၏ သားဝက်ဈေးနှုန်းများ အနေဖြင့် ဝက်သားရှယ် (အသားသီး သန့်) လက်လီ တစ်ပိဿာလျှင်(၃၂၀၀၀)ကျပ်၊ ဝက်သား(ပေါင်သား) လက်လီ တစ်ပိဿာလျှင် (၃၀၀၀၀) ကျပ်၊ ဝက်သားရိုးရိုး(နံကိုင်းသား) လက်လီ တစ်ပိဿာလျှင်(၂၉၀၀၀)ကျပ်၊ ဝက်သား ဝမ်းတွင်းကလီစာ လက်လီ တစ်ပိဿာလျှင်(၂၀၀၀၀)ကျပ် နှင့် ဝက်သား(မေးဖျား၊ နားရွက်) တစ်ပိဿာလျှင်(၂၅၀၀၀)ကျပ်၊ ဝက်သွေးခဲ(၁)ပိဿာလျှင်(၄၀၀၀)ကျပ်ဈေးနှုန်းတို့ဖြင့် လည်းကောင်း ဝက်အူချောင်းဈေးနှုန်း အနေဖြင့် ဝက်အူချောင်း တစ်ပိဿာလျှင်(၄၅၀၀၀)ကျပ်၊ ဝက်အူချောင်း (၅၀)ကျပ်သားလျှင်(၂၃၀၀၀)ကျပ် နှင့်  ဝက်အူချောင်း(၁၀)ကျပ်သားလျှင်(၄၅၀၀)ကျပ်ဈေးနှုန်းတို့ဖြင့်  အရောင်းအဝယ်ဖြစ်လျက်ရှိကြောင်း သိရ ပါသည်။

DOCA(စစ်ကိုင်း)