ပြည်တွင်းကုန်သွယ်မှုသတင်း

          မြေပဲမှာ စားသုံး ဆီကြိတ်ခွဲခြင်းလုပ်ငန်းများနှင့် စားသောက်ကုန်တို့တွင် အသုံးပြုခြင်း တို့ကြောင့် ပြည်တွင်းစျေးကွက်နှင့်ပြည်ပသို့ တင်ပို့သည့်သီးနှံဖြစ်ပြီး အရောင်းသွက်လျက်ရှိ ကြောင်းသိရပါသည်။ မန္တလေးတိုင်းဒေသကြီးအတွင်း ဆီထွက်သီးနှံမြေပဲအား မိုးနှင့် ဆောင်း ရာသီများတွင် စိုက်ပျိုးပြီး၊ ၂၀၂၄-၂၀၂၅ ခုနှစ်မြေပဲစိုက်ပျိုးမှု ၆၃၈၆၂၆ ဧက၊ရိတ်သိမ်းမှု ၆၃၇၄၄၇ ဧက၊ အထွက် နှုန်း ၄၆.၇၇ တင်း၊ အထွက်စုစုပေါင်း ၂၉၈၁၅၉၉၆ တင်းဖြစ်ကြောင်း သိရပါသည်။ မန္တလေးပွဲစား၊ ကုန်သည်စက်ပိုင်များမဟာကထိန်တော်အသင်းတွင် ၂၀၂၅ ခုနှစ်စက်တင်ဘာလ ပထမပတ်အတွင်းဖြစ်ပေါ်လျက်ရှိသည့်ပေါက်စျေးများမှာ မြေပဲတစ်ပိဿာလျှင် S1 လုံးဆံ ၇၅၅၀ ကျပ်နှင့်၇၆၅၀ကျပ်၊S1 ဆီဆံ  ၆၈၀၀ကျပ်၊ အနီလုံးဆံ ၇၂၀၀ ကျပ်နှင့် ၇၅၀၀ကျပ်တို့ဖြစ်ကြောင်း သိရပါသည်။ ယခင်နှစ်ကာလတူ တစ်ပိဿာစျေးမှာS1 လုံးဆံ ၉၃၀၀ ကျပ်၊ S1 ဆီဆံ ၈၁၀၀ ကျပ်နှင့်၈၈၀၀ကျပ်၊အနီလုံးဆံ ၈၇၀၀ကျပ်၊အနီဆီဆံ၇၈၀၀ ကျပ်နှင့် ၈၁၅၀ ကျပ်တို့ဖြစ်ကြောင်း သိရပါသည်။ယခင်နှစ်နှင့်ယခုနှစ်ကာလတူ မြေပဲဆံပေါက်စျေးနှိုင်းယှဉ်ပါက စျေးလျော့နည်းသွား ကြောင်း သိရပါသည်။

DOCA (မန္တလေး)

    မအူပင်ခရိုင်၊ မအူပင်မြို့နယ်တွင် တိုးမြစ်ရှိ၍ မြစ်ငါးများ သုံးရာသီလုံးဖမ်းယူရရှိနေပြီး မြစ်ငါး၊ ပုဇွန် ရောင်းချသူ အခွန်လွန် ဈေးတွင် ၅ဦးခန့် ရှိကြောင်း ဈေးကွက်အတွင်း သိရသည်။

