ပြည်တွင်းကုန်သွယ်မှုသတင်း

မန္တလေးတိုင်းဒေသကြီး၊ကျောက်ဆည်ခရိုင်သည်အပူပိုင်းဒေသဖြစ်သည့်အတွက်ဆေးဘက်ဝင် အပင်တစ်မျိုးဖြစ်သည့် နေလှဲ့ပင်များလည်း ပေါက်ရောက်လျှက်ရှိပါသည် ။ ယခင်က အလေ့ကျ ပေါက်ရောက်လျှက်ရှိပြီး ယခုအခါတွင် တောင်သူများမှ မြေလွတ်မြေရိုင်းများပေါ်တွင် စီးပွားဖြစ်စိုက် ပျိုးလျှက်ရှိပါသည်။ နေလှဲ့(၁)ဧက စိုက်ပျိုးမှုအနေဖြင့် မျိုး(၃)ပြည်ကုန်ကျကြောင်း၊ မျိုး(၁)ပြည် လျှင်(၇၀၀၀)ကျပ်ဖြင့်ဝယ်ယူစိုက်ပျိုးကြပါသည်။ မျိုး ၊ သွင်းအားစု ၊ လုပ်သားခအပါအဝင် စုစုပေါင်း (၂၀၀၀၀၀)ကျပ်ခန့်ကုန်ကျကြောင်း၊ နေလှဲ့ကိုထွန်းဖုံးပတ်ကြဲစနစ်ဖြင့်စိုက်ပျိုးကြပါသည်။ သြဂုတ်လ မှ စတင်စိုက်ပျိုးပြီး ဒီဇင်ဘာလတွင် စတင်ဆွတ်ခူးကြကြောင်း၊ နေလှဲ့သီးများရင့်မှည့်ချိန်တွင် အပင်ခြေမှခုတ်ယူ၍ အကိုင်းမျာကိုတုတ်ဖြင့် ရိုက်၍ခြွေကြရကြောင်း၊ ယခင်နှစ် နေလှဲ့စေ့တစ်ပိဿာ လျှင်(၈၂၀၀)ကျပ်ဖြင့် ရောင်းခဲ့ရပြီး ယခုနှစ် နေလှဲ့တစ်ပိဿာလျှင် (၉၀၀၀)ကျပ်ဖြင့် ရောင်းချရ ကြောင်း ၊ နေလှဲ့စိုက်ပျိုးမှုတွင် ကနဦးစိုက်ပျိုးစရိတ်သာကုန်ကျပြီး ကျန်နှစ်တွင် အတက်မွေး၍ နေလှဲ့စေ့ကိုရယူကြောင်း၊နေလှဲ့စိုက်ပျိုးမှုတွင် ကုန်ကျစရိတ်သက်သာပြီး ဝင်ငွေတိုးကြောင်း၊  (၁)ဧက အထွက်နှုန်အနေဖြင့်  သန့်စင်ပြီး နေလှဲ့စေ့(၆-၇)တင်းခန့်ထွက်ရှိကြောင်း ၊ ယခုလက်ရှိပေါက်စျေး အနေဖြင့် နေလှဲ့စေ့တစ်တင်းလျှင်(၁၄၄၀၀၀)ကျပ်ရှိကြောင်း၊ စိုက်ပျိုးစရိတ်နှုတ်ပြီးပါက(၆၀၀၀၀၀) ကျပ်ခန့်မြတ်ကြောင်း၊ နေလှဲ့စေ့ ကိုကြိတ်၍ အဆီထုတ်ကာ တိုင်းရင်း‌‌ဆေးအဖြစ် အသုံးပြုကြောင်း၊ နွယ်မြက်သစ်ပင် ဆေးဖက်ဝင်သည်ဆိုရိုးစကားအတိုင်း နေလှဲ့ပင်၏ အကျိုးကို သိရှိသူများရှိသလို မသိရှိသူများလည်းရှိကြောင်း ၊ နေလှဲ့ပင်သည် မြေလွတ်မြေရိုင်းများတွင် ပက်ကြဲစနစ်ဖြင့် စိုက်ပျိုးရ သဖြင့်  ကုန်ကျစရိတ်သက်သာပြီး ဝင်ငွေများများရသဖြင့် စိုက်ပျိုးသင့်ကြောင်း သိရှိရပါသည်။

DOCA(မန္တလေး) 

