ပြည်တွင်းကုန်သွယ်မှုသတင်း

   ရမည်းသင်းခရိုင်၊ပျော်ဘွယ်ဈေးကွက်၌ ပျော်ဘွယ်မြို့နယ်အတွင်းရှိ ဥသျှစ်ပင်၊မိုးကောင်း၊ တောင်နီကျေးရွာများမှ  ပြည်ပပို့ကုန် သီးနှံတစ်မျိုးဖြစ်သည့် မိုးပဲတီစိမ်းများလှိုင်လှိုင်ထွက်ရှိပြီး နေ့စဉ် အရောင်းအဝယ်ဖြစ်လျက်ရှိပါသည်။

     ပျော်ဘွယ်မြို့ဈေးကွက်တွင် ပွဲရုံများ၌နေ့စဉ် ပဲတီစိမ်းအိတ်(၁၀၀)မှ (၁၅၀) အထိဝင်ရောက် လျက်ရှိကြောင်း၊ ယခုနှစ်ဇူလိုင်လစတုတ္ထပတ်တွင် ပဲတီစိမ်းတစ်တင်းလျှင် (၁၂၅၀၀၀)ကျပ်ဈေးဖြင့် အရောင်းအဝယ်ဖြစ်လျက်ရှိကြောင်း၊ ယခင်နှစ်နှင့်ကာလတူနှိုင်းယှဉ်လျှင်  ပဲတီစိမ်း တစ်တင်းလျှင် (၅၇၀၀၀)ထိဈေးနှုန်းမြှင့်တက်လာကြောင်း၊ ဈေးနှုန်းမြှင့်တက်လာရခြင်းမှာ အထွက်နည်းပြီး ပြည်ပ အဝယ်လိုက်ခြင်းကြောင့်ဖြစ်ကြောင်း၊ ဈေးကွက်အနေဖြင့် မိတ္ထီလာမြို့ပေါ်ရှိသီးနှံပွဲရုံများမှ တစ်ဆင့် မန္တလေးမြို့သို့တင်ပို့ရောင်းချကြကြောင်း သိရပါသည်။

DOCA(မန္တလေး)

   မိတ္ထီလာမြို့နယ်ရှိ ကျေးရွာတွင် မိသားစုအပိုဝင်ငွေရရှိစေရန် တောင်သူလုပ်ငန်းများတွင် အသုံး ပြုရန် ဝါးဖြင့်ပြုလုပ်သော တောင်း၊ ဇကော၊ ဇကာများယက်လုပ်ကြသည့်အပြင် တစ်နိုင်တပိုင် ပလပ် စတစ်ခြင်း၊ တောင်းယက်လုပ်ခြင်းလုပ်ငန်းများကို ယခင်ကအနည်းငယ်သာရှိခဲ့သော်လည်း ယခုအခါ ပလပ်စတစ်ခြင်း၊ တောင်းယက်လုပ်ခြင်းလုပ်ငန်းများတွင်ကျယ်လာစွာလုပ်ကိုင်လာကြပါသည်။

   ပလပ်စတစ်ခြင်းတောင်းယက်လုပ်ခြင်းလုပ်ငန်းသည် အသက်မွေးဝမ်းကျောင်း လက်မှုပညာ တစ်မျိုးဖြစ်၍ သက်ဆိုင်ရာအစိုးရဌာနအဖွဲ့အစည်းများကလည်း သင်တန်းများပို့ချပေးခြင်းကို မိတ္ထီလာ မြို့သစ်၊ အိုင့်ကျေးရွာတို့တွင် ပလပ်စတစ်ခြင်းတောင်းယက်လုပ်ခြင်းလုပ်ငန်းလုပ်ကိုင်သူ( ၁၀ )ဦီးရှိ ကြောင်း၊ လိုအပ်သောကုန်ကြမ်းကို မန္တလေးမြို့မှဝယ်ယူရကြောင်း  ပလပ်စတစ်ကြိုးခွေ တစ်ခွေလျှင် (၄၅၀၀၀)ကျပ်ဝယ်ယူရကြောင်း၊ကိုင်းပြုလုပ်ရသည့်ပလပ်စတစ်အမာ တစ်ပိဿာလျှင်(၅၀၀၀) ကျပ်ရှိ ကြောင်း၊ (၃) ပိဿာကြိုးခွေ(၄)ခွေယက်လုပ်လျှင် ခြင်းတောင်းဆိုဒ် ကြီး/လတ်/သေး အလုံး(၆၀) ခန့်ရရှိကြောင်း၊ ခြင်းတောင်းအကြီးတစ်လုံးလျှင်(၈၀၀၀)ကျပ်၊ ခြင်းတောင်းအလတ်တစ်လုံးလျှင်    ( ၇၅၀၀ )ကျပ်၊ အသေးတစ်လုံးလျှင်( ၆၀၀၀-၆၅၀၀  )ကျပ်ရောင်းချရ ကြောင်း၊ ဈေးကွက်အနေဖြင့် မိတ္ထီလာမြို့သို့‌တင်ပို့ရောင်းချကြကြောင်း၊ ပလပ်စတစ်ခြင်းတောင်းယက်လုပ်ခြင်းလုပ်ငန်းသည် မိသားစုအပိုဝင်ငွေရရှိသည့်အပြင် ကျေးလက်နေပြည်သူများ အလုပ်အကိုင်အခွင့်အလမ်းများစွာ ရရှိကြောင်း သိရပါသည်။

