ပြည်တွင်းကုန်သွယ်မှုသတင်း

    မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေး၌ အာလူးကို မကွေး၊ မင်းဘူး၊ တောင်တွင်းကြီး၊ သရက်မြို့တို့အပြင် ရှမ်းပြည်နယ်၊ အောင်ပန်း၊ တောင်ကြီးမြို့တို့မှ မှာယူရောင်းချကြောင်း သိရသည်။

  ၂၀၂၅ ခုနှစ်၊ အောက်တိုဘာလ(စတုတ္ထပတ်)တွင် အာလူး(၁)ပိဿာလျှင် ကျပ်(၆၅၀၀-၇၀၀၀)ဖြင့် ရောင်းချလျက်ရှိပြီး ယခင်(တတိယပတ်)တွင် ကျပ်(၆၀၀၀-၆၅၀၀)ဖြင့် ရောင်းချခဲ့ရာ ဈေးနှုန်းနှိုင်းယှဉ်ပါက ကျပ်(၅၀၀)ဈေးနှုန်းမြင့်တက်ခဲ့ကြောင်း သိရ သည်။ ယခုအချိန်တွင် ဇေယျာသီရိဈေးအတွင်း ရှမ်းပြည်နယ်၊ အောင်ပန်းမြို့၊ တောင်ကြီုးမြို့တို့မှထွက်ရှိသည့် အာလူးများသာ ဝင်ရောက်မူများသည့်အတွက် သယ်ယူစရိတ်မြင့်တက်သည့်အပြင် အာလူးစိုက်ပျိုး ထွက်ရှိရာဒေသ များ၌လည်း စိုက်ခင်းအသစ်များ စတင်စိုက်ပျိုးလျက်ရှိပြီး သိုလှောင်ထားသော အာလူးများသာ အရောင်းအဝယ်ဖြစ်လျက်ရှိသောကြောင့် ဈေးနှုန်းမှာမြင့်တက်လာခြင်းဖြစ်ကြောင်း သိရသည်။

DOCA( မကွေး)

  မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေး၊ ကုန်စိမ်းသီးနှံ ဈေးကွက်၌ ဂေါ်ရခါးသီးကို မင်းလှမြို့နယ်၌ ဒေသတွင်းစိုက်ပျိုးမှု မရှိသည့်အတွက် ရှမ်းပြည်နယ်၊ အောင်ပန်းမြို့မှ တိုက်ရိုက်မှာယူရောင်းချလျက်ရှိသည့်အပြင် မင်းဘူး၊ မကွေးမြို့တို့ရှိ ကုန်စိမ်း သီးနှံဈေးကွက်မှလည်းမှာယူရောင်းချကြောင်း သိရသည်။

   ၂၀၂၅ ခုနှစ်၊ အောက်တိုဘာလ(စတုတ္ထပတ်)တွင် ဂေါ်ရခါးသီး(၁)လုံးလျှင် ကျပ် (၂၅၀-၃၀၀) ဖြင့် ရောင်းချလျက်ရှိပြီး ယခင်စက်တင်ဘာလ(စတုတ္ထပတ်)တွင် ဂေါ်ရခါးသီး(၁)လုံးလျှင် ကျပ် (၄၅၀-၅၀၀)ဖြင့် ရောင်းချခဲ့ရာ ဈေးနှုန်းနှိုင်းယှဉ်ပါက ယခုတစ်ပတ်တွင် ကျပ်(၂၀၀) ဈေးနှုန်းကျ ဆင်းပြီး အရောင်းအဝယ်ဖြစ်ကြောင်း သိရသည်။ ယခုအချိန်တွင် ဂေါ်ရခါးသီး စိုက်ပျိုးထွက်ရှိရာ ဒေသများ၌ အထွက်နှုန်းများလှိုင်လှိုင်ထွက်ရှိသောကြောင့် ဈေးနှုန်းမှာကျဆင်းလာခြင်းဖြစ်ကြောင်း၊ ဈေးနှုန်းချိုသည့်အတွက် အရောင်းအဝယ်မှာလည်း သွက်လျက်ရှိကြောင်း သိရှိရပါသည်။

DOCA(မကွေး)

  မကွေးတိုင်းဒေသကြီး၊ မကွေးခရိုင်၊ မကွေးမြို့ပေါ်ရှိဈေးများသို့ ရှမ်းပြည်နယ်၊ အောင်ပန်းနှင့် မကွေးမြို့နယ်အတွင်းရှိကျေးရွာများမှ ထွက်ရှိသော ခရမ်းချဉ်သီးများ ဝင်ရောက်အရောင်းအဝယ် ဖြစ်လျက်ရှိကြောင်း သိရသည်။