ရှားစောင်းလက်ပတ်ပင်သည် အာဖရိကနှင့် မက်ဒီတာရေးနီးယန်းဒေသများတွင် စတင် ပေါက်ပွားသော အပင်ဖြစ်သည်။ လီလီရေးစီးဟု ခေါ်တွင်သော အပင်မျိုးရင်းဝင် တစ်ခုဖြစ်ပြီး အိန္ဒိယ၊ တရုတ်၊ သြစတေးလျ၊ အာဖရိက၊ မက်ဆီကန်နှင့် ယူအက်စ်အေတို့တွင် စီးပွားဖြစ် စိုက်ပျိုးထုတ်လုပ်ကြသည်။ ကမ္ဘာပေါ်တွင် ရှားစောင်းလက်ပတ်မျိုးစိတ်ပေါင်း (၅၀၀) ခန့်ရှိပါသည်။ ရှားစောင်းလက်ပတ်သည် မြန်မာနိုင်ငံ၌ နေရာအနှံ့အပြားတွင် စိုက်ပျိုးပေါက်ရောက်သော်လည်း အထူးသဖြင့် အပူပိုင်းဒေသတွင် ပိုမိုဖြစ်ထွန်းသည်။ မြန်မာပြည်၌ရှိသော ရှားစောင်းလက်ပတ်ပင်၏ ယေဘူယျသဏ္ဍာန်မှာ အရည်ရွှမ်းသော ပင်ပျော့ ပင်ငယ်မျိုးဖြစ်ပြီး အမြင့်(၁)ပေမှ (၁.၅)ပေ အထိမြင့်သည်။ စိုက်ပျိုးပြီး (၂)နှစ်မြောက်မှစ၍ ခူးဆွတ်နိုင်သည်။  

                        ရှားစောင်းလက်ပတ်သည် အလှအပနှင့် အရေပြားကျန်းမာရေးအတွက် အထူး ကောင်းမွန်သည်။ အလွယ်တကူဝယ်၍ရခြင်းကြောင့် ကိုယ်တိုင်ပြုလုပ်ဖို့လည်းလွယ်ကူပါသည်။ ရာသီမရွေး အသုံးပြုနိုင်ပြီး ရှားစောင်းလက်ပတ်မှရသည့်အနှစ်မှာ အရေပြားကို အေးမြစေပြီး အရေပြားနီမြန်းခြင်း၊ ရောင်ရမ်းခြင်း တို့ကို သက်သာစေပါသည်။ ရှားစောင်းလက်ပတ်မှရသည့် အနှစ်များမှာ အသားအရေကို အစိုဓာတ်ထိန်းပေးသည့်အပြင် အသားအရေအမျိုးအစားများအားလုံးအတွက် အသုံးပြု၍ရပါသည်။       

                   ရှားစောင်းလက်ပတ်မှရသည့် အနှစ်များသည် အကြောင်းအမျိုးမျိုးကြောင့်ဖြစ်သည့် ဒဏ်ရာများကို အမြန်ဆုံးသက်သာစေပါသည်။ အသားအရေကိုနုပျိုကျန်းမာစေသည့် Vitamin C, Vitamin E, Vitamin A အပြင် antioxidant ဓာတ်ပေါင်းများစွာပါဝင်သည့်အတွက် အသားအရေကို တင်းရင်းစေပြီး အရွယ်မတိုင်ခင် အိုမင်းရင့်ရော်ခြင်းမှ ကာကွယ်ပေးပြီး ဝက်ခြံ၊ တင်းတိပ်များကိုလည်း ပျောက်ကင်းစေပါသည်။ ကျား၊ မ အသက်အရွယ်မရွေး အသုံးပြု၍ရပြီး ဆေးဖက်ဝင်အပင်တစ်မျိုး ဖြစ်ပါသည်။ ဆီး၊ ဝမ်း၊ သွေး၊ လေမှန်စေပြီး ကျန်းမာစေပါသည်။ ထို့အပြင် အမိုင်နိုအက်ဆစ်၊ အဆီဓာတ်၊ သက်စောင့်ဓာတ်နှင့် ကိုယ်ခံအားကောင်းစေပြီး နှလုံးကိုကောင်းမွန်စေကာ အဆိပ်အတောက်ကို ပြေစေသည့် အစွမ်းသတ္တိများရှိသည်။ ရှားစောင်းလက်ပတ်ကို ထန်းလျက်၊ ပျားရည်တို့ဖြင့် ကျိုချက်စားပါက အမျိုးသမီးများအသားအရေလှပသည့်အပြင် မီးယပ်ရောဂါများအတွက်လည်း အသုံးဝင် လှပေသည်။