DOCA(မန္တလေး)

မိတ္ထီလာခရိုင်အတွင်း နွေစပါးကို မိတ္ထီလာမြို့နယ်တွင် (၇၀၀) ဧက၊ မလှိုင်မြို့နယ်တွင် (၁၆၉) ဧက၊ သာစည်မြို့နယ်တွင် (၆၉၅) ဧက၊ ဝမ်းတွင်းမြို့နယ်တွင် (၃၂၉၉) ဧက၊ စုစုပေါင်း (၄၈၇၁) ဧက စိုက်ပျိုးခဲ့ကြောင်း၊ နွေစပါးကို မတ်လ၊ ဧပြီလများ တွင် စိုက်ပျိုးပြီး ဇွန်၊ ဇူလိုင်လများတွင် ရိတ်သိမ်းရာ ဇွန်လကုန်အထိ မိတ္ထီလာမြို့နယ်တွင် (၁၅) ဧက ရိတ်သိမ်းခဲ့ရာ တစ်ဧကအထွက်နှုန်းမှာ (၈၆.၇၃) တင်း၊ ဝမ်းတွင်းမြို့နယ်တွင်(၆၅) ဧက ရိတ်သိမ်းခဲ့ရာ တစ်ဧကအထွက်နှုန်းမှာ (၉၃.၉၇) တင်း ထွက်ရှိခဲ့ကြောင်း သိရသည်။

          နွေစပါးကို ဆည်ရေ၊ ကန်ရေရရှိသော စိုက်ဧကများတွင်သာ စိုက်ပျိုးနိုင်သဖြင့် စိုက်ပျိုးမှုနည်း ကြောင်း၊ မိတ္ထီလာခရိုင်အတွင်း နွေစပါးအများဆုံးစိုက်ပျိုးသော ဝမ်းတွင်းမြို့နယ်တွင် ယခုနှစ် ကင်းတားဆည်ဘောင်ပြုပြင်နေဆဲဖြစ်၍ ရေပေးဝေနိုင်သည့် ဧရိယာနည်းခြင်းကြောင့် စိုက်ပျိုးမှု နည်း ရာ ယခင်နှစ်စိုက်ဧက၏ ထက်ဝက်ခန့်လျော့နည်းခဲ့သော်လည်း ယခုနှစ်မေလက ရွာသွန်းခဲ့သော မိုး ကြောင့် အထွက်နှုန်းကောင်းကြောင်း ဆန်စက်ပိုင်ရှင်များထံမှ သိရသည်။

          မိတ္ထီလာခရိုင် နွေစပါးတစ်ဧက အထွက်နှုန်းမှာ ယခုနှစ် စိုက်ပျိုးရာသီအတွက် ရိတ်သိမ်းပြီး အခြေအနေမှာ (၉၂.၆၁) တင်း ထွက်ရှိပြီး ယခင်နှစ်ကာလတူ၌ (၈၂.၃၀) တင်း ထွက်ရှိခဲ့ကြောင်း မြေ စာရင်းဦးစီးဌာန၏ စာရင်းများအရ သိရသည်။

DOCA(မန္တလေး)