   မြစ်ငါး၊ မြစ်ပုစွန်များကို ပိုက်များဖြင့်လည်းကောင်း၊ မြုန်းများဖြင့်လည်း ကောင်းဖမ်းစီးပြီး မအူပင်အခွန်လွတ်ဈေးတွင် ရောင်းချကြသည်။ အခြားသော ဈေးများတွင်လည်း ကျေးရွာများမှ မြစ်ချောင်းများမှ ဖမ်းစီးရရှိသော ငါးများကို ရောင်းချနေကြောင်း သိရသည်။ အခွန်လွတ်ဈေးတွင် ရောင်းချနေသော ကပ်သပိုး ငါး ၁ပိဿာ ၂၅၀၀၀ကျပ်၊ ငါးမွေထိုး(အကျား) ၁ပိဿာ ၃၀၀၀၀ကျပ်၊ ပုစွန်ထုတ်အကြီး ၁ပိဿာ ၆၀၀၀၀ကျပ်၊ အလတ် ၅၅၀၀၀ကျပ်၊ ပုစွန်အသေး ၁ပိဿာ ၄၀၀၀၀ကျပ်ဖြင့်လည်းကောင်း၊ အရောင်းအဝယ်ဖြစ်လျက်ရှိသည်။ ငါး၊ ပုစွန် တစ်နေ့ရောင်းချပါက ၅ပိဿာ၊ ၇ပိဿာ ခန့်ရောင်းချရပါကြောင်း ငါးရောင်းချသူထံမှ သိရသည်။ ငါးများကို မအူပင်ဈေးအတွင်းသာ ရောင်းချခြင်းဖြစ်ပြီး မြစ်ချောင်းမှ ထွက်ရှိနေ၍ မိသားစု အပိုဝင်ငွေရသော လုပ်ငန်းတစ်ခုဖြစ်ကြောင်း သိရသည်။

DOCA(ဧရာဝတီ)

           မိတ္ထီလာခရိုင်၊ သာစည်မြို့နယ်၊ မကျီးခွကျေးရွာတွင် လယ်ယာစိုက်ပျိုးရေးလုပ်ငန်းများ အပြင် မွေးမြူရေးထွက်ကုန်ပစ္စည်းတစ်မျိုးဖြစ်သည့် နွားနို့၊ နွားနို့ခဲတို့ကိုလည်း တစ်ပိုင်တစ်နိုင် ထုတ်လုပ် ရောင်းချကြပါသည်။ တစ်ပိုင်တစ်နိုင်မွေးမြူထားသည့် နွားမများကရရှိသောနွားနို့ကို နွားနို့ အရည် တိုင်း 1 (Liter) ဆန့် ရေသန့်ဗူးများနှင့်ထည့်၍ ဈေးကွက်သို့ တင်ပို့ရောင်းချမှုအပြင် နွားနို့ကိုခဲ၍ နွားနို့ခဲကိုလည်း ပြုလုပ်ရောင်းချကြပါသည်။ နွားနို့အရည် 1 (Litre) ကိုခဲလျှင် နွားနို့ခဲ (၁၀)ကျပ် သားခန့်ရရှိပြီး နွားနို့ခဲပြုလုပ်ရာ၌ ရိုးရာဓလေ့အတိုင်း ပြုလုပ်ရာ ဓါတုဗေဒနည်းဖြင့်ပြုလုပ်ခြင်း မဟုတ်သည့်အတွက် ကျန်းမာရေးနှင့် ညီညွတ်မှုရှိပါသည်။ နွားနို့ခဲပြုလုပ်ပုံမှာ ဒေသတွင်း အလေ့ကျ ပေါက် ရောက်သည့် မရိုးစေးပင်ကိုအဓိကထား အသုံးပြုရာ ဦးစွာနွားနို့ကျိုချက်မည့် အိုးကိုမရိုးစေးဖြင့် သုတ်လိမ်းပြီး နွားနို့ကိုမရိုးစေးရွက်ဖြင့် ရောကာအိုးအတွင်း ထည့်ကျိုချက်ကာ မရိုးစေးပင်အရိုးဖြင့် ပြစ်လာ သည်အထိ အဆက်မပြတ်မွှေပေးရပါသည်။ ၎င်းနောက် နွားနို့ရည်ပြစ်ခဲလာသည့်အခါ ခွက်ဖြင့်ထည့်၍ အအေးခံပြီးပါက နွားနို့ခဲရရှိပါသည်။ ဒေသတွင်းတစ်ပိုင်တစ်နိုင်အနေဖြင့် ထုတ်လုပ်သော နွားနို့ရည်၊ နွားနို့ခဲကို သာစည်၊ မိတ္ထီလာမြို့ပေါ်ရှိ ဈေးများသို့ သွားရောက်ရောင်းချကြရာ နွားနို့ 1(Litre) တစ်ဗူးလျှင် (၂၅၀၀)ကျပ်၊ နွားနို့ခဲ (၁၀)ကျပ်သားလျှင် (၂၅၀၀)ကျပ်တို့ဖြင့် ရောင်းချရကြောင်း သိရသည်။