                   ရှားစောင်းလက်ပတ်၏အနှစ်သည် ကိုယ်ခန္ဓာအတွက်သာမက ဦးရေပြားကို ကျန်းမာစေပြီး ဆံပင်များကိုနက်မှောင်သန်စွမ်းလာစေပါသည်။  ထို့အပြင် ဦးရေပြားရှိဗောက်များကိုလည်း ရှင်းပေး နိုင်ပါသည်။ ရှားစောင်းလက်ပတ်ကိုအသုံးပြု၍ ဆေးဝါးများကို ထုတ်လုပ်နိုင်သည့်အပြင် Juice, Shampoo , Hair Coat ,  Hair Cream, Conditioner, Shower ,Soap, Facial Foam, Eye Cream , Moisturizer Cream, Smoothing  Gel , Lotion စသည့် ကျန်းမာရေးနှင့်ကိုက်ညီသော စားသောက်ကုန်၊ လူသုံးကုန်၊ အလှကုန်များကိုလည်း ထုတ်လုပ်လာကြပါသည်။

                   ယခုနှစ် ဇန်နဝါရီလတွင် ဈေးကွက်အတွင်း၌ အရွယ်အစားအလိုက် ရှားစောင်းလက်ပတ် တစ်ပိဿာလျှင် ၁၂၀၀ကျပ်မှ ၂၀၀၀ကျပ်အထိ ရောင်းချလျက်ရှိသည်ဟုသိရပါသည်။ ရှားစောင်း လက်ပတ်သည် နိုင်ငံတကာတွင် ဈေးကွက်ဝင်သော  အပင်တစ်မျိုးဖြစ်သည့်အပြင် ဆေးဖက်ဝင် သောကြောင့် တောင်သူများအနေဖြင့် စီးပွားဖြစ်စိုက်ပျိုးသင့်ပြီး အိမ်တွင်လည်း တစ်ပိုင်တစ်နိုင် စိုက်ပျိုး သင့်ပါကြောင်း ရေးသားလိုက်ရပေသည်။

DOCA(မန္တလေး) 