     စစ်ကိုင်းတိုင်းဒေသကြီး၊ ကန့်ဘလူမြို့၊ မြို့မဈေးတွင် အသားငါးအမျိုးစုံအပြင် ရေထွက် ကုန်ပစ္စည်းဖြစ်သော ငါးရံ့ခြောက်နှင့် ပုဇွန်ခြောက်များကိုလည်း ရောင်းချလျက်ရှိပါသည်။ ယခုအခါ  ငါးရံ့ခြောက်နှင့် ပုဇွန်ခြောက်များကို  ကန့်ဘလူမြို့နယ်နှင့် ကျွန်းလှမြို့နယ်အတွင်းရှိဆည်များမှ ဝင်ရောက်လျက်ရှိပြီး ငါးရံ့ခြောက်နှင့် ပုဇွန်ခြောက်များကို ဒေသထွက်ကုန်တစ်ခုအနေဖြင့်ထုတ်လုပ် ရောင်းချလျက်ရှိပါသည်။ ငါးရံ့ခြောက်နှင့် ပုဇွန်ခြောက်များကို အသိမိတ်ဆွေများအားလက် ဆောင်ပေးခြင်းအတွက်သော်လည်းကောင်း၊ ကိုယ်တိုင်စားသုံးရန်အတွက်သော်လည်းကောင်းဝယ် ယူကြကြောင်း၊ ၂၀၂၅ခုနှစ်၊ ဇူလိုင်လ စတုတ္ထပတ်အတွင်း ရောင်းချလျက်ရှိသော ငါးရံ့ခြောက်နှင့် ပုဇွန်ခြောက်ဈေးနှုန်းများမှာ ငါးရံ့ခြောက်(၁)ပိဿာလျှင်(၆၀၀၀၀)ကျပ်၊ (၅၀)ကျပ်သားလျှင် (၃၀၀၀၀)ကျပ်၊ (၂၅)ကျပ်သားလျှင် (၁၅၀၀၀)ကျပ်နှင့် ပုဇွန်ခြောက်အသေး (၁)ဘူးလျှင်(၃၅၀၀) ကျပ်၊(၁)ပြည်လျှင်(၂၈၀၀၀)ကျပ်နှင့် ပုဇွန်ခြောက်အကြီး(၁)ဘူးလျှင်(၅၀၀၀)ကျပ်၊ (၁)ပြည်လျှင် (၄၀၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း ငါး၊ ပုဇွန်ရောင်းဝယ်ရေးလုပ်ငန်းရှင်ထံမှ သိရပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ရာသီပေါ်သီးနှံများကို စိုက်ပျိုး ရောင်းချလျက်ရှိရာ ယခုအခါ ကြက်ဟင်းခါးပင်နှင့်ခဆော့ပင်များကို  နေအိမ်ခြံဝင်းများတွင်လည်း ကောင်း၊ ယာတော၊လယ်တောများတွင်လည်းကောင်း တစ်နိုင်တစ်ပိုင်စိုက်ပျိုး၍ ရောင်းချလျက်ရှိ ကြောင်းသိရသည်။  

    ၂၀၂၅ခုနှစ်၊ဇူလိုင်လ စတုတ္ထပတ်အတွင်း ကန့်ဘလူမြို့မဈေးတွင် ကုန်စိမ်းရောင်းချသူ တစ်ဦး၏ပြောပြချက်အရ ကြက်ဟင်းခါးသီးနှင့်ခဆော့သီးများကို ကန့်ဘလူမြို့ပေါ်နှင့်နတ်ပေး ကျေးရွာ၊ ကာဘိုးကျေးရွာများမှ ဝယ်ယူရောင်းချလျက်ရှိကြောင်း၊ ကြက်ဟင်းခါးသီးဈေးနှုန်းများမှာ ကြက်ဟင်းခါးသီး (၂၅)ကျပ်သားလျှင် (၁၀၀၀)ကျပ်၊ (၅၀)ကျပ်သားလျှင် (၂၀၀၀)ကျပ်၊ (၁)ပိဿာ လျှင်(၄၀၀၀)ကျပ်နှင့် ခဆော့သီး(၁)ပြည်လျှင်(၃၈၀၀)ကျပ်၊ (၁)ဘူးလျှင်(၅၀၀)ကျပ်ဖြင့်ရောင်းချ လျက်ရှိကြောင်း သတင်းရရှိပါသည်။

DOCA(စစ်ကိုင်း)