  DOCA (မန္တလေး)

        မိတ္ထီလာခရိုင်၊ မလှိုင်မြို့နယ်တွင် ပန်းမုံလာ(ခေါ်)ပန်းဂေါ်ဖီကို ဒေသရာသီဥတုအရ စိုက်ပျိုး လေ့မရှိကြောင်း၊ ဆောင်းသီးနှံအဖြစ်သာစိုက်ပျိုးထွက်ရှိကြောင်း သိရှိရပါသည်။ သို့သော်လည်း ဒေသ တွင်းတွင် ပန်းဂေါ်ဖီကို ၁၂ရာသီဝယ်ယူရရှိလျက်ရှိရာ ယခုကာလတွင် ဒေသတွင်းသို့ ရှမ်းပြည်နယ်၊ အောင်ပန်း၊ ကလောမှလည်းကောင်း၊ တိုင်းတွင်း ပုပ္ပါးဒေသမှ ဝင်ရောက်လျက်ရှိကြောင်း သိရှိရ ပါသည်။ ပုပ္ပါးဒေသမှ ထွက်ရှိသောပန်းဂေါ်ဖီမှာ  အပွင့်သေးငယ်ပြီး တစ်ပွင့်လျှင် ၅၀၀ကျပ် ရှိပြီးတောင်ပေါ်ဒေသမှ ဝင်ရောက်လျက်ရှိသော ပန်းဂေါ်ဖီမှာအပွင့်ကြီးပြီးအပွင့်ပေါ်မူတည်၍တစ်ပွင့့််င်(၁၀၀၀-၂၅၀၀)ကျပ်ဖြင့် ရောင်းဝယ်လျက်ရှိကြောင်း သိရှိရပါသည်။

DOCA (မန္တလေး)

     စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကျွန်းလှမြို့၊ ပိတောက်မြိုင်ရပ်ကွက်တွင် ၊ မိသားစု စားဝတ် နေရေးအတွက် တစ်ဖက် တစ်လမ်းမှ အပိုဝင်ငွေရရှိရန်အတွက်သော်လည်းကောင်း ဝါသနာအရသော်လည်း ကောင်း  စိုက်ပျိုးရေးနှင့် မွေးမြူရေးကို လုပ်ကိုင်ကြရာမှ ပန်းပျိုးပင်မျိုးစုံ ဖြစ်သည့် တယူဇနာပန်း(ခေါ်) တောင်ကြီးသနပ်ခါးပန်း၊ ငှက်ပျောပန်း၊ ပိန်းပန်း၊ ရှင်သီဝလိဂမုန်းပန်း၊ သစ်ခွပန်း၊ ဒေစီပန်း၊ သဇင်ပန်း ၊ ခွာညိုပန်း စသည်တို့အပြင်  နှင်းဆီပန်းများကို ပျိုးပင်ရော အပွင့်ပါ ရောင်းချရန်အတွက်  တစ်နိုင်တစ်ပိုင် စိုက်ပျိုးလာကြ သည်။

     ၂၀၂၅ ခုနှစ်၊ စက်တင်ဘာလ ပထမပတ် ကျွန်းလှမြို့၏ နှင်းဆီပန်း ပျိုးပင်ဈေးနှုန်း နှင့် နှင်းဆီပန်းအပွင့် ဈေးနှုန်းအနေဖြင့် နှင်းဆီပန်းပျိုးပင် တစ်ပင်လျှင်(၂၀၀၀)ကျပ်  ဈေးနှုန်းရှိပြီး နှင်းဆီပန်း အကြီး တစ်ပွင့်လျှင်(၈၀၀)ကျပ်၊ (၂)ခက်လျှင်(၁၅၀၀)ကျပ်၊ အသေး တစ်ပွင့်လျှင်(၅၀၀)ကျပ်ဈေးနှုန်းတို့ဖြင့် ရောင်းချလျက်ရှိကြောင်း ပန်းဥယာဉ် စိုက်ပျိုး ရောင်းချသူထံမှ သိရှိရပါသည်။

DOCA(စစ်ကိုင်း)