             ဟင်းနုနွယ်ပင်သည် နေရာအနှံအပြားတွင် စိုက်ပျိုးလေ့ရှိသော အပင်တစ်မျိုးဖြစ်သည်။ ဟင်းနုနွယ်ပင်သည် စိုက်ပျိုးရလွယ်ကူပြီး အကြမ်းခံသော ဟင်းရွက်ပင်ဖြစ်ပြီး ပူနွေးသော ရာသီဥတုကို ကြိုက်နှစ်သက်သောအပင်တစ်မျိုးဖြစ်ပါတယ် အပင်မှာ အနီရောင် နှင့်အစိမ်းရောင်ပင်(၂)မျိုးရှိပြီး  အစေ့ချစိုက်ပျိုးခြင်းအဖြစ် အလေ့ကျပေါက်ရောက်လျက်ရှိကြောင်းလဲတွေ့ရှိရပါသည်။ ဟင်းနု နွယ်ပင်ကို သီးသန့်စိုက်ပျိုးခြင်းနှင့် သီးညှပ်စိုက်ပျိုးခြင်းကြောင့် ပိုလျှံသည်များအားရောင်းချကြပြီး အပိုဝင်ငွေရရှိကြောင်း နှင့်မိသားစုစားသုံးရန် တပိုင်တနိုင် စိုက်ပျိုးလျက်ရှိကြောင်း သိရှိရပါသည်။ ဟင်းနုနွယ်ပင်သည် ကျန်းမာရေးကို အထောက်အကူပြုသော  ဆေးဖက်ဝင် ဟင်းရွက်ပင်တစ်မျိုး ဖြစ်သည်။ ဟင်းနုနွယ်ပင်ကို စားသုံးခြင်းဖြင့် ရရှိသောကောင်းကျိုးများမှာ အစိမ်းရောင်ခြယ် ပစ္စည်းများပါဝင်သောကြောင့် ကိုယ်တွင်းရှိ မကောင်းသောဓာတ်တိုးဆန့်ကျင်တဲ့ အာနိသင်ပါဝင်ခြင်း၊ ဗီတာမင် အေ အာနိသင်ကြွယ်ဝစွာပါဝင်သောကြောင့် အမြင်အာရုံများကောင်းမွန်ခြင်း၊ ခုခံအား မြင့်တက်စေသော သွေးဖြူဥဆဲလ်များကို အားကောင်းလာကြောင်း၊ ဗီတာမင် အေ၊ စီ၊ ကေ၊ ဖောလစ်အက်ဆစ်ဓာတ်များ ပါဝင်သောကြောင့် အရွယ်ရောက်သူများအတွက် အရေပြားကို ကြည်လင်ဝင်းပပြီး ပျက်စီးသွားသောဆဲလ်များကို အသစ်ဖြစ်ပေါ်လာပြီး အရွယ်တင်နုပျိုလာကြောင်း လေ့လာသိရှိရပါသည်။ ငယ်ရွယ်သူများအတွက် ဟင်းနုနွယ်ရွက်ထဲတွင် ဗီတာမင်နှင့် သတ္တုဓာတ်များ ပါဝင်သောကြောင့် ဝက်ခြံ၊ အမာရွတ်၊ အမည်းစက်နှင့်ယားယံခြင်းများကိုလည်း ကာကွယ်ပေးပြီး ဇင့်၊ မဂ္ဂနီဆီယမ်၊ သံဓာတ်နှင့် ဗီတာမင် ဘီ တို့ပါဝင်သောကြောင့် ဆံပင်ကျွတ်ခြင်းများ၊ ညဘက် အိပ်မပျော်ခြင်းများနှင့် နေလောင်ဒဏ်ကြောင့် အရေပြားပြဿနာများမဖြစ်အောင် ကာကွယ်ပေး ကြောင်းလေ့လာသိရှိရပါသည်။ ကလေးအာဟာရဓာတ်စာအဖြစ်လည်း အသုံးပြုပြီး အမျှင်ဓာတ်များ ပါဝင်သောကြောင့် ကိုယ်အလေးချိန်လျော့ကျသည် အစားစာအဖြစ် အသုံးပြုကြောင်း လေ့လာ သိရှိရပါသည်။ ဟင်းနုနွယ်ရွက်ကို အစားများခြင်းကြောင့် ဝမ်းချုပ်ခြင်းများဖြစ်ပေါ်ခြင်းကြောင့် ကျန်းမာရေးမကောင်းသောသူများအနေဖြင့် ဆင်ခြင်၍ စားသုံးသင့်ကြောင်း လေ့လာသိရှိရပါသည်။ ဟင်းနုနွယ်ရွက်သည် ချက်ပြုတ်ရလွယ်ကူရုံသာမက ကျန်းမာရေးအတွက် အထောက်အကူပြု သောကြောင့် အိမ်ရှင်မများအတွက် လက်စွဲဟင်းတစ်ခွက်ဖြစ်သည်။ ဟင်းနုနွယ်ရွက်ကို ချက်စား၊ သုပ်စား၊ ကြော်စား မိမိကြိုက်နှစ်သက်သည့် ပုံစံအမျိုးမျိုးပြုလုပ်၍ စားလေ့ရှိကြသည်။ ဟင်းနုနွယ်ရွက်ကို ရေနွေးဖျောပြီး ပုဇွန်ခြောက်၊ ကြက်သွန်နီ၊ ကြက်သွန်ဖြူ၊ ဆီချက် မြေပဲတို့နဲ့လည်း သုပ်၍စားသည်အပြင် ကြက်ဥနဲ့လည်း‌ ကြော်၍စားလေ့ရှိကြပြီး အရည်သောက်ဟင်းချိုအဖြစ်လည်း ချက်ပြုတ်၍စားသုံးလေ့ရှိသည်။ ဟင်းနုနွယ်ရွက်ကို ရာသီမရွေး ဈေးထဲတွင် အလွယ်တကူ ဝယ်ယူလို့ရသော ဟင်းရွက်တစ်မျိုးဖြစ်ပြီး  မန္တလေးမြို့ပေါ်ရှိ ယခု ဇန်နဝါရီလဈေးနှုန်းအနေဖြင့် လက်ကားဈေးနှုန်း(၁ပိဿာ)လျှင်၁၅၀ဝိ/-၊ လက်လီဈေး(၁ပိဿာ)လျှင်၂၀၀ဝိ/-နှုန်းဖြင့် ရောင်းချ လျက်ရှိကြောင်း ဈေးရောင်းချသူတစ်ဦးထံမှ သိရှိရပါသည်။

DOCA(မန္တလေး) 