    ၂၀၂၅ ခုနှစ်၊ အောက်တိုဘာလ(စတုတ္ထပတ်)တွင် ခရမ်းချဉ်သီး(ရှမ်း)(၁)ပိဿာလျှင် ကျပ် (၃၀၀၀)၊ ခရမ်းချဉ်သီး(ကိုင်း)(၁)ပိဿာလျှင် ကျပ်(၂၀၀၀)ဖြင့် အရောင်းအဝယ်ဖြစ်လျက်ရှိရာ ယခင်အပတ်နှင့် နှိုင်းယှဉ်ပါက ဈေးနှုန်းတည်ငြိမ်လျက်ရှိကြောင်း၊ ယခုအချိန်တွင် ဒေသတွင်း ခရမ်းချဉ်သီးများလှိုင်လှိုင်ထွက်ရှိလာသောကြောင့် ခရမ်းချဉ်သီးဈေးမှာတည်ငြိမ်နေကြောင်း သိရှိရပါ သည်။

DOCA(မကွေး)

  မကွေးတိုင်းဒေသကြီး၊ မကွေးခရိုင်၊ မကွေးမြို့နယ်၊ မကွေးကုန်စည်ဒိုင်သို့ မြို့နယ်အတွင်းရှိ မိကျောင်းရဲ၊ လျောင်းတော်ဦး၊ ကံသစ်၊ ရွာဟောင်းကန်၊ သစ်ရာကောက်စသည့် ကျေးရွာ(၁၄၀)ကျော် နှင့် မြို့သစ်၊ နတ်မောက်မြို့တို့မှ ထွက်ရှိသော နှမ်းမျိုးစုံနှင့် မြေပဲ၊ ပဲမျိုးစုံဝင်ရောက်ရောင်းဝယ် ဖောက်ကားလျက်ရှိပါသည်။

     ၂၀၂၅ ခုနှစ်၊ အောက်တိုဘာလ(စတုတ္ထပတ်)တွင် နှမ်းနီ(၁)တင်းလျှင် ကျပ်(၁၀၇၀၀၀)၊ နှမ်းဖြူ (၁)တင်းလျှင် ကျပ်(၁၀၀၀၀၀)၊ နှမ်းနက်(စမုံ)(၁)တင်းလျှင် ကျပ်(၂၄၈၀၀၀)၊ နှမ်းညိုကြား (၁)တင်းလျှင် ကျပ်(၉၂၀၀၀)ဖြစ်၍ (တတိယပတ်)နှင့် နှိုင်းယှဉ်ပါက ယခုတစ်ပတ်တွင် နှမ်းဖြူကျပ် (၂၀၀၀)၊ နှမ်းနက်(စမုံ) ကျပ်(၂၀၀၀)ဈေးနှုန်းကျဆင်းခဲ့ကြောင်း၊ တစ်ပတ်အတွင်း မကွေးမြို့မှ မန္တလေးမြို့သို့ အိတ်ရေ(၄၅၀၀)တင်ပို့ခဲ့ပြီး တန်ချိန်အားဖြင့် (၂၁၀)တန်ခန့်အရောင်းအဝယ် ဖြစ်ခဲ့ ကြောင်း သိရသည်။

DOCA(မကွေး)

         စားအုန်းဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီသည် စားအုန်းဆီများ သတ်မှတ်အရည်အသွေး၊ စံချိန်စံညွှန်းများနှင့်အညီ စားသုံးသူပြည်သူများ ကျန်းမာရေးနှင့်ညီညွတ်သော စားသုံးဆီများသုံးစွဲနိုင်ရေး၊ ဈေးနှုန်းတည်ငြိမ်စွာ ဝယ်ယူစားသောက်နိုင်ရေး ကြီးကြပ်ထိန်းကျောင်း၍ သက်ဆိုင်ရာ ကုမ္ပဏီများက စားအုန်းဆီများ ပြည်ပမှ တင်သွင်းလျက်ရှိရာ ရန်ကုန်တိုင်းဒေသကြီး သီလဝါဆိပ်ကမ်း၊ ဗားကရာ (သဲကွင်း) ဆိပ်ကမ်း၊ ကြည့်မြင်တိုင်မြို့နယ် ကမ်းနားဈေးဆိပ်ကမ်း၊ KIP ဆိပ်ကမ်းသို့ ဆီသင်္ဘောများ ဆိုက်ကပ်ပြီး၊ ကြည့်မြင်တိုင်မြို့နယ် KIP ဆိပ်ကမ်းတွင် ၂၆.၁၀.၂၀၂၅ ရက်နေ့ MT . BAUHINIA V.06/25OP သင်္ဘောဖြင့် Star 01 ဆီကန်သို့   3000 MT၊ Star 02 ဆီကန်သို့ 2299.792 MT စုစုပေါင်းတန်ချိန် 5299.792 MT ဝင်ရောက်လျက်ရှိကြောင်း သိရှိရပါသည်။

DOCA(ရန်ကုန်)