အုန်းပင်ကို မြန်မာနိုင်ငံအနှံ့အပြားနှင့် ပင်လယ်ကမ်းရိုးတန်းဒေသတွေမှာ အများအပြား ပေါက်လေ့ရှိပါသည်။ မန္တလေးမြို့အတွင်းသို့ ဧရာဝတီတိုင်းမှ အုန်းသီးများဝင်ရောက်လျှက်ရှိပြီး လမ်းဘေး ဈေးသည်များမှ ရောင်းချလျှက်ရှိကြောင်းသိရသည်။ အုန်းသီးကို စားသုံးခြင်းအားဖြင့် သွေးဖောက်ပြန်ခြင်း၊ ဖောရောင်ခြင်းတို့ကို သက်သာစေပြီး အမောခံနိုင်ခြင်း, အသားအရေလှပခြင်း စသည့် အကျိုးကျေးဇူး များကိုလည်း ရရှိနိုင်ကြောင်း သိရှိရသည်. အုန်းရည်မှာ ကျန်းမာရေးအတွက်လည်း အထူးသင့်လျော်ပြီး သဘာဝအသီးဖျော်ရည် တစ်မျိုးလည်းဖြစ်သည်။ အုန်းစိမ်းရည်တွင် ပိုတက်စီယမ်ကြွယ်ဝစွာပါဝင် သောကြောင့် အားအင်များကို ပြန်လည်ဖြည့်တင်းပေးခြင်း၊ သွေးအားကောင်းစေခြင်းနှင့် ခန္ဓာကိုယ်ပင်ပန်းနွမ်းနယ်မှုများကိုလည်း သက်သာစေပါသည်။ အချို့မှာ အုန်းသီးဆံအစိမ်းကို ကွမ်းယာများထဲတွင် ထည့်၍ စားသုံးကြကြောင်း၊ အုန်းသီးဆံကိုခြစ်၍ ကြော်ပြီးလည်း ထိုးမုန့်, ရွှေကြည်ဆနွင်းမကင်းများပေါ်သို့ ဖြူး၍လည်း အသုံးပြုလေ့ရှိသည်။ အုန်းသီးဆံကို ညစ်ပြီးရရှိသော အုန်းနို့များကိုလည်း အုန်းနို့ကျောက်ကျော၊ အုန်းထမင်းနှင့် အစားအသောက်အမျိုးမျိုး ပြုလုပ် စားသောက်ကြသည်။ အုန်းသီးဆံကို နေပူလှမ်းအခြောက်ခံပြီးကြိတ်ကာ အုန်းဆီအဖြစ်ပြုလုပ်ရောင်းချ ကြပြီး ဈေးကွက်ကောင်းလျှက်ရှိပါသည်။ အုန်းသီးကို ဘုရားပွဲ၊ တရားပွဲ၊ ကန်တော့ပွဲများ ပြင်ဆင်ရာတွင် အသုံးပြုကြသလို မိရိုးဖလာ ကန်တော့ပွဲများတွင်လည်း အုန်းသီးကို ထည့်သွင်းအသုံးပြုကြသည်။ အုန်းစိမ်းရည်သောက် အုန်းသီးတစ်လုံးလျှင် ၃၀၀၀/၃၅၀၀ ကျပ်အထိ ရောင်းချကြပြီး ဘုရား ကန်တော့ပွဲများနှင့် ရိုးရာကန်တော့ပွဲများတွင် အသုံးပြုသော အုန်းသီးဈေးနှုန်းမှာ တစ်လုံးလျှင် ၄၀၀၀/၆၀၀၀ ကျပ်အထိ ရောင်းချနေကြောင်း အုန်းသီးငှက်ပျောရောင်းချသူများထံမှ သိရှိရသည်။

DOCA(မန္တလေး) 

          မန္တလေးဈေးကွက်အတွင်းသို့ ပြင်ဦးလွင်ဒေသနှင့်ရှမ်းပြည်နယ်တောင်ပိုင်းဒေသများမှ ထွက်ရှိ သည့်ခါကြက်ဥ(ခေါ်)မုန်လာဥနီ  ကုန်စိမ်းများအများအပြား ဝင်ရောက်လျက်ရှိပါတယ်။     ဈေးကွက် အတွင်း တွေ့ရသော ခါကြက်ဥ(ခေါ်)မုန်လာဥနီကုန်စိမ်းမှာ ဒေသမျိုးမုန်လာဥနီနှင့်ထိုင်ဝမ်မျိုးမုန်လာ ဥနီအမျိုးအစားများဖြစ်ပြီး    တစ်နှစ်ပတ်လုံးဝင်ရောက်သည့်ကုန်စိမ်း   အမယ်တစ်မျိုးဖြစ်ပါတယ်။ မုန်လာဥနီကုန်စိမ်းသီးနှံမှာ လိမ္မော်ရောင်ရှိပြီး၊  ကယ်လိုရီ ပါဝင်မှု နည်းခြင်း၊ဗီတာမင်နှင့်သတ္ထုဓာတ် များစွာ ပါရှိသည့်အတွက်  မုန်လာဥနီစားသုံးခြင်းဖြင့်  အသားအရေ လှပစေခြင်း၊ သွားနှင့်သွားဖုံးများ ကျန်းမာစေခြင်း၊ အရွယ်တင်နုပျိုစေခြင်း၊ အသည်းကျန်းမာစေခြင်း၊ သွေးသန့်စေခြင်း၊ မျက်စေ့အား ကောင်း စေခြင်း၊အိုမင်းရင့်ရော်ခြင်းမှကာကွယ်ခြင်းတို့ကြောင့်   ကျန်းမာ ရေးအကျိုးကျေးဇူးများစွာ ရရှိတဲ့ သီးနှံတစ်မျိုးဖြစ်ပါတယ်။  ခါကြက်ဥ(ခေါ်)မုန်လာဥနီကို  အသုပ်၊ အပြုတ်၊  အကြော်၊အလှော်၊ အကင်၊ စွပ်ပြုတ်၊ ဆန်ပြုတ်၊ ပူရီ၊  ထမင်းလိပ်၊ ကင်မ်ချီ၊   တော့ပိုကီ၊ ဘီစကစ်၊   စပါဂ်တီခေါက်ဆွဲ၊ ကိတ်မုန့်၊ ပေါင်မုန့်၊ ကွက်ကီ၊ ပူတင်း၊ယို၊ ရေခဲမုန့်၊ ရေခဲချောင်း၊မုံလာဥနီ ဖျော်ရည်စားဖွယ်စုံအဖြစ် အမျိုးမျိုးပုံဖော် စားသောက်ကြောင်း သိရပါတယ်။ မန္တလေးမြို့၊ ၄၁လမ်း၊ကမ်းနားလမ်း၊ကုန်စိမ်းဈေး နှင့် သီရိမာလာစျေး(ပိုက်ကျုံဈေး)ကုန်စိမ်းစျေးတို့တွင်   ဇန်နဝါရီလတတိယပတ်တွင် ဖြစ်ပေါ်လျက် ရှိသော ပေါက်ဈေးမှာ တစ်ပိဿာလျှင် လက္ကားဈေး မုံလာဥနီ(ဒေသမျိုး) ၂၀၀၀ကျပ်နှင့် ၂၅၀၀ကျပ်၊ မုံလာဥနီထိုင်ဝမ်မျိုး ၇၀၀၀ ကျပ်နှင့် ၇၅၀၀ကျပ်၊ လက်လီဈေးအနေဖြင့် မုန်လာဥနီဒေသ မျိုး ၃၀၀၀ ကျပ်နှင့် ၃၅၀၀ကျပ်၊ မုန်လာဥနီထိုင်ဝမ်မျိုး  ၈၀၀၀ကျပ်နှင့် ၈၅၀၀ ကျပ်တို့ဖြစ်ကြောင်း သိရပါတယ်။ မန္တလေးမြို့၊ သီရီမာလာ၊ကုန်စိမ်းစျေးရှိ ခါကြက်ဥ(ခေါ်)မုန်လာဥနီရောင်းချသူတစ်ဦး၏ ပြောပြချက် အရ ခါကြက်ဥ(ခေါ်) မုန်လာဥနီကုန်စိမ်းသည် စားသုံးမှုများပြားသည့် သီးနှံတစ်မယ်ဖြစ်ပြီး၊ ဇန်နဝါရီ လတတိယပတ်အတွင်း အရောင်းသွက်သည့်ကုန်စိမ်းအမယ်ဖြစ်ကြောင်း ကုန်စိမ်းရောင်းချသူတစ်ဦး ထံမှ သိရှိရပါတယ်။ မန္တလေးမြို့၊ သီရိမာလာကုန်စိမ်းစျေးအတွင်  ခါကြက်ဥ(ခေါ်)မုန်လာဥနီကုန်စိမ်း   ဝင်ရောက်မှုအနေဖြင့်  တစ်ပတ်လျှင်(Canter ) ၆ ဘီးကား ၁၅စီး  နှင့်၂၀စီး အကြား ဝင်ရောက်လျက် ရှိကြောင်း သိရပါတယ်။

DOCA(မန္တလေး)